Cambodia-National Rescue Party: September 2013

Friday, September 27, 2013

គណបក្សប្រឆាំងចង់ចរចា តែមិនទាន់កំណត់ថ្ងៃ

លោក នាយករដ្ឋមន្រ្តី ហ៊ុន សែន និង លោក សម រង្ស៊ី ប្រធានគណបក្សសង្គ្រោះជាតិ ក្នុងកិច្ចប្រជុំកំពូលនៅរដ្ឋសភា ថ្ងៃទី១៦ កញ្ញា ឆ្នាំ២០១៣ (RFI/Siv Channa)

27-09-2013
ដោយ ស៊ុន មេសា
RFI

ក្រោយការប្រកាសបើកការចរចាជាមួយគណបក្សប្រជាជនកម្ពុជាសា ជាថ្មី រហូតមកដល់ថ្ងៃសុក្រ ទី២៧ កញ្ញានេះ គណបក្សសង្គ្រោះមិនទាន់បានកំណត់ថ្ងៃចរចាជាមួយគណបក្សកាន់អំណាចនៅឡើយ ទេ។ យ៉ាងណាក៏ដោយ គណបក្សសង្គ្រោះជាតិនៅតែប្រកាន់គោលជំហរនៃរបៀបវីរៈពីរចំណុចជាមួយ គណបក្សកាន់អំណាច គឺស្វែងរកយុត្តិធម៌ជូនម្ចាស់ឆ្នោត និងយន្តការស្វែងរកតុល្យភាពអំណាចរវាងគណបក្សទាំងពីរនៅក្នុងសភាជាតិ។

គណបក្សសង្គ្រោះជាតិ របស់លោក សម រង្ស៊ី និង លោកកឹម សុខា នៅមិនទាន់កំណត់ថ្ងៃចរចាជាមួយគណបក្សប្រជាជនកម្ពុជាឱ្យជាក់លាក់ ដើម្បីបិទបញ្ចប់វិបត្តិនយោបាយដែលកំពុងអូសបន្លាយក្រោយការបោះឆ្នោត នៅឡើយទេ។ នេះបើតាមលោក យ៉ែម បុញ្ញាឫទ្ធិ អ្នកនាំពាក្យគណបក្សសង្គ្រោះជាតិ បានថ្លែងប្រាប់វិទ្យុបារាំងអន្តរជាតិនៅថ្ងៃសុក្រនេះ។
អ្នកនាំពាក្យរូបនេះបន្តថា បើទោះបីជានៅមិនទាន់កំណត់បានថ្ងៃចរចាសាជាថ្មីជាមួយបក្សកាន់អំណាច ក៏ដោយ ប៉ុន្តែគណបក្សប្រឆាំងមួយនេះ មានរបៀបវីរៈសំខាន់ពីរសម្រាប់ការការចរចាជាមួយគណបក្សកាន់អំណាច រួចទៅហើយ។ របៀបវារៈទាំងពីរនោះគឺ ទី១ ការស្វែងរកយុត្តិធម៌ជូនម្ចាស់ឆ្នោត និងកំណែទម្រង់តុល្យភាពនៃអំណាចក្នុងការដឹកនាំនៅក្នុងរដ្ឋសភាជាតិ។ មន្ត្រីអ្នកនាំពាក្យរូបនេះពន្យល់ថា ចំនុចទាំងពីរនេះនឹងអាចការពារបាននូវប្រសិទ្ធភាពនៃការដឹកនាំ ប្រទេស រួមទាំងការកំណែទម្រង់ប្រព័ន្ធបោះឆ្នោតដោយតម្លាភាពនិងយុត្តិធម៌។

មន្ត្រីការិយាល័យនយោបាយរបស់គណបក្សប្រជាជនកម្ពុជា លោក ជាម យៀប បានបញ្ជាក់ថាគណបក្សប្រជាជនកម្ពុជា គឺនៅតែរង់ចាំការចរចាជាមួយ គណបក្សសង្គ្រោះជាតិជាដដែល។ ហើយគណបក្សកាន់អំណាចមួយនេះ នឹងនៅតែផ្តល់តំណែងអនុប្រធានមួយរដ្ឋសភាមួយកន្លែង និងតំណែងប្រធានគណៈកម្មការចំនួន៤ រួមទាំងអនុប្រធានគណៈកម្មការ៥ ឱ្យគណបក្សសង្គ្រោះជាតិដដែល។ ហើយលោកថា គណបក្សប្រឆាំងចាំបាច់ត្រូវចូលសច្ចាប្រណិធានក្នុងព្រះបរមរាជវាំង ជាមុនសិន។ ប៉ុន្តែអ្នកនាំពាក្យគណបក្សសង្គ្រោះជាតិ លោកយ៉ែម បុញ្ញាឫទ្ធិ បានអះអាងថា គណបក្សប្រឆាំងចាំបាច់ចរចាជាមួយគណបក្សកាន់អំណាចជាមុនសិនទើបចូលស្បថ ជាក្រោយ។

គួររំលឹកថា ការប្រកាសឱ្យមានយន្តការចរចាជាមួយគណបក្សកាន់អំណាច និងប្រកាសពិចារណាទទួលយកអាសនៈក្នុងសភាដែលលោក សម រង្ស៊ី ប្រធានគណបក្សសង្គ្រោះជាតិប្រកាសកាលពីថ្ងៃម្សិលមិញ គឺជារបត់១៨០ ដឺក្រេ ដែលប្រធានគណកប្សសង្គ្រោះជាតិរូបនេះ បានប្រកាសថាក្នុងសន្និសីទកាសែតកាលពីថ្ងៃពុធថា មិនទទួលស្គាល់សោះឡើយរដ្ឋាភិបាល និងសភាអាណត្តិទី៥ របស់លោកនាយករដ្ឋមន្ត្រីហ៊ុន សែន។

យ៉ាងណាក៏ដោយ ការចរចារវាងគណបក្សទាំងពីរមិនទាន់កើតឡើងក៏ដោយ ក៏នេះគឺជាការបន្ទន់ឥរិយាបថ ដើម្បីឈានទៅបិទបញ្ចប់វិបត្តិនយោបាយ នៅកម្ពុជាក្រោយការបោះឆ្នោតដែរ៕

សុបិន និងការពិត ភាគ១ ដោយ វ៉ាន់ឌី កាអុន

Dream and Truth-Part I by Soksan Hing

សុបិន និងការពិត ភាគ២ ដោយ វ៉ាន់ឌី កាអុន

Dream and Truth-Part II by Soksan Hing

គោលជំហរចុងក្រោយរបស់គណបក្សសង្គ្រោះជាតិ [បទសម្ភាសន៍VOA]

លោក ទៀ បាញ់ ព្រមានបង្ក្រាបកូដកម្មបក្សប្រឆាំង

លោកទៀ បាញ់ថ្លែងនៅក្នុងពិធីកាលពីម្សិលមិញ។ រូបថត ផា លីណា

Friday, 27 September 2013
វង្ស សុខេង
The Phnom Penh Post

ភ្នំពេញៈ លោក ទៀ បាញ់ រដ្ឋមន្រ្តី ការពារជាតិ បានថ្លែងកាលពីម្សិលមិញថា កងយោធពលខេមរភូមិន្ទ ត្រៀមជាស្រេចដើម្បីការពាររដ្ឋធម្មនុញ្ញរបស់ព្រះរាជាណាចក្រកម្ពុជា ប្រសិនបើការធ្វើកូដកម្មជាទូទៅរបស់គណបក្សប្រឆាំងប្រព្រឹត្តទៅ។

លោក ឧត្តមសេនីយ៍ ទៀ បាញ់ បានថ្លែងសុន្ទរកថា ទៅកាន់មន្រ្តីក្នុងពិធីផ្ទេរតំណែងនៅក្រសួង សង្គមកិច្ចកាលពីម្សិលមិញថា៖ «កូដកម្មទូទាំងប្រទេស ឬមហាបាតុកម្ម ត្រូវធ្វើឡើងក្រោមក្របខ័ណ្ឌច្បាប់ ហើយវាមិនអាចទៅរួចទេ ប្រសិនបើកូដកម្មមិនស្ថិតក្រោមក្របខណ្ឌនៃច្បាប់នោះ។ មិនគំរាមទេប៉ុន្តែត្រូវមើលចេតនា [របស់គណបក្សសង្គ្រោះជាតិ] ចង់បំផ្លាញរដ្ឋធម្មនុញ្ញ»។

លោកបានបន្តថា៖ «ខ្ញុំនិយាយឲ្យចំពេលនេះ គ្មានអ្នកណាអាចបំផ្លាញរដ្ឋធម្មនុញ្ញបានទេ ហើយកងកម្លាំងប្រដាប់អាវុធ ត្រៀមជាស្រេចនៅភ្នំពេញ»។

កាលពីថ្ងៃពុធគណបក្សសង្គ្រោះជាតិ បានគំរាមអំពាវនាវ ឲ្យធ្វើកូដកម្មទូទាំងប្រទេស។ គណបក្សសង្គ្រោះជាតិ ក៏បានហៅរដ្ឋសភា និងរដ្ឋាភិបាលដែលទើបបង្កើតថ្មី ដោយឯកបក្សថា មិនស្របច្បាប់ បន្ទាប់ពីការបោះឆ្នោតជ្រើសរើសថ្នាក់ដឹកនាំស្ថាប័នជាតិកំពូល ទាំងពីរ សម្រាប់អាណតិ្តថ្មី ដែលធ្វើឡើងកាលពីថ្ងៃអង្គារ ដោយគ្មានវត្តមានរបស់តំណាងរាស្ត្រគណបក្សប្រឆាំងទាំង ៥៥ រូប។ គណបក្សប្រឆាំង បានធ្វើពហិការការបើកកិច្ចប្រជុំសភាលើកដំបូង កាលពីថ្ងៃ ចន្ទ ជាការតវ៉ា ជំទាស់ទៅនឹងគណបក្សប្រជាជន ដែលមិនព្រមចូលរួមបង្កើតគណកម្មាឯករាជ្យមួយ ដើម្បីធ្វើការស៊ើបអង្កេតទៅលើភាពមិនប្រក្រតីនៅក្នុងការ បោះឆ្នោត។

លោកឧត្តម សេនីយ៍ ទៀ បាញ់ បានថ្លែងកាលពីម្សិលមិញថា ការគំរាមធ្វើកូដកម្មរបស់គណបក្សសង្គ្រោះជាតិ ដែលពួកគេបានសន្យាថា ធ្វើមួយថ្ងៃនោះ គឺមានបំណងយ៉ាងច្បាស់ធ្វើឲ្យប៉ះពាល់ដល់រដ្ឋធម្មនុញ្ញ។

លោកបានបញ្ជាក់ថា៖ «វាពិបាកយល់ថា គណបក្សមួយ ដែលគោរពរដ្ឋធម្មនុញ្ញយ៉ាងពេញលេញ អាចបង្កើតរដ្ឋាភិបាលដែលខុសមិនស្របច្បាប់នោះ»។

យ៉ាងណាក៏ដោយ អ្នកវិភាគឯករាជ្យមួយចំនួន រួមទាំងលោក បណ្ឌិត ឡៅ ម៉ុងហៃ បានចាត់ទុកការបើកប្រជុំសភាលើកដំបូងកាលពីថ្ងៃចន្ទ ដែលមានតែអ្នកតំណាងរាស្ត្រមកពីគណបក្សប្រជាជនចំនួន ៦៨ រូបនោះ ថាធ្វើឡើងដោយខុសទៅនឹងគោលការណ៍ច្បាប់រដ្ឋធម្មនុញ្ញ ដែលបានចែងថា ប្រទេសកម្ពុជាប្រកាន់យករបបប្រជាធិបតេយ្យសេរី ពហុបក្ស ប៉ុន្តែកិច្ចប្រជុំសភាបែរជាប្រព្រឹត្តទៅដោយឯកបក្សទៅវិញ៕ TK

ក្រុមកម្មកររោងចក្រ SL ផ្ទុះការតវ៉ាសារជាថ្មីទៀត

ក្រុមសមត្ថកិច្ចជាច្រើនរយនាក់ និងក្រុមកម្មកររោងចក្រ ប្រឈមមុខដាក់គ្នា ពេលកម្មករចង់ហែរក្បួន ទោះជាយ៉ាងក៏ដោយមិនមានសេចក្តីរាយការណ៍ថា មានការរងរបួសឡើយ។ រូបថត ហេង ជីវ័ន

Friday, 27 September 2013
លាង ផាន់ណារ៉ា
The Phnom Penh Post

ភ្នំពេញៈ កម្មករ កម្មការិនីរោងចក្រ SL នៅព្រឹកថ្ងៃសុក្រនេះបានប្រមូលផ្តុំគ្នា តវ៉ាស្វែងរកដំណោះស្រាយឲ្យពួកគេសារជាថ្មី និងមានបំណងចង់ដង្ហែក្បួន ទៅដាក់ញត្តិនៅខុទ្ទកាល័យលោកនាយករដ្ឋមន្ត្រីហ៊ុន សែន ដើម្បីស្នើសុំកិច្ចអន្តរាគមន៍។

ប៉ុន្តែការដង្ហែរក្បួននោះ ត្រូវបានកម្លាំងសមត្ថកិច្ចជាច្រើននាក់រារាំង មិនឲ្យមានការដង្ហែក្បួន ដែលស្ថិតនៅតាមផ្លូវ៣៧១ ត្រង់ភូមិក្បាលទំនប់ សង្កាត់បឹងទំពុន ខណ្ឌមានជ័យ។ យ៉ាងណាក៏ដោយ សមត្ថកិច្ច និងតំណាងក្រុមកម្មករ បានធ្វើការចរចាគ្នា និង បានព្រមព្រៀងគ្នាឲ្យតែតំណាងកម្មករ ត្រឹម៣០នាក់ ទៅកាន់ខុទ្ទកាល័យលោកនាយករដ្ឋមន្ត្រីដើម្បីដាក់ញ្ញាតិប៉ុណ្ណោះ។

កូដកម្មប៉ុន្មានសប្តាហ៍នេះ បានក្លាយជាអំពើហិង្សា កាលពីរសៀលថ្ងៃសៅរ៍សប្តាហ៍មុន ដោយកងរាជអាវុធហត្ថ ដែលគេជួលឲ្យមកយាមរោងចក្រកាត់ដេរ បានបាញ់កាំភ្លើងខាងក្នុងអគារ និងបង្ករបួសធ្ងន់ធ្ងរ ដល់បុរសម្នាក់ និងកម្មករប្រមាណ ១០ នាក់ផ្សេងទៀត។

សូមបញ្ជាក់ថា កម្មកររាប់ពាន់នាក់នោះ បានធ្វើការតវ៉ាទាមទារ ១១ ចំណុច ពីរោងចក្រកាត់ដេរ SL ហើយរោងចក្រនេះ បានយល់ព្រមផ្តល់ឲ្យតែ ៧ ចំណុចប៉ុណ្ណោះ នៅសល់ ៤ ចំណុចទៀត ដូចជា ការស្នើបណ្ដេញលោក មាស សុថា ចេញពីរោងចក្រ ការផ្ដល់ប្រាក់ចំនួន ៣ ដុល្លារ សម្រាប់អាហារក្នុងមួយថ្ងៃ ការមិនកាត់ប្រាក់ខែកម្មករក្នុងពេលតវ៉ា និងការតម្រូវឲ្យក្រុមហ៊ុន ទម្លាក់ចោលបណ្តឹងនៅតុលាការក្រុង។

កម្មករជាច្រើនទៀតកំពុងទាមទារឲ្យកម្លាំងកងរាជអាវុធហត្ថដែលកំពុងឈរយាមនៅរោងចក្រ SL ត្រូវតែដកចេញ។

ដោយឡែក អ្នកគ្រប់គ្រងរោងចក្រ SL បានអះអាងប្រាប់ភ្នំពេញ ប៉ុស្តិ៍កន្លងមកថា ដោយសារសកម្មភាពធ្វើកូដកម្មកំពុងបន្តបានធ្វើឲ្យរោងចក្រ ទទួលរងការខាតបង់ជាង ១៣០ ០០០ ដុល្លារក្នុងមួយថ្ងៃដោយមានអ្នកទិញសំខាន់ៗកំពុងងាកចេញពី ក្រុមហ៊ុនផលិតសម្លៀកបំពាក់ឈានមុខគេរបស់អាស៊ីមួយនេះ។

ក្រុមហ៊ុនយីហោអន្តរជាតិ H&M និង GAP បានកាត់បន្ថយការបញ្ជាទិញរបស់ខ្លួន ខណៈក្រុមហ៊ុន Levi’s បានបញ្ឈប់ការទិញពីរោងចក្រ SL កាលពី ខែសីហា។

វិភាគ៖ តើលោកហ៊ុន សែន ឬ លោកសម រង្ស៊ី ដែលរំលោភរដ្ឋធម្មនុញ្ញករណីបង្កើតសភាឯកបក្ស?

លោកនាយករដ្ឋមន្ត្រី ហ៊ុន សែន (ខាងឆ្វេង) និងលោកសម រង្ស៊ី ប្រធានគណបក្សសង្គ្រោះជាតិ

ចម្លងទុក

ថ្ងៃពុធ ទី25 ខែកញ្ញា ឆ្នាំ2013
ដោយ៖ ពៅ មេត្តា
VOD

សភាអាណត្តិទី៥ បានកើតឡើងនៅថ្ងៃទី២៤ ខែកញ្ញា ឆ្នាំ២០១៣។ ក្រោយការបង្កើតសភានោះ លោក ហ៊ុន សែន អនុប្រធានគណបក្សប្រជាជនកម្ពុជា ដែលទទួលបានតំណែង ជានាយករដ្ឋមន្ត្រីបន្តទៀតនោះ លើកឡើងថា គណបក្សរបស់លោកអនុវត្តតាមរដ្ឋធម្មនុញ្ញ និងគោរពតាមព្រះមហាក្សត្រ ហើយចោទថា គណបក្សប្រឆាំងមិនគោរពរដ្ឋធម្មនុញ្ញ និងព្រះមហាក្សត្រ ចំពោះការមិនចូលរួមប្រជុំសភា។

ចំណែកលោក សម រង្ស៊ី ប្រធានគណបក្សសង្គ្រោះជាតិ ដែលបានដឹកនាំបេក្ខជនជាប់ឆ្នោតរបស់ខ្លួន ទៅខេត្តសៀមរាប នៅថ្ងៃប្រជុំសភានោះ ចោទគណបក្សរបស់លោក ហ៊ុន សែន ថាធ្វើរដ្ឋប្រហាររដ្ឋធម្មនុញ្ញ ដោយបង្កើតសភាដើម្បីផលប្រយោជន៍បក្ខពួក មិនឆ្លុះបញ្ចាំងពីផលប្រយោជន៍ ប្រជារាស្ត្រ និងផលប្រយោជន៍ជាតិ។

អ្នកស្រាវជ្រាវបញ្ហាអភិវឌ្ឍន៍សង្គម លោក កែម ឡី លើកឡើងថា ការបង្កើតរដ្ឋាភិបាលដោយឯកបក្ស ជាការដើរផ្ទុយពីរដ្ឋធម្មនុញ្ញ ៖ “រដ្ឋធម្មនុញ្ញយើង ឲ្យមានប្រទេសមួយដែលមានសេរីពហុបក្ស ប្រជាធិបតេយ្យសេរីពហុបក្ស អញ្ជឹងយើងក៏មិនបានធ្វើទៅទៀត យើងប្រជុំជាឯកបក្ស ឥឡូវបង្កើតរដ្ឋសភាជាឯកបក្ស បន្តិចទៀត បង្កើតរដ្ឋាភិបាលជាឯកបក្ស ទៅទៀត នេះហើយសុទ្ធតែជាលក្ខណៈ ផ្ទុយទៅនិងរដ្ឋធម្មនុញ្ញ”។

ពាក្យថា រំលោភរដ្ឋធម្មនុញ្ញក្រោយការបង្កើតសភាត្រូវបានលោក សម រង្ស៊ី និងលោក ហ៊ុន សែន ជាតួអង្គសំខាន់ ក្នុងគណបក្សទាំងពីរ ដែលទទួលបានអាសនៈ ក្នុងរដ្ឋសភាបានរុញដាក់គ្នាទៅវិញទៅមក។

លោក សម រង្ស៊ី សំអាងលើរដ្ឋធម្មនុញ្ញត្រង់មាត្រា១ ចែងថា ប្រទេសកម្ពុជា ជាព្រះរាជាណាចក្រដែលព្រះមហាក្សត្រ ទ្រង់ប្រតិបត្តិតាមរដ្ឋធម្មនុញ្ញ និងតាមលទ្ធិប្រជាធិបតេយ្យសេរីពហុបក្ស។ ចំណែកមាត្រា៧៦ ក៏បានបញ្ជាក់ដែរថា សភាមានសមាជិកយ៉ាងតិច ១២០រូប។ ដូច្នេះការបង្កើតសភា ដែលមានតែគណបក្សមួយ មានសមាជិកតែ៦៨រូបនោះ ត្រូវលោក សម រង្ស៊ី ហៅថាជា រដ្ឋប្រហាររដ្ឋធម្មនុញ្ញ។

បើយើងរំលឹកទៅខាងដើមបន្តិច គឺចាប់ក្រោយការបោះឆ្នោតភ្លាម គណបក្សសង្គ្រោះជាតិ ទន្ទេញស្ទើររត់មាត់ គឺទាមទារបង្កើតគណៈកម្មការឯករាជ្យស៊ើបអង្កេត ភាពមិនប្រក្រតី ពេលបោះឆ្នោតដោយគណបក្សនេះ លើកឡើងថា មានការលួចបន្លំសន្លឹកឆ្នោតច្រើន នាំឲ្យបាត់សំឡេងគាំទ្រពិតរបស់ប្រជាពលរដ្ឋ។ ទន្ទឹមនឹងការទាមទារបង្កើតគណៈកម្មការឯករាជ្យនេះ គណបក្សសង្គ្រោះជាតិ ក៏ព្រមានស្ទើររាល់ថ្ងៃដែរថា នឹងមិនចូលរួមប្រជុំសភាលើកដំបូងទេ ប្រសិនបើមិនមានការស៊ើបអង្កេត ពីភាពមិនប្រក្រតីពេលបោះឆ្នោត ដើម្បីរកយុត្តិធម៌ ជូនប្រជាពលរដ្ឋជាម្ចាស់ឆ្នោតនោះ។

ចំណែកលោក ហ៊ុន សែន វិញ អះអាងថា គណបក្សរបស់លោក គោរពតាមរដ្ឋធម្មនុញ្ញតាមមាត្រា ៨២ថ្មី នៃរដ្ឋធម្មនុញ្ញដែលចែងថា រដ្ឋសភាបើកសម័យប្រជុំដំបូង ៦០ថ្ងៃយ៉ាងយូរ ក្រោយពេលបោះឆ្នោត តាមការប្រជុំរបស់ព្រះមហាក្សត្រ។ លោក ហ៊ុន សែន ក៏បានបញ្ជាក់ដែរថា គណបក្សរបស់លោក គោរពតាមព្រះរាជសាររបស់ព្រះមហាក្សត្រ ដែលកោះប្រជុំនៅថ្ងៃទី២៣ ខែកញ្ញា។

សម្រាប់លោកលោក កែម ឡី ធ្លាប់លើកឡើងថា ការពន្យារពេលប្រជុំសភា ដើម្បីឲ្យអ្នកនយោបាយ មានពេលដោះស្រាយបញ្ហាសេសសល់រួមគ្នា រកឯកភាពជាមុន ដើម្បីផលប្រយោជន៍ជាតិនោះ មិនមែនជាការខុសឆ្គង។ លោកបញ្ជាក់ថា បើទំនាស់នៅពេលនេះ មិនដោះស្រាយឲ្យអស់នោះ បញ្ហានៅតែបន្តកើតមាននៅអាណត្តិក្រោយៗទៀត។

រដ្ឋធម្មនុញ្ញមាត្រា៨ ចែងថា ព្រះមហាក្សត្រ ព្រះអង្គទ្រង់ជានិមិត្តរូបនៃឯកភាពជាតិ និងនិរន្តរភាពជាតិ។ ចំណុចនេះ ព្រះមហាក្សត្រអាចប្រើព្រះរាជសិទ្ធិពន្យារពេលកោះប្រជុំសភា ដើម្បីដោះស្រាយរកការឯកភាពគ្នា រវាងគណបក្សទាំងពីរ។

លោក ឡៅ ម៉ុង ហៃ អ្នកវិភាគបញ្ហាសង្គមមួយរូបហៅការបង្កើតសភា ដោយឯកបក្សនេះថា ជាការធ្វើឲ្យរដ្ឋធម្មនុញ្ញ ដែលមានអាយុកាល២០ឆ្នាំនេះ ក្លាយជារដ្ឋធម្មនុញ្ញដែលមិន មានតម្លៃ ក្នុងការអនុវត្តរបស់អ្នកនយោបាយ ៖ “យើងមានការខ្វះខាតច្រើន មែនទែនទៅ ដែលម្ភ៉ៃឆ្នាំក្រោយមក វាលែងមានន័យអ្វីទាំងអស់ គឺប្រព័ន្ធគ្រប់គ្រងរដ្ឋ ប្រជាធិបតេយ្យ សេរី ពហុបក្ស គោរពច្បាប់ និងគោរពទៅជាប្រព័ន្ធមួយដែលយើងអាចថា ជាប្រព័ន្ធ បក្ខពួក គ្រួសារ អញនិយមទៅ”។

ទោះយ៉ាងណា ក្រោយការបង្កើតសភាឯកបក្សនេះ មន្ត្រីអង្គការស៊ីវិលជាតិអន្តរជាតិ រួមទាំងទូតអាមេរិក និងទូតសហភាពអឺរ៉ុបប្រចាំកម្ពុជា មិនបានដេញដោលថា អ្នកណាខុស អ្នកណាត្រូវទេ គឺពួកគេជំរុញឲ្យគណបក្ស ទាំងពីរត្រូវធ្វើការរួមគ្នា ស៊ើបអង្កេតជុំវិញបញ្ហាភាពមិនប្រក្រតីនៅពេលបោះឆ្នោត ដើម្បីផលប្រយោជន៍ប្រជាពលរដ្ឋ និងផលប្រយោជន៍សង្គមជាតិជាធំ៕

សូមសរសេរមកកាន់លោក ពៅ មេត្តា តាមរយៈ minpov@vodhotnews.com

សង្គមស៊ីវិលខកចិត្តចំពោះគោលនយោបាយថ្នាក់ជាតិដែលមិនដាក់បញ្ចូលសិទ្ធិទទួលបានព័ត៌មាន

ថ្ងៃសុក្រ ទី27 ខែកញ្ញា ឆ្នាំ2013
ដោយ៖ ជន ស្រីណុច និង អ៊ឹង ប៊ុនថន
VOD

សង្គមស៊ីវិលខកចិត្ត ខណៈដែលរដ្ឋាភិបាលកម្ពុជាអាណត្តិទី៥នេះ មានការកែទម្រង់ច្រើននៅក្នុងវិស័យផ្សេងៗ ប៉ុន្តែនៅក្នុងគោលនយោបាយ ថ្នាក់ជាតិរួមនោះ គេមិនឃើញមានដាក់ចេញពីការបង្កើតឲ្យមានច្បាប់ស្តីពីសិទ្ធិទទួលបានព័ត៌មាននោះទេ។

អ្នកសម្របសម្រួលបណ្តាញរួបរួម ដើម្បីគណនេយ្យភាពសង្គមអាស៊ីបូព៌ា និងប៉ាស៊ីហ្វិក លោក សន ជ័យ មានប្រសាសន៍ នៅព្រឹកថ្ងៃសុក្រនេះថា បើទោះបីជារាជរដ្ឋាភិបាលថ្មី អះអាងថា មានការកែទម្រង់ច្រើនដាក់ក្នុងគោលនយោបាយជាតិ ដែលមានកម្រាស់ប្រមាណជា៥០ទំព័រក៏ដោយ តែច្បាប់ស្តីពីសិទ្ធិទទួលបានព័ត៌មាន មិនឃើញមានដាក់ទេ។ លោកបញ្ជាក់ថា ច្បាប់នេះជាគោលនយោបាយសំខាន់ ក្នុងការតាមដានសកម្មភាពអភិវឌ្ឍន៍ប្រទេសជាតិ។ លោកបន្តថា ប្រសិនបើសិទ្ធិទទួលបានព័ត៌មានមិនត្រូវបានបើកចំហរទេ នោះការអភិវឌ្ឍន៍សង្គមក៏មិនអាចរីកចម្រើនដែរ ៖

ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព លោក យ៉ង គឹមអេង យល់ថា ច្បាប់ស្តីពីសិទ្ធិទទួលបានព័ត៌មានជាកញ្ចក់ឆ្លុះសកម្មភាព នៅក្នុងវិស័យផ្សេងៗ ដែលរដ្ឋាភិបាលអះអាងថានឹងធ្វើការកែប្រែ។ លោកបន្តថា ប្រសិនបើសិទ្ធិទទួលបានព័ត៌មាននៅតែមិនត្រូវបានបើកចំហរនោះវិ ស័យផ្សេងៗក៏មិនងាយនឹងរីកចម្រើនដែរ ៖

កាលពីថ្ងៃទី១២ ខែកញ្ញានេះ មជ្ឈមណ្ឌលសិទ្ធិមនុស្សកម្ពុជា(CCHR) បានដាក់អនុសាសន៍ទៅរដ្ឋាភិបាលកម្ពុជាអាណត្តិថ្មី ក្នុងការបង្កើតប្រព័ន្ធផ្សព្វផ្សាយជាតិឯករាជ្យមួយ ដើម្បីធានាថាពលរដ្ឋទទួល បានព័ត៌មានពិតប្រាកដ និងធានាការបោះឆ្នោតប្រព្រឹត្តទៅដោយសេរី និងយុត្តិធម៌។

ក្នុងការបើកកិច្ចប្រជុំគណៈរដ្ឋមន្រ្តីលើកដំបូង នៅសប្តាហ៍នេះ លោកនាយករដ្ឋមន្រ្តី ហ៊ុន សែន ថ្លែងថា ព័ត៌មានប្រៀបដូចជាអាហារមួយប្រភេទដែលមិនអាចខ្វះបាននោះឡើយ៕

សូមសរសេរមកកាន់ កញ្ញា ជន ស្រីណុច តាមរយៈ chornsreynoch@vodhotnews.com

លោក សុរិយា ស៊ូប៊ែឌី សោកស្តាយចំពោះការបើកសម័យប្រជុំនៃរដ្ឋសភានៅកម្ពុជា

លោក សុរិយា ស៊ូប៊ែឌី អ្នករាយការណ៍ពិសេសរបស់អង្គការសហប្រជាជាតិប្រចាំកម្ពុជា (រូបថតដោយ ពេជ្រ សុធារី)

ថ្ងៃពុធ ទី25 ខែកញ្ញា ឆ្នាំ2013
ដោយ៖ ស៊ុន ណារិន
VOD

អ្នករាយការណ៍ពិសេសរបស់ អង្គការសហប្រជាជាតិ លោក សុរិយា ស៊ូប៊ែឌី កាលពីថ្ងៃអង្គារ សម្តែងការសោកស្តាយ ដែលសម័យប្រជុំនៃរដ្ឋសភានៅកម្ពុជា ត្រូវបានប្រព្រឹត្តទៅដោយមិនមានការចូលរួមពីគណបក្សសង្គ្រោះជាតិ។

លោកសុរិយា ស៊ូប៊ែឌី ថែ្លងបែបនេះទៅកាន់ក្រុមប្រឹក្សាសិទ្ធិមនុស្សនៃអង្គការសហប្រជា ជាតិ ខណៈលោករាយការណ៍ពីស្ថានភាពសិទ្ធិមនុស្សនៅកម្ពុជា។ លោកមានប្រសាសន៍ថា រដ្ឋសភា ដែលតំណាងឲ្យពលរដ្ឋកម្ពុជាពិតប្រាកដ គឺមានសារៈសំខាន់ ដោយមានការចូលរួមពីគណបក្សទាំងពីរ ដែលទទួលបានសំឡេងគាំទ្រជាអាសនៈ។ លោកបញ្ជាក់ថា លោកសោកស្តាយ ដែលគណបក្សទាំងពីរ មិនបានឯកភាពគ្នា មុនការប្រជុំសភាកាលពីថ្ងៃទី២៣ខែកញ្ញា និងដំណើរការប្រជុំសភា ដោយពុំមានការចូលរួមពីគណបក្សប្រឆាំង។ លោកជំរុញឲ្យភាគីទាំងពីរ បន្តជជែកគ្នា ដោយកុំឲ្យស្ថានភាពតានតឹងបន្តទៀត។

លោកនាយករដ្ឋមន្ត្រី ហ៊ុន សែន កាលពីថ្ងៃទី២៤ខែកញ្ញា ថ្លែងថា ការបើកសម័យប្រជុំនៃរដ្ឋសភាលើកដំបូង មិនមែនធ្វើឡើងក្នុងរូបភាពជាចំណាប់ខ្មាំងរបស់អ្នកណាមួយទេ តែធ្វើឡើងស្របតាមរដ្ឋធម្មនុញ្ញនៃព្រះរាជាណាចក្រកម្ពុជា។ លោក ហ៊ុន សែន បញ្ជាក់ថា ការប្រជុំសភានេះ គឺមិនមែនឯកបក្សទេ គឺដោយសារគណបក្សមួយ មិនចូលរួមប្រជុំ ហើយរដ្ឋសភា ក៏មិនបានបិទទ្វារសម័យប្រជុំទេ។

គណបក្សសង្គ្រោះជាតិ ប្រកាសជាផ្លូវការថា សភា ដែលកើតឡើង គឺជាសភាឯកបក្ស មិនមែនតំណាងឲ្យប្រជាជាតិខ្មែរទាំងមូលទេ។ សេចក្តីថ្លែងការណ៍របស់គណបក្ស ចាត់ទុកការប្រជុំសភានេះ ផ្ទុយទាំងស្រុងទៅនឹងគោលការណ៍ប្រជាធិបតេយ្យ សេរី ពហុបក្ស ហើយកំពុងនាំប្រទេសទៅកាន់របបផ្តាច់ការសាជាថ្មី។

ប្រធានគណបក្សសង្គ្រោះជាតិ លោក សម រង្ស៊ី នៅថ្ងៃពុធនេះ ប្រកាសថា គណបក្សសង្គ្រោះជាតិ មិនទទទួលស្គាល់ការរៀបចំក្បាលម៉ាស៊ីនរដ្ឋសភា និងរដ្ឋាភិបាល និងអំពាវនាវឲ្យសង្គមអន្តរជាតិ ថ្កោលទោសចំពោះទង្វើទាំងនេះ។ លោកអំពាវនាវឲ្យសហគមន៍អន្តរជាតិ ដែលជាហត្ថលេខីទីក្រុងប៉ារីស ថ្កោលទោសរដ្ឋាភិបាលកម្ពុជា និងកុំទទួលស្គាល់រដ្ឋាភិបាល ដែលខុសច្បាប់។ លោកក៏បានអំពាវនាវឲ្យក្រុមហ៊ុនធំៗ កុំចុះហត្ថលេខាជាមួយរដ្ឋាភិបាលកម្ពុជា ព្រោះរដ្ឋាភិបាល និងសភា មិនតំណាងឲ្យពលរដ្ឋនោះទេ៕

សរសេរមកកាន់លោក ស៊ុន ណារិន តាមរយៈ sun_narin@vodhotnews.com

កំណែទម្រង់ ឬបដិវត្តន៍?

ក្រុមអ្នកគាំទ្រគណបក្សសង្គ្រោះជាតិ ប្តេជ្ញាប្តូរផ្តាច់ជាមួយគណបក្សកាន់ពីពេលកន្លងទៅ (rfi/Siv Channa)

សុក្រ 27 កញ្ញា 2013
ដោយ ប៉ែន បូណា
RFI

ជម្លោះនយោបាយរវាងគណបក្សកាន់អំណាច និងបក្សប្រឆាំងនៅ កម្ពុជាមានលក្ខណៈកាន់តែស្រួចស្រាល់ឡើងជា លំដាប់ ពីមួយអាណត្តិ ទៅមួយអាណត្តិ។ ឈានចូលអាណត្តិទី៥នេះ មិនត្រឹមតែអ្នកនយោបាយទេ ប៉ុន្តែ ជម្លោះក្នុងស្ថានភាព “ទឹក និងប្រេង” ក៏បានបង្ហាញឡើងកាន់តែធ្ងន់ធ្ងរផងដែរ ក្នុងចំណោមពលរដ្ឋម្ចាស់ឆ្នោត។ អ្នកបោះឆ្នោតឲ្យគណបក្សសង្គ្រោះជាតិ ហាក់កំពុងដាក់សម្ពាធយ៉ាង ខ្លាំង ទៅលើគណបក្សរបស់ខ្លួនឲ្យតស៊ូប្រឆាំងជាមួយគណបក្សកាន់ អំណាចឲ្យ ទាល់តែឈ្នះ។ តើកម្ពុជា ត្រូវការកំណែទម្រង់ ឬត្រូវការធ្វើបដិវត្តន៍ ដើម្បីផ្លាស់ប្តូរ?

វិបត្តិនយោបាយដែលកំពុងកើតមានបច្ចុប្បន្ននេះហាក់កំពុងរុញច្រាន ប្រទេសកម្ពុជាឲ្យស្ថិតក្នុងជម្រើសពីរនៅចំពោះមុខ៖ តើគេត្រូវការធ្វើកំណែទម្រង់ស្ថាប័នជាតិទាំងឡាយដែលមានស្រាប់ ដើម្បីធ្វើឲ្យមានសន្ទុះនៃការអភិវឌ្ឍន៍ជាតិទៅមុខឲ្យបានលឿន? ឬក៏ត្រូវការធ្វើបដិវត្តន៍ដើម្បីផ្លាស់ប្តូរទាំងស្រុងនូវអ្វី ដែលកំពុងដំណើរការសព្វថ្ងៃ?

នេះជាសំណួរដែលទាមទារឲ្យអ្នកនយោបាយនិងប្រជាពលរដ្ឋម្ចាស់ឆ្នោតត្រូវ ពិចារណាឲ្យបានស៊ីជម្រៅមុននឹងសម្រេចចិត្ត ពីព្រោះវាជាការសម្រេចចិត្តដែលមានចរិតកំណត់ជោគវាសនាប្រទេសជាតិ ផង និងជោគវាសនារបស់ពលរដ្ឋខ្មែរម្នាក់ៗផង។ ដូច្នេះ គេគួរស្វែងយល់អំពីជម្រើសទាំងពីរនេះឲ្យបានច្បាស់ជាមុនសិន។

ជាការពិតណាស់ ទាំងអ្នកនៅក្រៅឆាក និងក្នុងឆាក រាប់ទាំងគណបក្សកាន់អំណាចខ្លួនឯងផងហាក់ដូចជាយល់ស្របគ្នាថា ការដឹកនាំប្រទេសត្រូវការកំណែទម្រង់ដ៏ស៊ីជម្រៅមួយជាចាំបាច់ ដើម្បីធ្វើឲ្យស្ថាប័នជាតិនានាដំណើរការទៅដោយរៀបរយ។ ជាក់ស្តែង ក្នុងកិច្ចប្រជុំដំបូងរបស់គណៈរដ្ឋមន្ត្រីថ្មីកាលពីថ្ងៃពុធ លោកនាយករដ្ឋមន្ត្រី ហ៊ុន សែនបានដាក់ចេញនូវនយោបាយកំណែទម្រង់ជាច្រើន។ នេះសបញ្ជាក់ឲ្យឃើញថា រដ្ឋាភិបាលខ្លួនឯងក៏យល់ដែរថា ការដឹកនាំប្រទេសមិនអាចបំពេញចិត្តម្ចាស់ឆ្នោតបានឡើយក្នុង ស្ថានភាពដូចបច្ចុប្បន្ន។ ត្រង់ថា កំណែទម្រង់នោះទៅរួចឬមិនរួចវាជារឿងមួយផ្សេងទៀត។

ប៉ុន្តែ អ្វីដែលច្បាស់លាស់នោះគឺ ប្រពន្ធ័ដឹកនាំប្រទេសនេះត្រូវការកំណែទម្រង់ដ៏ស៊ីជម្រៅមួយជាចាំ បាច់។ ដើម្បីឲ្យនយោបាយកំណែទម្រង់អាចធ្វើទៅបានដោយប្រសិទ្ធភាពវាទាមទារ ឲ្យមានការចូលរួមពីកត្តាខាងក្នុងផង និងកត្តាខាងក្រៅផង។ កត្តាខាងក្នុងមានន័យថា ផ្ទៃក្នុងគណបក្សកាន់អំណាចខ្លួនឯងត្រូវតែហ៊ានធ្វើកំណែទម្រង់ស៊ី ជម្រៅដ៏ពិតប្រាកដមួយទោះជាក្នុងតម្លៃណាក៏ដោយ។ ចំណែកកត្តាខាងក្រៅវិញ គណបក្សកាន់អំណាចក៏ចាំបាច់ត្រូវបើកទូលាយទទួលយកកិច្ច សហប្រតិបត្តិការពីបក្សប្រឆាំង សង្គមស៊ីវិល និងភាគីពាក់ពន្ធ័ផ្សេងៗទៀត។

នយោបាយកំណែទម្រង់ផ្តល់ផលចំណេញពីរយ៉ាង៖ ទី១ គឺការរីកចម្រើននៃប្រទេសជាតិមានល្បឿនលឿនទៅមុខ និងទី២ គឺការរក្សាបាននូវស្ថិរភាពសង្គមនិងនយោបាយ ជាពិសេសគឺការបញ្ចៀសបាននូវការបង្ហូរឈាម។ ប៉ុន្តែបច្ចុប្បន្ន អ្នកគាំទ្រគណបក្សប្រឆាំងហាក់ដូចជាកំពុងសម្លឹងឃើញស្ថានភាពខ្មៅ ងងឹតយ៉ាងខ្លាំង។ ភាពខ្មៅងងឹតនេះហើយដែលធ្វើឲ្យពួកគេលែងរំពឹងទៅលើនយោបាយកំណែ ទម្រង់ទៀតហើយនិងបែរទៅចង់បានការផ្លាស់ប្តូរទាំងស្រុងតែម្តង។ វាពិតជាមានហេតុផលដែលជំរុញឲ្យពួកគេមានទុទិដ្ឋិនិយមចំពោះកំណែ ទម្រង់។ នោះគឺភាពអសកម្មទាំងឡាយដែលហាក់មិនអាចកែបានរបស់គណបក្សដឹកនាំ ប្រទេស។

ក្នុងបរិបទនេះ អ្វីដែលអ្នកគាំទ្របក្សប្រឆាំង រួមទាំងមេដឹកនាំគណបក្សប្រឆាំងខ្លួនឯងផងចង់បានគឺការផ្លាស់ប្តូរ។ តាមពិត ពាក្យផ្លាស់ប្តូរត្រូវបានគណបក្សសង្គ្រោះជាតិប្រើប្រាស់ជាពាក្យ គន្លឹះក្នុងអំឡុងពេលឃោសនាបោះឆ្នោត។ ប៉ុន្តែ ទីបំផុត ការផ្លាស់ប្តូរតាមរយៈសន្លឹកឆ្នោតនៅមិនទាន់អាចទៅរួចនៅឡើយ។ ក្រោម ហេតុផលនៃការលួចបន្លំសន្លឹកឆ្នោត គណបក្សប្រឆាំង និងអ្នកគាំទ្ររបស់ខ្លួនទំនងជាកំពុងសាកល្បងផ្លូវទី២ក្នុងការ សម្រេចការផ្លាស់ប្តូររបស់ខ្លួននៅក្រៅប្រព័ន្ធបោះឆ្នោតវិញម្តង។

ទោះជាជម្រើសណាមួយ វាជាសិទ្ធិរបស់បក្សនយោបាយនិងរបស់ពលរដ្ឋម្ចាស់ឆ្នោតនៃគណបក្ស នីមួយៗ ប៉ុន្តែ សូមកុំភ្លេចថា ផលវិបាករបស់វាគឺជាបញ្ហារួមរបស់ខ្មែរទាំងអស់គ្នា។ ដូចមានឧទាហរណ៍បញ្ជាក់ស្រាប់ទាំងនៅក្នុងប្រទេស ទាំងនៅលើឆាកអន្តរជាតិ ការផ្លាស់ប្តូរក្រៅប្រព័ន្ធបោះឆ្នោត ឬហៅម្យ៉ាងទៀតថា ការធ្វើបដិវត្ត ភាគច្រើនចៀសមិនផុតពីការបង្ហូរឈាមឡើយ។ ដូច្នេះ តើគួរបន្តអត់ធ្មត់ដើម្បីជំរុញកំណែទម្រង់ដោយសន្តិវិធី ឬក៏ដល់ពេលដែលត្រូវធ្វើបដិវត្តន៍? នេះជាសំណួរដែលអ្នកនយោបាយ និងម្ចាស់ឆ្នោតត្រូវពិចារណារកចម្លើយដោយផ្អែកលើទស្សនៈគ្រប់ ជ្រុងជ្រោយ និងភាពចាស់ទុំឲ្យបានច្រើនបំផុត។

គណបក្សជាប់ឆ្នោតទាំងពីរសុទ្ធតែមានចំណែកទទួលខុសត្រូវក្នុងការ បង្កើតឲ្យមានបដិវត្តន៍ ឬក៏ការបញ្ចៀសវាឲ្យផុតដោយងាកមករកកំណែទម្រង់តាមគន្លង ប្រជាធិបតេយ្យវិញ។ រីឯម្ចាស់ឆ្នោតរឹតតែមានចំណែកសំខាន់ថែមទៀត។ ការគិតខុសតែមួយជំហានអាចបង្កវិនាសកម្ម និងការបែកបាក់ជាតិធំធេងដែលនឹកស្មានមិនដល់ក៏ថាបាន៕

Cambodian PM Claims Opposition Acknowledged Ruling Party Victory

Prime Minister Hun Sen (R) waves after casting his vote in elections in Kandal province, July 28, 2013. AFP

2013-09-26
RFA

Cambodian Prime Minister Hun Sen on Thursday threatened to release an audio recording in which opposition leader Sam Rainsy purportedly acknowledged a ruling party election victory during a meeting between the two leaders aimed at ending a political deadlock.

Sam Rainsy’s Cambodia National Rescue Party (CNRP) immediately fired back at Hun Sen, saying they had nothing to hide from the meetings held Sept. 14-15, provided the ruling Cambodian People’s Party (CPP) does not edit the recording of the entire meeting.

Speaking during a cabinet meeting, Hun Sen said he would release the recording if the opposition continued to hold demonstrations against the official poll results giving the CPP a victory in the July 28 elections.

The CNRP claims the elections were tainted by fraud and other irregularities and has demanded an independent probe, but Hun Sen said Thursday that on the second day of talks, Sam Rainsy abandoned the idea of an investigation, asking instead for the CNRP to hold the presidency of the National Assembly, or parliament.

“If they continue to hold demonstrations, please publicize the tape and post it on Facebook,” Hun Sen said during his address.

“Sam Rainsy said he would stop demanding an independent committee to investigate election irregularities,” Hun Sen said. “Sam Rainsy added that the CNRP would accept [the official result that] CPP [won] 68 [National Assembly seats] and CNRP 55, he said.

“He [Sam Rainsy] said it a few times, meaning that they recognize the election results.”

Hun Sen said that the CNRP also expressed support for his role as prime minister, meaning “there is no further use for demonstrations.”

Meeting breakdown

Hun Sen had said earlier this week that talks at the recorded meetings broke down because he could not meet opposition demands for key posts in parliament, including the posts of National Assembly president and chairperson for six of 12 legislative commissions.

“They [CNRP] want six commission chairmen [posts], and if we agree, they will agree to come to the first National Assembly meeting,” Hun Sen had said. “My stance is that I will allow them to have a deputy president's post, four commission chairman posts, and one deputy chairman post in five commissions.”

Following the failed meeting, CNRP boycotted the first post-election parliament sitting convened by King Norodom Sihamoni this week in which CPP lawmakers endorsed Hun Sen as prime minister and his newly-formed government.

Sam Rainsy called it a “constitutional coup” and threatened a nationwide general strike to step up protests challenging Hun Sen’s election victory and the legitimacy of his government.

Opposition response

The CNRP was quick to respond Thursday to Hun Sen’s claims of capitulation at the meetings, saying that the prime minister was getting desperate and “concerned about voters” unsatisfied with the election results.

CNRP deputy president Kem Sokha told RFA’s Khmer Service that Hun Sen’s threat showed that he was nervous about a mass movement gathering pace against the administration, adding that the CNRP will continue to push for the establishment of a probe into election irregularities.

“It’s not a problem—what he said is clear,” Kem Sokha said, adding that the CNRP had “demanded an investigation [during the meetings] but we are concerned that he will edit that part out.”

“If he releases the entire recording of the talks it will show that we demanded justice for the voters. If they don’t, we will stage a mass demonstration,” said Kem Sokha, who was also present at the opposition meeting with Hun Sen.

Prior recordings

This is not the first time the Hun Sen administration has made audio recordings of a meeting involving opposition leaders.

In June, Cambodian pro-government media carried remarks attributed to Kem Sokha saying that the notorious Khmer Rouge-era Tuol Sleng prison, in which thousands of Cambodians were tortured and killed, had not been run by the regime and was instead an invention of Vietnamese invaders.

Kem Sokha and the CNRP had said his remarks were “twisted” out of context to weaken the opposition ahead of the July polls.

Hun Sen had also accused CNRP senior official Son Chhay of spying for him in 1997 in exchange for U.S. $10,000, claiming he had a CD recording which proved that the opposition member had tipped him off about a plan to overthrow him.

Son Chhay has admitted to taking the money, but said he believed that not accepting it could have been seen as a “negative reaction” to a goodwill gesture from Hun Sen and jeopardized his negotiations with the prime minister.

Reported by RFA’s Khmer Service. Translated by Samean Yun. Written in English by Joshua Lipes.

Cambodia's Opposition Leader Threatens Nationwide Strike

CNRP President Sam Rainsy (r) and CNRP deputy chief Kem Sokha (c) speak at a news briefing in Phnom Penh, Sept. 25, 2013. RFA

2013-09-25
RFA

Cambodia’s opposition on Wednesday threatened a nationwide general strike to step up protests challenging Prime Minister Hun Sen’s election victory and the legitimacy of his newly formed government.

Speaking to reporters in Phnom Penh, opposition leader Sam Rainsy said his Cambodia National Rescue Party (CNRP) was considering organizing a one-day general strike, which gained immediate support from a major umbrella workers union.

“This is one possible idea,” he said, proposing that all workers around the country stop working in a strike that includes “all factories, all civil servants, and all shopkeepers.”

“If the ruling party continues to ignore the will of the Cambodian people, then we will have to organize more demonstrations,” he said.

The suggestion for a strike gained immediate backing from the 100,000-strong Free Trade Union, Cambodia's biggest labor organization.

"If the opposition holds a strike, the workers will join them," Chea Mony, the group's president, told Agence France-Presse. "We want change because there are a lot of injustices and the government's promises to raise workers' salaries are empty."

Sam Rainsy's strike threat comes after the CNRP boycotted the opening of parliament this week, leaving Hun Sen to be reappointed prime minister by lawmakers from his Cambodian People's Party (CPP).

'Constitutional coup'

The CNRP claims the July 28 elections were tainted by fraud and other irregularities and has questioned the official results giving the CPP victory. It wants an independent probe into the irregularities but Hun Sen has dismissed the call.

The CNRP has also denounced the process by which parliament elected the country’s leadership, accusing Hun Sen of staging a “constitutional coup” and asking the international community not to recognize the new government.

Sam Rainsy said the opposition is "strongest now outside parliament” and will not cooperate with Hun Sen’s government “in any manner,” unless there are guarantees for a probe into election irregularities and for a reform program that involves both parties.

The CPP has said the CNRP had lost an opportunity to resolve any disputes with the new government by refusing to join parliament and choosing to stage protests instead.

“They can't resolve political issues if they are sitting in the streets,” Council of Ministers’ spokesman Phay Siphan told RFA’s Khmer Service Wednesday.

"The voters voted for them because they want them to sit inside the National Assembly,” he said.

First cabinet meeting held

His remarks came as Hun Sen held his first cabinet meeting on Wednesday, unveiling a platform of “deep reforms” and warning his own officials against abusing their powers.

The promises for reform come after his party saw its worst performance in years in the July polls, in which according to official results the CPP won 68 parliamentary seats to the CNRP’s 55.

Hun Sen, who has led the country for the past 28 years, said that although his new cabinet is made of many officials from the previous administration, the new government will be more reform-oriented.

"We have the same officials but we have a different way of thinking,” he said. “We will change our work behavior.”

His new platform is based on a four-point strategy of developing human resources, infrastructure, electricity resources, and using water resources efficiently, while enacting reforms in the judicial system and armed forces.

During the meeting, Hun Sen warned Cambodian netizens not to use social media sites such as Facebook to provoke social unrest or insult King Norodom Sihamoni, who has come under criticism for convening parliament despite pleas against doing so by the opposition, monks, and nongovernmental organizations.

But he urged both the public and his cabinet ministers to follow news on Facebook.

“For me, without reading or watching news, my life will be like going without food or cigarettes,” he said.

Reported by RFA’s Khmer Service. Translated by Samean Yun and Sok Ry Sum. Written in English by Rachel Vandenbrink.

Cambodia's PM Hun Sen Accused of Staging a 'Constitutional Coup'

Hun Sen (front L) sits during the National Assembly meeting in Phnom Penh, Sept. 24, 2013. AFP

2013-09-24
RFA

Dismissing charges of election fraud and an opposition boycott of parliament, Cambodia's Prime Minister Hun Sen pressed ahead with another five-year term in office Tuesday, saying he would not be "held hostage" by anyone.

Opposition leader Sam Rainsy criticized the move as a "constitutional coup" as his Cambodia National Rescue Party (CNRP) warned of nationwide protests to highlight fraud and other irregularities in the July 28 elections.

Sixty-eight lawmakers from Hun Sen's ruling Cambodian People's Party (CPP) appointed him as prime minister in an oral vote Tuesday in the National Assembly, the country's parliament, which was boycotted by the legislators from the CNRP whose call for an independent probe into poll irregularities has been dismissed by the authorities.

Later in the day, the prime minister and his new cabinet took their oath of office before King Norodom Sihamoni at the Royal Palace in Phnom Penh.

“We are not hostages to any group," Hun Sen told lawmakers after the voting, referring to the CNRP which boycotted parliament after disputing the official election results that said the CPP won 68 seats in the National Assembly and the CNRP 55 seats.

He said that despite the boycott, the CNRP had failed to block the sitting of the National Assembly and the formation of his government.

"We have fulfilled our duties according to the constitution,” he said. “The constitution says the assembly meeting must be convened 60 days after the election.”

Opposition strategy

Now that parliament has been convened and the government formed, Sam Rainsy said he would unveil the opposition's strategy to counter Hun Sen's moves at a press conference on Wednesday.

"The CNRP is organizing a press conference tomorrow, Sept. 25, in order to denounce the constitutional coup being perpetrated by the CPP which illegally clings on to power by violating the Constitution after manipulating the last July elections and violating the will of the people," Sam Rainsy said on his Facebook page.

CNRP spokesman Yim Sovann warned of nationwide protests in a bid to "to seek truth and justice for the voters."

"There will be mass protests in Phnom Penh and nationwide," he told Agence France-Presse.

Hun Sen said that he could not delay convening parliament until November as requested by the CNRP, which claimed it had won 68 seats and been robbed of victory in the elections.

Hun Sen and Sam Rainsy held talks last week to forge a political compromise after three days of CNRP-led mass protests rocked the country's capital.

The prime minister said on Tuesday that the talks collapsed because he could not meet opposition demands for key posts in parliament, including the posts of National Assembly president and chairperson for six of 12 legislative commissions.

“They [CNRP] want six commission chairmen [posts], and if we agree, they will agree to come to the first National Assembly meeting,” Hun Sen said. “My stance is that I will allow them to have a deputy president's post, four commission chairman posts, and one deputy chairman post in five commissions.”

CPP reform doubts

CNRP spokesman Yim Sovann confirmed that his party had requested the positions in the assembly, saying the CPP's denial of the request shows "they don’t have the real will to undertake national reform."

“We want real reform and a balance of power between the two parties to make sure there is [continued] reform,” Yim Sovann said.

Hun Sen vowed to develop the country under policies to be announced soon.

“The government of the fifth mandate has a duty to continue its mission with a commitment to speed up development and national reforms,“ he said.

The July vote is Cambodia’s fifth since the U.N. reintroduced competitive elections in 1993 after decades of civil war.

Among those removed from Hun Sen's new cabinet was the minister of industry, mining and energy, Suy Sem, while among the newcomers is Say Sam Al, the son of CPP Secretary-General Say Chhum who was appointed environment minister.

Hun Sen's son Hun Mani, who lost in the elections, was appointed a lawmaker while the prime minister's brother, Hun Neang, was made chairman of the parliament's Interior Commission.

Reported by RFA's Khmer Service. Translated by Samean Yun. Written in English by Parameswaran Ponnudurai.

រដ្ឋាភិបាលថ្មីឯកបក្សរបស់លោក ហ៊ុន សែនប្តេជ្ញាធ្វើកំណែទម្រង់

លោកផៃ ស៊ីផាន ជាអ្នកនាំពាក្យរបស់រដ្ឋាភិបាលមួយរូប។

27 កញ្ញា 2013
សុខ ខេមរា

VOA

វ៉ាស៊ីនតោន៖ រដ្ឋាភិបាលគណបក្សគ្រប់គ្រងប្រទេសបានសច្ចាថា នឹងធ្វើកំណែទម្រង់ស៊ីជម្រៅទៅលើបញ្ហានានារបស់ប្រទេសនៅអាណតិ្ត ថ្មី ដោយអះអាងថា បញ្ហាតម្រូវការរបស់អ្នកគាំទ្រខ្លះនឹងត្រូវបញ្ចូលក្នុងគោល នយោបាយកែទម្រង់ដែរ។ នេះបើតាមការអះអាងរបស់លោកផៃ ស៊ីផាន អ្នកនាំពាក្យរបស់រដ្ឋាភិបាលមួយរូបដែលជាវាគ្មិនក្នុងកម្មវិធី ហេឡូវីអូអេកាលពីយប់ថ្ងៃព្រហស្បតិ៍ទី២៦ខែកញ្ញាឆ្នាំ២០១៣។

បញ្ហាទាំងនោះរួមទាំងបញ្ហាយុត្តិធម៌ បញ្ហាសេវាកម្មផ្សេងៗដែលរដ្ឋាភិបាល ទទួលស្គាល់ថា មិនទាន់ដោះស្រាយដោយមានប្រសិទ្ធិភាពនៅឡើយ។

លោកបានអះអាងថា រដ្ឋាភិបាលបានរៀនសូត្រច្រើនពីសេចក្តីត្រូវការនៃក្រុម ប្រជាពលរដ្ឋដែលគាំទ្រគណបក្សសង្គ្រោះជាតិ ជាពិសេសកាលពីពេល ឃោសនាបោះឆ្នោតកន្លងមក។ លោកបានអះអាងថា រដ្ឋាភិបាលបានធ្វើកិច្ចការ ច្រើន រួមទាំងការធានាកំណើនសេដ្ឋកិច្ច កាត់បន្ថយភាពក្រីក្រ ធានាសន្តិសុខ ស្ថិរភាពជាដើម។ ហើយលោកសង្ឃឹមថា រឿងរ៉ាវសេសសល់នានានឹងដោះស្រាយបានតាមរយៈវេទិកានៅតាម បណ្តាខេត្តក្រុងដើម្បីឲ្យពលរដ្ឋសម្តែងមតិពីបញ្ហារបស់ពួកគាត់និង ឲ្យមន្ត្រីមូលដ្ឋាន ហើយនឹងសង្គមស៊ីវិលចូលរួម ដោះស្រាយរួមគ្នា។

តែនៅពេលសួរពីការទទួលបានការគាំទ្រយ៉ាងណា បើប្រទេសជាច្រើននិង គណបក្សជំទាស់មិនបានទទួលស្គាល់រដ្ឋាភិបាលកម្ពុជានេះជារដ្ឋាភិបាល ស្របច្បាប់នោះ លោកផៃ ស៊ីផានអះអាងថា នោះជារឿងរបស់ប្រទេសខាងក្រៅ តែ កម្ពុជាធ្វើសម្រាប់កម្ពុជា ហើយគណបក្សគ្រប់គ្រងប្រទេសនៅតែបើកទ្វារឲ្យ មានកិច្ចចរចាដើម្បីឲ្យគណបក្សទាំងពីរអាចធ្វើការជាមួយគ្នាបាន៕

លោក ហ៊ុន សែន បន្តតំណែងនាយករដ្ឋមន្រ្តីទោះបីមហាអំណាចមិនទាន់ទទួលស្គាល់

លោកនាយករដ្ឋមន្ត្រីហ៊ុន សែន ដែលគាំទ្រដោយសមាជិកសភាឯកបក្ស។

26 កញ្ញា 2013
គង់ សុឋានរិទ្ធ
VOA

ភ្នំពេញ៖ លោកនាយករដ្ឋមន្ត្រី ហ៊ុន សែន ដែលគាំទ្រដោយសមាជិកសភាឯកបក្សដើម្បីបង្កើតរដ្ឋាភិបាលថ្មី បានប្រកាសជាចំហថា កម្ពុជាមិនត្រូវការសហគមន៍អន្តរជាតិឬអង្គការសហប្រជាជាតិគាំទ្រ នោះទេ។ លោកសន្យាថា នឹងប្រឆាំងការជ្រៀតជ្រែកនយោបាយផ្ទៃក្នុងកម្ពុជាពីប្រទេសដទៃ។ លោក ហ៊ុន សែន ថ្លែងយ៉ាងដូច្នេះនៅមុនពេលបិទបញ្ចប់កិច្ចប្រជុំបើកគណៈរដ្ឋមន្ត្រី ថ្មីកាលពីរសៀលថ្ងៃពុធក្នុងទីក្រុងភ្នំពេញ។

«យើងអត់ត្រូវការឲ្យប្រធានាធិបតីឬអគ្គរដ្ឋទូតប្រទេសណាមកទទួល ស្គាល់ទេ។ វាគ្មានការចាំបាច់ឲ្យអគ្គលេខាធិការអង្គការសហប្រជាជាតិ ឲ្យប្រទេសហត្ថលេខីលើកិច្ចព្រមព្រៀងទីក្រុងប៉ារីមកទទួលស្គាល់ ទេ»។

សេចក្តីថ្លែងការណ៍នេះ ធ្វើឡើងក្រោយពីមេដឹកនាំគណបក្សជំទាស់លោកសម រង្ស៊ី បានព្រមានថា លោកនឹងធ្វើយុទ្ធនាការស្នើកុំឲ្យសហគមន៍អន្តរជាតិទទួលស្គាល់រដ្ឋា ភិបាលថ្មីរបស់លោកនាយករដ្ឋមន្ត្រីហ៊ុន សែន ព្រមទាំងស្នើសុំអង្គការសហប្រជាជាតិឲ្យព្យួរអាសនៈកម្ពុជានៅ អង្គការសហប្រជាជាតិបណ្តោះអាសន្ន។

លោកសម រង្ស៊ី ថ្លែងថា រដ្ឋាភិបាលថ្មីនិងរដ្ឋសភាថ្មី របស់កម្ពុជាជារដ្ឋាភិបាលនិងរដ្ឋសភាមិនស្របច្បាប់។

ម្យ៉ាងវិញទៀតសហរដ្ឋអាមេរិកនិងសហភាពអឺរ៉ុប ប្រទេសជប៉ុននៅក្នុងសប្តាហ៍នេះហាក់ដូចជានៅតែរក្សាជំហរមិនទាន់ ទទួលស្គាល់លទ្ធផលបោះឆ្នោតនៅកម្ពុជានៅឡើយតាមរយៈសេចក្តីថ្លែងការណ៍ របស់ខ្លួនជាបន្តបន្ទាប់។

លោកនាយករដ្ឋមន្ត្រីហ៊ុន សែន លើកឡើងថា រដ្ឋាភិបាលរបស់លោកស្របច្បាប់រួចទៅហើយក្រោយពីរដ្ឋសភាដែលមាន សមាជិកមកពីគណបក្សប្រជាជនកម្ពុជារបស់លោកចំនួន៦៨រូបបោះឆ្នោតគាំ ទ្រនិងព្រះមហាក្សត្រតែងតាំងរូបលោកជានាយករដ្ឋមន្ត្រីជាផ្លូវការ។ បន្ថែមពីនោះលោកហ៊ុន សែន ក៏បានបញ្ជាក់ជំហរប្រឆាំងនឹងអន្តរគមន៍របស់អន្តរជាតិក្នុងនយោបាយ របស់កម្ពុជា។

«សម្តេចព្រះសង្ឃរាជទេព វង្ស បានអានដល់កន្លែងថា យើងមិនឲ្យបរទេសមកបង្គាប់បញ្ជានយោបាយក្នុងប្រទេសនិងក្រៅប្រទេស ខ្ញុំមានមោទនភាពដោយពាក្យសម្តីនេះណាស់ព្រោះយើងមិនអនុញ្ញាតឲ្យជន បរទេសណាមកបង្គាប់បញ្ជានយោបាយក្នុងប្រទេសនិងក្រៅប្រទេសរបស់ព្រះ រាជាណាចក្រកម្ពុជាទេ»។

ទោះជាបែបនេះក្តី លោក យ៉ែម ប៉ុញ្ញឫទ្ធិ អ្នកនាំពាក្យមួយរូបរបស់គណបក្សសង្គ្រោះជាតិអះអាងថារដ្ឋាភិបាល កម្ពុជាក្នុងពេលនេះនឹងទទួលរងផលប៉ះពាល់ក្នុងទំនាក់ទំនងអន្តរ ជាតិ។

«ពីព្រោះការរៀបចំ (រដ្ឋាភិបាល) នេះមានការខុសពីរដ្ឋធម្មនុញ្ញ។ យើងយល់ឃើញថា មានផលប៉ះពាល់ដល់រាជរដ្ឋាភិបាលមួយដែលកើតចេញមកមិនទាន់គ្រប់ លក្ខណៈ»។

បើទោះជាយល់ឃើញថា ស្ថានភាពបច្ចុប្បន្នរបស់កម្ពុជានឹងមិនប្រឈមខ្លាំងពីបញ្ហាទំនាក់ ទំនងអន្តរជាតិ ក៏លោក អ៊ូ វីរៈ នាយកមជ្ឈមណ្ឌលសិទ្ធិមនុស្សកម្ពុជាយល់ថា កម្ពុជាត្រូវតែគិតគូដល់បញ្ហានេះដែរ។

«ប្រទេសកម្ពុជាត្រូវការការគាំទ្រពីសហគមន៍អន្តរជាតិនិងអង្គការសហ ប្រជាជាតិពីព្រោះយើងត្រូវការកៅអីនៅអង្គការសហប្រជាជាតិហើយការ ត្រូវការកៅអីនោះមានតែរដ្ឋាភិបាលស្របច្បាប់មួយទេដែលអាចអង្គុយ នៅកៅអីនោះបាន»។

ក្នុងសេចក្តីថ្លែងការណ៍របស់ខ្លួន លោក ហ៊ុន សែន បានបង្ហាញថា មានសារគាំទ្ររដ្ឋាភិបាលរបស់លោកមកពីប្រទេសមួយចំនួនរាប់ទាំង ប្រទេសសមាជិកសមាគមអាស៊ានផងដែរ។

ផ្អែកតាមគេហទំព័ររបស់ក្រសួងការបរទេស ប្រទេសវៀតណាម ឡាវ សិង្ហបុរី ថៃ កូរ៉េខាងជើង រុស្ស៊ី គុយបា និងប្រទេសចិន បានផ្ញើសារអបអរសាទរការឡើងកាន់ដំណែងនាយករដ្ឋមន្ត្រីបន្តទៀត របស់លោកហ៊ុន សែន។

ក្នុងចំណោមប្រទេសទាំងនោះប្រទេសចិនបានបញ្ជាក់ជំហរយ៉ាងរឹងមាំដោយ ចាត់ទុកកម្ពុជាជា «អ្នកជិតខាងល្អ ជាដៃគូល្អ ជាមិត្តភក្តិល្អ និងជាបងប្អូនដ៏ល្អជិតស្និទ្ធ» ហើយប្រទេសចិននឹងខិតខំធ្វើការជំរុញទំនាក់ទំនងទ្វេភាគីឲ្យកាន់ តែស៊ីជម្រៅនិងគ្រប់ជ្រុងជ្រោយកម្រិតខ្ពស់៕

លោកសម រង្ស៊ីគ្រោងសុំឲ្យអ.ស.ប.ព្យួរអាសនៈកម្ពុជា

លោកសម រង្ស៊ី មេដឹកនាំគណបក្សសង្គ្រោះជាតិថ្លែងក្នុងសន្និសីទសារព័ត៌មាន ថ្ងៃ២៥ កញ្ញា ២០១៣។

26 កញ្ញា 2013
សុខ ខេមរា
VOA

វ៉ាស៊ីនតោន — មេដឹកនាំគណបក្សជំទាស់គឺលោកសម រង្ស៉ីគ្រោងនឹងស្នើសុំឲ្យអ.ស.ប.ព្យួរអាសនៈកម្ពុជាឲ្យនៅទំនេរ ហើយនឹងស្នើសុំសហគមន៍អន្តរជាតិមិនឲ្យទទួលស្គាល់រដ្ឋាភិបាលថ្មីរបស់ ប្រទេសកម្ពុជា។ លោកសុខ ខេមរា នៃវីអូអេបានរាយការណ៍ថា ការ ស្នើសុំនេះគឺដោយសារគណបក្សជំទាស់អះអាងថា រដ្ឋាភិបាលកម្ពុជាថ្មីមិនស្របច្បាប់។

មេដឹកនាំគណបក្សសង្គ្រោះជាតិគឺលោកសម រង្ស៉ីបានព្រមានថា លោកនឹងធ្វើ ចលនាជាអន្តរជាតិក្នុងពេលឆាប់ៗខាងមុខដើម្បីកុំឲ្យសហគមន៍អន្តរជាតិ ទទួលស្គាល់រដ្ឋាភិបាលថ្មីរបស់លោកនាយករដ្ឋមន្ត្រីហ៊ុន សែន ជាពិសេសគឺស្នើសុំ ដល់អ.ស.ប.ឲ្យព្យួរអាសនៈកម្ពុជានៅឯអ.ស.ប.នៅទំនេរជាបណ្តោះ អាសន្ន។

គណបក្សជំទាស់ធ្វើរបៀបនេះដោយចោទប្រកាន់ថា រដ្ឋាភិបាលថ្មីនិងរដ្ឋសភាថ្មី របស់កម្ពុជាជារដ្ឋាភិបាលនិងរដ្ឋសភាមិនស្របច្បាប់ និងមិនតំណាងឲ្យប្រជាពលរដ្ឋកម្ពុជាទាំងមូលទេ។ នេះបើតាមការអះអាងរបស់លោកសម រង្ស៉ី ដែលបានថ្លែងប្រាប់វីអូអេប៉ុន្មាននាទីមុននេះ។

«ហើយយើងនឹងទំនាក់ទំនងជាមួយអ.ស.ប.ផងដែរ សុំឲ្យព្យួរសមាជិកភាពនៃប្រទេសកម្ពុជានៅអ.ស.ប.»។

ទោះជាយ៉ាងណាក៏ដោយ លោកផៃ ស៊ីផាន អ្នកនាំពាក្យមួយរូបរបស់រដ្ឋាភិបាល បានអះអាងថា អ្វីដែលគណបក្សជំទាស់ធ្វើនោះគឺជាសកម្មភាពដែលមិនអាចទៅរួចដោយសារថា គ្មាននរណាដែលគេនឹងធ្វើការជាមួយគណបក្សសំឡេងភាគតិចទេ។

«មិនអាចទៅរួចទេដោយសារអ.ស.ប.គឺជាសហរដ្ឋាភិបាលរបស់ប្រជាជាតិ នីមួយៗ មិនមែនជាអង្គការនយោបាយដែលពាក់ព័ន្ធជាមួយនឹងគណបក្សដែលចាញ់ឆ្នោត ឬគណបក្សភាគតិចនោះទេ»។

ការមិនទទួលស្គាល់រដ្ឋាភិបាលថ្មីរបស់គណបក្សជំទាស់គឺស្របជាមួយនឹង ជំហរ របស់បណ្តាប្រទេសមួយចំនួនដូចជាស.រ.អា.និងសហភាពអឺរ៉ុបដែលនៅតែ ទាមទារឲ្យមានការពិភាក្សាគ្នាដោះស្រាយបញ្ហាខ្វែងគំនិតគ្នារឿង បោះឆ្នោតដែលគេចោទថា មានការគៃបន្លំយ៉ាងធ្ងន់ធ្ងរ។

គណបក្សជំទាស់បានបដិសេធមិនទទួលស្គាល់លទ្ធផលបោះឆ្នោតទេ ដោយអះ អាងថា ខ្លួនទេជាអ្នកឈ្នះការបោះឆ្នោតគឺទទួលបាន៦៣អាសនៈលើ១២៣ អាសនៈ ហើយអាចបង្កើតរដ្ឋាភិបាលម្នាក់ឯងបាន។ គណបក្សនេះទាមទារឲ្យ មានការបង្កើតគណៈកម្មការឯករាជ្យត្រឹមត្រូវមួយដើម្បីស៊ើបអង្កេតដោយ តម្លាភាពលើភាពមិនប្រក្រតីនៃការបោះឆ្នោតថ្ងៃ២៨ខែកក្កដាឆ្នាំ ២០១៣។

គណបក្សប្រជាជនកម្ពុជាត្រូវគណៈកម្មាធិការជាតិរៀបចំបង្ហាញថា ជាអ្នកឈ្នះ ហើយទទួលបាន៦៨អាសនៈក្នុងសភា ហើយអាចបង្កើតរដ្ឋាភិបាលម្នាក់ឯងបាន។ គណបក្សនេះបានបញ្ជាក់ថា លទ្ធផលបោះឆ្នោតជាផ្លូវការបានបញ្ចប់ឬប្រកាសដោយគ.ជ.ប.ទៅហើយ ដោយបដិសេធ ការសើរើលទ្ធផលបោះឆ្នោតនេះ។

ការចរចាមិនត្រូវគ្នានេះធ្វើឲ្យសមាជិកសភាគណបក្សជំទាស់ចំនួន៥៥រូប មិន ចូលរួមប្រជុំសភាដើម្បីផ្តល់សុពលភាពឲ្យក្លាយជាសភាពហុបក្សនិង ស្រប ច្បាប់ពេញលេញមួយដែលទទួលស្គាល់ដ៏ទូលំទូលាយទេ។

ក្រៅពីគំរាមធ្វើបាតុកម្មទូទាំងប្រទេស លោកសម រង្ស៉ីបង្ហាញក្តីសង្ឃឹមថា ចលនារបស់លោកលើឆាកអន្តរជាតិនឹងបានសម្រេចដោយសារមានភស្តុតាង អំពីភាពមិនស្របច្បាប់ជាតិ និងអន្តរជាតិ ដែលលោកអះអាងថា រដ្ឋាភិបាលថ្មី របស់លោកនាយករដ្ឋមន្ត្រីហ៊ុន សែនជារដ្ឋាភិបាលខុសច្បាប់។ លោកថ្លែង ថា សកម្មភាពរបស់លោកលើឆាកអន្តរជាតិដូច្នេះគឺជាការការពារផល ប្រយោជន៍ជាតិខ្មែរទាំងមូលនិងជួយសង្គ្រោះជាតិកម្ពុជា។

លោកបានព្រមានថា៖ «អញ្ចឹងបើនរណាដែលនៅតែទាក់ទងជាធម្មតាជាមួយរដ្ឋាភិបាលភ្នំពេញតទៅ ទៀតគឺមានន័យថា ចូលដៃជាមួយពួកដែលរំលោភរដ្ឋធម្មនុញ្ញ រំលោភកិច្ចព្រមព្រៀងទីក្រុងបារីស ហើយកំពុងតែធ្វើបាបប្រជារាស្ត្រខ្មែរ»។

លោកផៃ ស៊ីផានបានអះអាងថា រដ្ឋាភិបាលកម្ពុជាពេលនេះមានប្រទេសមហា អំណាចមួយចំនួននិងប្រទេសអាស៊ានជាច្រើនបានសរសេរលិខិតមកអបអរសារទរ និងទទួលស្គាល់រដ្ឋាភិបាលថ្មីរបស់កម្ពុជារួចហើយ។

ប្រទេសកម្ពុជា ដែលត្រូវបញ្ជូនតំណាងទៅថ្លែងសុន្ទរកថានៅឯកិច្ចប្រជុំមហាសន្និបាត អ.ស.ប.ក្នុងទីក្រុងញូយ៉កក្នុងខែកញ្ញានេះជារៀងរាល់ឆ្នាំនោះ ធ្លាប់ត្រូវអ.ស.ប.ព្យួរអាសនៈឲ្យនៅទំនេរម្តងក្រោយពីមានរដ្ឋប្រហារ ក្នុងទីក្រុងភ្នំពេញកាលពីខែកក្កដាឆ្នាំ១៩៩៧ដែលព្រះអង្គម្ចាស់ នរោត្តម រណឫទ្ធិត្រូវបណ្តេញចេញពីមុខតំណែងជានាយករដ្ឋមន្ត្រីទី១៕

លោកសម រង្ស៊ីហៅរដ្ឋាភិបាលថ្មីថា ប្រាសចាករដ្ឋធម្មនុញ្ញ

លោកសម រង្ស៊ី និងលោកកឹម សុខា មេដឹកនាំគណបក្សសង្គ្រោះជាតិធ្វើសន្និសីទសារព័ត៌មាន ថ្ងៃ២៥ កញ្ញា ២០១៣។

25 កញ្ញា 2013
ហេង រស្មី
VOA

ភ្នំពេញ — រយៈពេលមួយថ្ងៃក្រោយពីរដ្ឋសភាបានបោះឆ្នោតជាកញ្ចប់តែងតាំងស្ថាប័ន រដ្ឋសភា និងរដ្ឋាភិបាលក្នុងពេលតែមួយ គណបក្សសង្គ្រោះជាតិបានប្រកាសមិនទទួលស្គាល់រដ្ឋាភិបាលនិងស្ថាប័ន រដ្ឋសភាដែលគ្រប់គ្រងដោយគណបក្សប្រជាជនទេ ដោយបានចាត់ទុកថា ជារដ្ឋប្រហាររដ្ឋធម្មនុញ្ញនិងបានលួចប្លន់ឆន្ទៈប្រជារាស្ត្រ។

កាលពីថ្ងៃច័ន្ទ និងថ្ងៃអង្គាររដ្ឋសភាបានបើកសម័យប្រជុំជាលើកដំបូង ក្រោយពីការបោះឆ្នោតរបស់របស់សមាជិកសភាក្រោមព្រះរាជអធិបតីភាពព្រះ មហាក្សត្រ និងប្រកាសបោះឆ្នោតជាកញ្ចប់ដើម្បីជ្រើសតាំងស្ថាប័នរដ្ឋសភានិង រាជរដ្ឋាភិបាលក្នុងពេលតែមួយ។

ការបោះឆ្នោតនេះ ដែលបានប្រើពេលវេលាមិនដល់មួយម៉ោងផង បានប្រកាសតែងតាំងលោកហ៊ុន សែនជានាយករដ្ឋមន្ត្រី។ ចំណែកឯលោកហេង សំរិនត្រូវបានតែងតាំងជាប្រធានរដ្ឋសភា ហើយគណៈកម្មការជំនាញទាំងអស់នៃរដ្ឋសភាបានកាន់កាប់ដោយ គណបក្សប្រជាជនកម្ពុជា។

បន្ទាប់ពីបានវិលត្រឡប់មកពីខេត្តសៀមរាប ដែលនៅទីនោះគណបក្សសង្គ្រោះជាតិបានធ្វើពិធីសច្ចាប្រណិធានចូលកាន់ តំណែងអ្នកតំណាងរាស្ត្រជាប់ឆ្នោតទាំង៦៣នោះ លោកសម រង្ស៊ី ប្រធានគណបក្សសង្គ្រោះជាតិបានបញ្ជាក់ថា គណបក្សរបស់លោកមិនទទួលស្គាល់រដ្ឋាភិបាលដែលទើបតែបានបង្កើតកាលពី ដើមសប្តាហ៍នេះទេ។

លោកបានចាត់ទុកថា អ្វីដែលបានធ្វើកាលពីថ្ងៃច័ន្ទ និងថ្ងៃអង្គារមានលក្ខណៈដូចជារដ្ឋប្រហាររដ្ឋធម្មនុញ្ញ និងការលួចប្លន់អំណាចពីប្រជារាស្ត្រ។

លោកនិយាយថា៖ «ការរៀបចំក្បាលម៉ាស៊ីនស្ថាប័នរដ្ឋដោយខុសច្បាប់ ដោយរំលោភច្បាប់កំពូលគឺរដ្ឋធម្មនុញ្ញ ហើយរំលោភយ៉ាងធ្ងន់ធ្ងរ ដូច្នេះយើងមិនអាចទទួលស្គាល់ ហើយមិនអាចសហការតាមរូបភាពណាមួយជាមួយរដ្ឋាភិបាលបែបនេះទេ»។

ការប្រកាសមិនទទួលស្គាល់រដ្ឋាភិបាលអាណត្តិទី៥របស់លោកនាយករដ្ឋ មន្ត្រីហ៊ុន សែននេះ បានកើតឡើងចំពេលដែលគណៈរដ្ឋមន្ត្រីបានបើកកិច្ចប្រជុំជាលើកដំបូង ក្រោយពីការប្រកាសលទ្ធផលបោះឆ្នោត។

យោងតាមលទ្ធផលផ្លូវការដែលចេញដោយគណៈកម្មាធិការជាតិរៀបចំការបោះ ឆ្នោតបានឲ្យដឹងថា គណបក្សប្រជាជនកម្ពុជាបានឈ្នះឆ្នោតដោយទទួលបានចំនួន៦៨អាសនៈ។ ចំណែកគណបក្សសង្គ្រោះជាតិក៏បានប្រកាសថា ខ្លួនបានឈ្នះឆ្នោតដែរ ដោយទទួលបាន៦៣អាសនៈ។

Friday, September 20, 2013

វិភាគ៖ ពហិការចូលប្រជុំរដ្ឋសភារបស់គណបក្សប្រឆាំងមានផលវិជ្ជមាន និងអវិជ្ជមានអ្វីខ្លះ?

ថ្នាក់ដឹកនាំគណបក្សសង្គ្រោះជាតិ ធ្វើសន្និសីទនៅថ្ងៃទី២០កញ្ញា (រូបថត តាំង វីដា)

ថ្ងៃសុក្រ ទី20 ខែកញ្ញា ឆ្នាំ2013
ដោយ៖ ដួង សុខា
VOD

គណបក្សប្រឆាំង កាលពីថ្ងៃទី១៩ ខែកញ្ញា បានប្រកាសពីជំហររបស់ខ្លួនថា នឹងមិនចូលរួមសម័យប្រជុំលើកដំបូងនៃរដ្ឋសភា នីតិកាលទី៥ ដែលប្រព្រឹត្តទៅនៅថ្ងៃទី២៣ ខែកញ្ញា តាមព្រះរាជសារអញ្ជើញរបស់ព្រះមហាក្សត្រទ្បើយ ដរាបណាភាពមិនប្រក្រតីនៃការបោះឆ្នោត មិនត្រូវបានដោះស្រាយ ដើម្បីផ្តល់យុត្តិធម៌ជូនម្ចាស់ឆ្នោត។

គណបក្សសង្គ្រោះជាតិ បង្ហាញជំហរបែបនេះ បន្ទាប់ពីកិច្ចចរចាទ្វេភាគី កាលពីថ្ងៃទី១៦ និងទី១៧ ខែកញ្ញា រវាងថ្នាក់ដឹកនាំកំពូលគណបក្សប្រជាជនកម្ពុជារបស់លោកនាយករដ្ឋមន្ត្រី ហ៊ុន សែន និងគណបក្សសង្គ្រោះជាតិ នៅវិមានរដ្ឋសភា មិនអាចដោះស្រាយបញ្ហាបោះឆ្នោត ឲ្យបានជាក់លាក់ ។

គណបក្សទាំងពីរ ដែលឈ្នះអាសនៈរដ្ឋសភា បានព្រមព្រៀងគ្នា ធ្វើកំណែទម្រង់ស្ថាប័នជាតិ មានដូចជាគណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប ប៉ុន្តែមិនបានបង្ហាញអ្វីជាក់លាក់ជាលាយលក្ខណ៍អក្សរចំពោះកំណែទម្រង់ គ.ជ.ប។ ម្យ៉ាងទៀត ការទាមទាររបស់គណបក្សសង្គ្រោះជាតិឲ្យបង្កើតគណៈកម្មការឯករាជ្យមួយ ស៊ើបអង្កេតពីភាពមិនប្រក្រតីនៃការបោះឆ្នោត ថ្ងៃទី២៨ ខែកក្កដា ឆ្នាំ២០១៣ ត្រូវបានគណបក្សកាន់អំណាចច្រានចោល ដោយខ្លួន គិតថាការទាមទារនេះហួសពីក្របខណ្ឌច្បាប់ហើយ។ ការបង្ហាញជំហរបែបនេះ ក៏ធ្វើទ្បើង បន្ទាប់ពីព្រះមហាក្សត្រ សម្តេចព្រះបរមនាថ នរោត្តម សីហមុនី បដិសេធសំណើរបស់តំណាងរាស្ត្រជាប់ឆ្នោតទាំង៥៥រូប របស់គណបក្សសង្គ្រោះជាតិដែលទូលថ្វាយព្រះអង្គឲ្យលើកពេល បើកសម័យប្រជុំដំបូងនៃរដ្ឋសភា។

នាយកប្រតិបត្តិគណៈកម្មាធិការ អព្យាក្រឹត និងយុត្តិធម៌ ដើម្បីការបោះឆ្នោតដោយសេរី និងត្រឹមត្រូវនៅកម្ពុជា ហៅកាត់ និកហ្វិច (Nicfec) លោក ហង្ស ពុទ្ធា វិភាគថា ជំហររបស់គណបក្សសង្គ្រោះជាតិ គឺគោរពតាមឆន្ទៈពលរដ្ឋជិត៣លាននាក់ ដែលបានបោះឆ្នោតឲ្យគណបក្សនេះ ដែលចង់បានយុត្តិធម៌ ចំពោះភាពមិនប្រក្រតីនៃការបោះឆ្នោត ៖ “ គណបក្សសង្គ្រោះជាតិ កំពុងរុញបញ្ហានេះ ឲ្យមិនប៉ះទៅព្រះមហាក្សត្រទេ ប៉ុន្តែអាចរុញប្រជារាស្ត្រទៅប៉ះនឹងព្រះមហាក្សត្រវិញ បើគាត់មិនចូល គណបក្សសង្គ្រោះជាតិ គាត់ទទួលបានផលប្រយោជន៍ ទីមួយគឺអ្នកគាំទ្ររបស់គាត់នៅតែបន្តការគាំទ្រ ហើយអាចមានអ្នកគាំទ្របន្ថែមទៀត ហើយផលប្រយោជន៍មួយទៀតគឺគាត់នៅរក្សាបាននូវអ្វីដែលជាកិត្តិយស និងសេចក្តីថ្លែងការណ៍ នូវពាក្យសម្តីរបស់គាត់ ដែលបានចែងរួចហើយ នៅមុនពេលឃោសនា និងពេលក្រោយទទួលបានសន្លឹកឆ្នោត”។

លោកគិតថា ចាប់ពីពេលនេះ រហូតដល់ថ្ងៃប្រជុំរដ្ឋសភាលើកដំបូង ប្រសិនបើគណបក្សសង្គ្រោះជាតិ មិនផ្លាស់ប្តូរជំហររបស់ខ្លួន គណបក្សមានតែបន្តធ្វើមហាបាតុកម្មទៀត ដើម្បីទាមទារឲ្យមានតម្លាភាពចំពោះបញ្ហាបោះឆ្នោត។ ដោយទ្បែក ពាក់ព័ន្ធនឹងគណបក្សកាន់អំណាចដែលប្រកាសចូលប្រជុំរដ្ឋសភាតែឯងនោះ លោក ហង្ស ពុទ្ធា យល់ថា គណបក្សនេះនឹងទទួលរងការចោទប្រកាន់ថាមិនគិតពីបញ្ហាប្រទេសជាតិ ដោយគិតតែប្រយោជន៍ខ្លួនឯង ហើយអាចធ្វើឲ្យព្រះមហាក្សត្រ បាត់បង់និមិត្តរូបនៃឯកភាពជាតិ និងនិរន្តរភាពជាតិ។ ម្យ៉ាងទៀត សហគមន៍អន្តរជាតិ នឹងចាត់ទុក រដ្ឋាភិបាលដែលត្រូវបង្កើតទ្បើង ថាជារដ្ឋាភិបាលមិនស្របច្បាប់ ៖ “សហគមន៍អន្តរជាតិគេមើលមកថា រដ្ឋាភិបាលកម្ពុជាដែលកើតមកនេះ គឺជារដ្ឋាភិបាល ពុំស្របតាមច្បាប់ពេញលេញទេ អញ្ជឹងទំនាក់ទំនងជាមួយសហគមន៍អន្តរជាតិ គេមិនគោរព គេមិនយកចិត្តទុកដាក់ជាមួយរដ្ឋាភិបាលកម្ពុជា ហើយវិនិយោទុនបរទេស ហើយក៏អាចមិនយកចិត្តទុកដាក់និងរដ្ឋាភិបាល ក្នុងការបន្ថែមទុន ឬក៏ដាក់ទុននៅកម្ពុជាដែរ”។

ទោះយ៉ាងណា លោកអំពាវនាវឲ្យអ្នកនយោបាយ កុំយកពលរដ្ឋធ្វើជាឧបករណ៍នយោបាយរបស់ខ្លួន។

សម្រាប់អ្នកវិភាគនយោបាយ លោក សុខ ទូច ជំហររបស់គណបក្សសង្គ្រោះជាតិពហិការចូលប្រជុំរដ្ឋសភា បង្ហាញថា ឯកភាពជាតិមិនទាន់មាននោះទេ។ លោក អះអាងថា ការប្រជុំតែឯកបក្សក៏ផ្ទុយនឹងមាត្រា៧៦នៃរដ្ឋធម្មនុញ្ញ ដែលចែងថា រដ្ឋសភាមានសមាជិកជាតំណាងរាស្ត្រយ៉ាងតិច ១២០រូប។ ការប្រជុំរដ្ឋសភាតែឯកបក្សក៏ផ្ទុយនឹងមាត្រា៥១ថ្មីនៃ រដ្ឋធម្មនុញ្ញ ដែលចែងថា ព្រះរាជាណាចក្រកម្ពុជាអនុវត្តនយោបាយប្រជាធិបតេយ្យ សេរីពុហបក្ស។ លោកក៏យល់ឃើញថា ព្រះមហាក្សត្រកំពុងទទួលសម្ពាធនយោបាយ ខណៈគណបក្សប្រឆាំងពហិការចូលប្រជុំ៖ “មកដល់ចំណុចនេះ គឺសម្ពាធនយោបាយ សម្រាប់ព្រះអង្គធ្ងន់ ដែលធ្វើឲ្យព្រះអង្គលំបាកព្រះទ័យ ក្នុងការសម្រេចចិត្ត ថាតើនៅពេលដែលគណបក្សសង្គ្រោះជាតិ បដិសេធមិនចូលរួមប្រជុំ មានន័យថា មិនឯកភាពជាតិរួចទៅហើយ។ ការប្រជុំលើកដំបូងនៅក្នុងសភា ហើយបើមានផ្ទុះបាតុកម្មបង្ហូរឈាមណាមួយ កើតមានឡើង នោះហើយជាការចូលរួមចំណែកមួយដែរ។ ម៉េចបានចូលរួមចំណែក? ព្រោះជាតិមិនទាន់ឯកភាពផង ម៉េចឲ្យអ្នកនយោបាយ ដោះស្រាយទៅ”។

លោកបន្តថា ព្រះមហាក្សត្រ គួរទុកឲ្យអ្នកនយោបាយបន្តដោះស្រាយបញ្ហាជាតិឲ្យចប់សិន ដើម្បីឲ្យមានឯកភាពជាតិ មុននឹងព្រះអង្គយាងជាព្រះរាជាធិបតីភាព ក្នុងការបើកសម័យប្រជុំរដ្ឋសភាលើកដំបូង។

ចំណែក អ្នកវិភាគនយោបាយ លោកស្រី ជា វណ្ណាត យល់ថា ពហិការរបស់គណបក្សសង្គ្រោះជាតិ នឹងប៉ះទង្គិចជាមួយស្ថាប័នព្រះមហាក្សត្រ និងពលរដ្ឋមួយចំនួន ក្នុងចំណោមពលរដ្ឋជិត៣លាននាក់ ដែលបានបោះឆ្នោតឲ្យគណបក្សប្រឆាំង ប៉ុន្តែគោរពព្រះមហាក្សត្រ ៖ "គណបក្សសង្គ្រោះជាតិលោកប្រកែកថា លោកមិនចូលរួមទេ ដូចជាលោកប្រកែកជាមួយព្រះមហាក្សត្រ ថាលោកមិនស្តាប់ព្រះមហាក្សត្រទេ របៀបអញ្ចឹង ហើយនេះខ្ញុំយល់ឃើញថា កាលណាមានជំហរអញ្ចឹង ជំហរហ្នឹងអាចប៉ះពាល់ដល់ប្រជាពលរដ្ឋ ដែលគាំទ្រគណបក្សសង្គ្រោះជាតិដែរ ក៏ប៉ុន្តែសុទ្ធតែជាអ្នកគោរពបូជាព្រះមហាក្សត្រ"។

លោកស្រីគិតថា ការព្រួយបារម្ភថា គណបក្សសង្គ្រោះជាតិអាចចាញ់ល្បិចគណបក្សប្រជាជនកម្ពុជា នៅពេលអនាគតដូចគណបក្សហ៊្វុនស៊ិនប៉ិច ប្រសិនបើគណបក្សនេះចូលប្រជុំនោះ គឺមិនអាចកើតមានទេ ពីព្រោះគណបក្សប្រឆាំងធ្លាប់ឆ្លងកាត់ បទពិសោធន៍នយោបាយច្រើនហើយ ៖ "ទស្សនៈរបស់ខ្ញុំ ខ្ញុំថាគួរតែអញ្ជើញទៅ ចំណេញជាងមិនចូល ហើយកុំឲ្យភ័យថា ខ្លាចចាញ់បោក ខ្លាចចាញ់កល ខ្លាចចាញ់ល្បិច ខ្ញុំថាមិនគួរទេ ពីព្រោះប្រជាពលរដ្ឋទេ លោកជាអ្នកសម្រេច ប្រជាពលរដ្ឋទេ ដែលលោកតាមមើលអ្នកនយោបាយ"។

ទោះយ៉ាងណា ថ្នាក់ដឹកនាំកំពូលរបស់គណបក្សសង្គ្រោះជាតិ បានប្រកាសថា ពហិការរបស់ខ្លួន គឺស្របទៅតាមឆន្ទៈរបស់ពលរដ្ឋ ដែលជាម្ចាស់ឆ្នោតទៅវិញទេ ដែលចង់ឲ្យមានយុត្តិធម៌ នៅក្នុងការបោះឆ្នោត។ ហេតុដូចនេះហើយ ទើបគណបក្សទូលថ្វាយព្រះមហាក្សត្រឲ្យលើកពេលកោះប្រជុំរដ្ឋសភា៕

សូមសរសេរមកកាន់លោក ដួង សុខា តាមរយៈ duong_sokha@vodhotnews.com

អាមេរិកទាមទារឲ្យកម្ពុជាដោះស្រាយភាពមិនប្រក្រតីនៃការបោះឆ្នោត

ពលរដ្ឋខ្មែរធ្វើបាតុកម្មនៅខាងមុខអគារសភាតំណាងរាស្ត្រ អាមេរិកាំង នៅរដ្ឋធានីវ៉ាស៊ីនតោន កាលពីរសៀលថ្ងៃទី១៨ ខែកញ្ញា ឆ្នាំ២០១៣។

RFA/Yun Samean

តំណាងរាស្ត្រ និងព្រឹទ្ធសភាសហរដ្ឋអាមេរិក បានធ្វើសេចក្តីព្រាងសេចក្តីសម្រេចចិត្តពីរផ្សងគ្នា ទាមទារឲ្យក្រសួងការបរទេស និងទីភ្នាក់ងារផ្តល់ជំនួយសហរដ្ឋអាមេរិក ពិចារណាកាត់ជំនួយដោយ ផ្ទាល់ទៅរដ្ឋាភិបាលកម្ពុជា ប្រសិនបើលទ្ធផលបោះឆ្នោតនៅកម្ពុជា មិនបានឆ្លុះបញ្ចាំងឆន្ទៈរបស់ពលរដ្ឋ។

2013-09-20

ដោយ យន់ សាមៀន

RFA

ការព្រាងសេចក្តីសម្រេចចិត្តនេះ ធ្វើឡើងស្របពេលដែលពលរដ្ឋខ្មែរនៅកម្ពុជា និងនៅបរទេស កំពុងទាមទារឲ្យរដ្ឋាភិបាលកម្ពុជា ដោះស្រាយភាពមិនប្រក្រតីនៃការបោះឆ្នោត មុនពេលបង្កើតរដ្ឋសភា និងរដ្ឋាភិបាល។

តំណាងរាស្ត្រសហរដ្ឋអាមេរិក ដ៏មានឥទ្ធិពលចំនួនពីរនាក់ ប្រកាសគាំទ្រឲ្យមានការស៊ើបអង្កេតភាពមិនប្រក្រតីនៃការបោះឆ្នោត ថ្ងៃទី២៨ ខែកក្កដា។ ជំហររបស់តំណាងរាស្ត្រទាំងពីរនាក់ ធ្វើឡើងនៅពេលពលរដ្ឋខ្មែរ-អាមេរិកាំង និងកាណាដា ប្រមាណ ៥០០នាក់ កាលពីថ្ងៃពុធ ទី១៨ កញ្ញា បានតវ៉ានៅមុខវិមានសភាតំណាងរាស្ត្រអាមេរិក នៅរដ្ឋធានីវ៉ាស៊ីនតោន (Washington) ទាមទារឲ្យដោះស្រាយភាពមិនប្រក្រតីនៃការបោះឆ្នោត និងដាក់សេចក្តីព្រាងសេចក្តីសម្រេចចិត្តចំនួនពីរ ដើម្បីឲ្យរដ្ឋាភិបាលអាមេរិក អាចដាក់ទណ្ឌកម្មទៅលើរដ្ឋាភិបាលកម្ពុជា ប្រសិនបើលទ្ធផលបោះឆ្នោតមិនអាចជឿជាក់បាន។

តំណាងរាស្ត្រសហរដ្ឋអាមេរិក លោក ស្ទីវ ឆាបុត្រ (Steve Chabot) កាលពីថ្ងៃពុធ មានប្រសាសន៍ទៅកាន់ក្រុមបាតុករនៅមុខវិមានសភាតំណាងរាស្ត្រ ខេបភីថល ហីល (Capital Hill) ថា លោកគាំទ្រការទាមទាររបស់បាតុកររាប់ម៉ឺននាក់ ដែលបានធ្វើមហាបាតុកម្មអហិង្សានៅទីលានប្រជាធិបតេយ្យ នារាជធានីភ្នំពេញ និងនៅតាមបណ្ដាប្រទេសមួយចំនួនទៀត។ លោកស្នើឲ្យ លោក ហ៊ុន សែន នាយករដ្ឋមន្ត្រីចាំផ្ទះ ត្រូវតែយល់ព្រមបង្កើតនូវគណៈកម្មការមួយស៊ើបអង្កេតភាពមិន ប្រក្រតី។ លោក ស្ទីវ ឆាបុត្រ បន្តថា បាតុកម្មនៅកម្ពុជា និងនៅសហរដ្ឋអាមេរិក ជាសញ្ញារួមដែលឲ្យ លោក ហ៊ុន សែន ពិចារណា ប្រសិនបើលោកជាមនុស្សឆ្លាត។

លោក ស្ទីវ ឆាបុត្រ៖ «ការជួបជុំនៅថ្ងៃនេះ ជាការជួបជុំដែលមិនធ្លាប់មានពីមុនមក។ យើងកំពុងឈរនៅពីមុខអគារតំណាងរាស្ត្រសហរដ្ឋអាមេរិក ធ្វើឲ្យយើងនឹកឃើញអ្វីៗទាំងអស់ ពិសេសលទ្ធិប្រជាធិបតេយ្យក៏ពិតប្រាកដ សេរីភាព និងឱកាស។ ដូច្នោះហើយ លោក ហ៊ុន សែន ត្រូវពិចារណាប្រសិនបើជាគាត់ឆ្លាត។ ពលរដ្ឋកម្ពុជា ទទួលរងគ្រោះគ្រប់គ្រាន់ចំពោះការដឹកនាំរបៀបផ្តាច់ការរបស់ លោក ហ៊ុន សែន និងបន្តរំលោភសិទ្ធិមនុស្ស សូម្បីតែសិទ្ធិជាមូលដ្ឋានក៏ដោយ។ ពលរដ្ឋកម្ពុជា គួរតែទទួលបានភាពល្អប្រសើរជាងនេះ ហើយនៅពេលនេះជាពេលវេលាសមស្របមួយ ដើម្បីបញ្ចប់របបដឹកនាំដោយខុសច្បាប់របស់ លោក ហ៊ុន សែន ទៅលើពលរដ្ឋកម្ពុជា»។

សេចក្តីព្រាងសេចក្តីសម្រេចចិត្តរបស់សមាជិករដ្ឋសភា លេខ៣១០ សរសេរថា រដ្ឋាភិបាលកម្ពុជា ត្រូវតែគោរពទៅតាមអនុសាសន៍អ្នករាយការណ៍ពិសេសអង្គការសហប្រជាជាតិ និងការទាមទាររបស់គណបក្សសង្គ្រោះជាតិ។ ប្រសិនបើរដ្ឋាភិបាលមិនអនុវត្តតាមអនុសាសន៍ទាំងនោះទេ គឺស្នើឲ្យទីភ្នាក់ងារអភិវឌ្ឍន៍អន្តរជាតិសហរដ្ឋអាមេរិក និងក្រសួងការបរទេស បញ្ឈប់ការគាំទ្រការបោះឆ្នោតនៅកម្ពុជា។ សេចក្តីព្រាងបន្តថា ប្រសិនបើរដ្ឋមន្ត្រីការបរទេសអាមេរិក ចាត់ទុកការបោះឆ្នោតនេះមិនអាចជឿជាក់បាននោះ លទ្ធផលបោះឆ្នោតនោះត្រូវចាត់ទុកថា ផ្ទុយទៅនឹងឆន្ទៈរបស់អ្នកបោះឆ្នោត ហើយរដ្ឋាភិបាលកម្ពុជា នឹងគ្មានភាពស្របច្បាប់ ដើម្បីទទួលជំនួយដោយផ្ទាល់ពីសហរដ្ឋអាមេរិក។

ចំណែកតំណាងរាស្ត្រអាមេរិក លោក ដាណា រូរ៉ាបាខឺ (Dana Rohrabacher) ជាអ្នករិះគន់លោកនាយករដ្ឋមន្ត្រីរយៈពេលជាយូរឆ្នាំមកហើយនោះ ក៏បានសម្ដែងការគាំទ្របាតុករ ដោយបានផ្ញើសារដ៏សំខាន់មួយទៅ លោក ហ៊ុន សែន ថា ត្រូវចុះចេញពីតំណែង៖ «ពលរដ្ឋមកទីនេះ ដើម្បីបង្ហាញឲ្យសហរដ្ឋអាមេរិក ដឹងអំពើការតស៊ូដើម្បីសេរីភាពនៅលើពិភពលោក។ វីរបុរសមានច្រើននៅក្នុងពិភពលោកនេះ ដែលកំពុងតស៊ូប្រឆាំងនឹងអំពើកំណាច សង្កត់សង្កិន ភាពអយុត្តិធម៌ និងអំពើពុករលួយ។ វិបត្តិអាក្រក់ទាំងនោះកំពុងកើតឡើងនៅក្នុងប្រទេសកម្ពុជា ជាជាងប្រទេសណាផ្សេងទៀត ដែលមានរបបមួយក្តោបក្ដាប់អំណាចរយៈពេលយូរ ហើយនៅពេលនេះ ជាពេលដែល លោក ហ៊ុន សែន ត្រូវតែទៅ!»។

បញ្ហានយោបាយនៅកម្ពុជា កំពុងបន្តជាប់គាំងដោយសារតែគណបក្សសង្គ្រោះជាតិ និងគណបក្សប្រជាជនកម្ពុជា បរាជ័យក្នុងការចរចាបង្កើតគណៈកម្មការឯករាជ្យមួយ ដើម្បីស៊ើបអង្កេតភាពមិនប្រក្រតីនៃការបោះឆ្នោត។

មន្ត្រីនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន មានប្រសាសន៍ថា រដ្ឋាភិបាលកម្ពុជា មិនបានចាប់អារម្មណ៍ទៅនឹងសេចក្តីថ្លែងការណ៍របស់តំណាងរាស្ត្រ សហរដ្ឋអាមេរិក ឡើយ។ លោកបន្តថា ជំនួយសហរដ្ឋអាមេរិក មិនអាចគាបសង្កត់រដ្ឋាភិបាលកម្ពុជា បានឡើយ៖ «ជំនួយគឺជាឆន្ទៈ របស់អ្នកម្ចាស់ជំនួយ ដូច្នេះ ម្ចាស់ជំនួយហ្នឹងមានសិទ្ធិសេរីភាពគ្រប់បែបយ៉ាង ក្នុងការផ្ដល់ឬមិនផ្ដល់ ដូច្នេះជោគវាសនាខ្មែរគឺមិនស្ថិតនៅក្រោមគំនាបនៃជំនួយទេ គឺស្ថិតនូវអ្វីដែលជាសេរីភាពឯករាជ្យ ហើយភាពអព្យាក្រឹតរបស់កម្ពុជា»។

ក្នុងសេចក្តីព្រាងសេចក្តីសម្រេចចិត្តសមាជិកព្រឹទ្ធសភា លោក លិនស៊ី ក្រាហាម (Lindsey Graham) ឲ្យដឹងថា ទីភ្នាក់ងារអភិវឌ្ឍន៍អន្តរជាតិសហរដ្ឋអាមេរិក បានផ្តល់ប្រាក់ជំនួយដល់ប្រទេសកម្ពុជា ជាង ១.២០០លានដុល្លារ ក្នុងវិស័យសេដ្ឋកិច្ច និងយោធា ចាប់ពីឆ្នាំ១៩៩៣ ដល់ឆ្នាំ២០១១។ សេចក្តីព្រាងក៏បានទាមទារឲ្យរដ្ឋាភិបាលកម្ពុជា ទទួលខុសត្រូវចំពោះជំនួយទាំងនោះ។ ហើយប្រសិនបើរដ្ឋាភិបាលអាមេរិក គិតថា ការបោះឆ្នោតមិនអាចជឿជាក់បាននោះ កម្ពុជា មិនគួរមានសិទ្ធិទទួលបានជំនួយយោធា ប៉ូលិស និងជំនួយផ្សេងៗទៀតពីសហរដ្ឋអាមេរិក ជាបន្តទៅទៀតឡើយ។ សភា និងព្រឹទ្ធសភាអាមេរិក នឹងពិនិត្យអនុម័តសេចក្តីព្រាងទាំងពីរនៅពេលខាងមុខ៕

ខ្មែរអាមេរិកាំងបាតុកម្ម [Cambodian- Americans Protest at Capitol Hill For Fair Election Results]

សមាជិកសភាអាមេរិកបីនាក់ចូលរួមបាតុកម្មជាមួយពលរដ្ឋខ្មែរប្រឆាំងនឹង លទ្ធផលបោះឆ្នោតនៅកម្ពុជា

លោក Dana Rohrabacher សមាជិកសភាសរអាចូលរួមជាមួយខ្មែរអាមេរិកាំងទាមទារឲ្យមានការផ្លាស់ប្តូរនៅកម្ពុជា។

20 កញ្ញា 2013

សុខ ខេមរា

RFA

វ៉ាស៊ីនតោន — ពលរដ្ឋខ្មែរអាមេរិកាំងចំនួនយ៉ាងតិច៥០០នាក់មកពីតាមបណ្តារដ្ឋនានា បានប្រមូលផ្តុំគ្នានៅមុខវិមានរដ្ឋសភាអាមេរិកាំងក្នុងរដ្ឋធានី វ៉ាស៊ីនតោនកាលពីថ្ងៃពុធ ដើម្បីទាមទារឲ្យមានការរកយុត្តិធម៌ទាក់ទងនឹងលទ្ធផលការបោះឆ្នោត ក្នុងប្រទេសកម្ពុជាហើយនឹងគាំទ្រសេចក្តីសម្រេចរបស់ក្រុមសមាជិកសភា ដែលកំពុងពិនិត្យមើលពីការកាត់ជំនួយរបស់ស.រ.អា.មួយចំនួន ប្រសិនបើលទ្ធផលនៃការបោះឆ្នោតមិនឆ្លុះបញ្ចាំងភាពដោយសេរី យុត្តិធម៌ ត្រឹមត្រូវនោះទេ។ បាតុកម្មនេះបានទាក់ទាញឲ្យមានសមាជិកសភាស.រ.អា.ដ៏មានឥទ្ធិពលបីរូប មកចូលរួមថ្លែងការណ៍លើកទឹកចិត្តពួកគេផងដែរ។

លោកព្រហ្ម សៅរិ៍នរ៉ា( Prom Saunora) អ្នករៀបចំបាតុកម្មតវ៉ានេះ បានអះអាង ថា បាតុកម្មនេះគឺទាមទារឲ្យរដ្ឋាភិបាលស.រ.អា. សភាស.រ.អា.ដាក់សម្ពាធលើរដ្ឋាភិបាលកម្ពុជាឲ្យស៊ើបអង្កេតចំពោះ លទ្ធផលបោះឆ្នោតដែលគេចោទថា មានការគៃបន្លំនិងមិនធ្វើតាមអនុសាសន៍របស់អ.ស.ប.។

«ដាក់គំនាបទី១គឺគេអាចនឹងកាត់ជំនួយ។ ទី២ គេអាចនឹងបា្រប់ពួកស្រុកដទៃ ទៀតឲ្យធ្វើដូចគ្នាដែរ ដូចជាសហភាពអឺរ៉ុប ប្រទេសអាល្លឺម៉ង់ ឬប្រទេសដទៃ ទៀតដែរ។ ហ៊ុន សែនគាត់ធ្លាប់និយាយថា គាត់មិនខ្លាចទេលុយ១០០លាន អីហ្នឹង។ តែគាត់មិនមើលឃើញថា អ្នកគេមកទិញទំនិញខ្មែរច្រើនជាងគេមួយឆ្នាំជាង២ពាន់លានដុល្លារ នោះ។ នេះហើយជាទម្ងន់មួយ ហើយសិនជាប្រទេសដទៃទៀត ប្រទេសអឺរ៉ុបអី គេលែងទិញទំនិញខ្មែរទាំងអស់ហ្នឹងគឺថា រដ្ឋាភិបាលហ្នឹងនឹងដួលជាដាច់ខាត»។

សភាស.រ.អា.កំពុងធ្វើសេចក្តីព្រាងច្បាប់ពីរដាច់ដោយឡែកពីគ្នាគឺលេខ ១៦៣និងលេខ៣១០ ដែលមានន័យជារួមថា ប្រសិនបើការបោះឆ្នោតក្នុងប្រទេសកម្ពុជាគ្មានលក្ខណៈសេរី និងយុត្តិធម៌ទេ នោះស.រ.អា.នឹងកាត់ជំនួយមួយចំនួនសម្រាប់កម្ពុជា ។

ក្រុមសមាជិកសភានៃគណបក្សសាធារណរដ្ឋបីរូបដ៏មានឥទ្ធិពលគឺលោក ដាណារ៉ូរ៉ាប៊ែកគ័រ លោកស្ទីវ ឆាបុត និងលោកអេដ រ៉យបានថ្លែងរិះគន់ដល់ការដឹកនាំប្រទេសរបស់លោកនាយករដ្ឋមន្ត្រីហ៊ុន សែន នៅពេលថ្លែងទៅកាន់ក្រុមបាតុករ ដោយលោកចាត់ទុកថា ជាការដឹកនាំប្រទេសរបៀបកុំម្មុយនីសផ្តាច់ការ កៀបសង្កត់ពលរដ្ឋឲ្យរងទុក្ខវេទនា។ ក្រុមសមាជិកសភាទាំងនោះថ្លែងបន្តថា ពលរដ្ឋកម្ពុជាគួរទទួលបានភាពធូរស្រាលហើយ។ ពួកគេបានអះអាងថា ការបោះឆ្នោតនៅកម្ពុជាមានការគំរាមកំហែង ការគៃបន្លំ និងមិនត្រឹមត្រូវមែន តែមានសេចក្តីរាយការណ៍មកថា គណបក្សជំទាស់នៅតែឈ្នះឆ្នោត។

លោកសមាជិកសភាស.រ.អា.គឺលោកស្ទីវ ឆា បុត (Steve Chabot) ប្រធានអនុគណៈកម្មការអាស៊ីបាស៊ីហ្វិកនៃគណៈកម្មការការបរទេសស.រ.អា. មកពីរដ្ឋអូហៃយូ បានលើកទឹកចិត្តដល់ក្រុមបាតុករ ដោយថ្លែងកោតសរសើរដល់ក្រុមបាតុករដែលកំពុងធ្វើបាតុកម្មនៅមុខវិមាន សភា និងបាតុករនៅឯសួនប្រជាធិបតេយ្យនៅភ្នំពេញដែលតស៊ូដើម្បីសេរីភាព និងប្រជាធិបតេយ្យ និងទាមទារការស៊ើបអង្កេតបញ្ហាភាពមិនប្រក្រតីកើតចេញពីការបោះឆ្នោត ដែលធ្វើឲ្យមានលទ្ធផលប្រែប្រួល។

«ខ្ញុំចូលរួមការអំពាវនាវរបស់ពួកគេដើម្បីឲ្យមានការត្រួតពិនិត្យ មើលដោយ តម្លាភាពទៅលើបញ្ហាភាពមិនប្រក្រតីនៃការបោះឆ្នោត។ ហើយខ្ញុំជំរុញឲ្យលោក ហ៊ុន សែនយល់ព្រមរឿងត្រួតពិនិត្យនេះ។ នេះជាពេលវេលាដែលលោកហ៊ុន សែនត្រូវទទួលខុសត្រូវហើយ»។

លោកថ្លែងថា លោកនឹងប្តូរផ្តាច់ដើម្បីការពារសិទ្ធិជាមូលដ្ឋានរបស់ពលរដ្ឋដែល កំពុងតស៊ូដើម្បីការផ្លាស់ប្តូរនេះ។ លោកឆាបុតថ្លែងថា វាជាពេលវេលាដែល ត្រូវបញ្ចប់របបគ្រប់គ្រងខុសច្បាប់របស់លោកហ៊ុន សែនហើយ។

លោកដាណា រ៉ូរ៉ាបែកគ័រ(Dana Rohrabacher)សមាជិកសភាមកពីរដ្ឋកាលីហ្វ័រ ញ៉ាវិញ បានលើកទឹកចិត្តបាតុករ ដោយអះអាងថា ស.រ.អា.ឈរលើគោលការណ៍ប្រជាធិបតេយ្យគឺមិនយល់ព្រមជាមួយលោកហ៊ុន សែនរឿងខុសពីគោល ការណ៍ទាំងនេះទេ។ លោកបានបន្តដែរថា លោកហ៊ុន សែនដឹកនាំប្រទេសយូរហើយ ហើយធ្វើដំណើរឆ្ពោះទៅរកចិនកុំម្មុយនីស។ ឥឡូវនេះដល់ពេលលោក ហ៊ុន សែនត្រូវចាកចេញពីតំណែងហើយ។

«យើងគាំទ្រប្រជាធិបតេយ្យ សេរីភាព យុត្តិធម៌ និងរដ្ឋាភិបាលដែលស្មោះត្រង់។ លោកហ៊ុន សែនមិនអនុវត្តគោលការណ៍ទាំងនេះទេ។ ដូច្នេះលោកហ៊ុន សែន ត្រូវតែចាកចេញពីតំណែងហើយ»។

ដោយឡែកលោកសមាជិកសភា អេដ រ៉យ (Ed Royce) ប្រធានគណៈកម្មការ ការបរទេសនៃរដ្ឋសភាស.រ.អា.មកពីរដ្ឋកាលីហ្វ័រញ៉ាដែរ បានអះអាងថា ស.រ.អា. មានការធុញថប់និងខកចិត្តចំពោះបញ្ហារំលោភបំពានដីធ្លី បញ្ហាខុសច្បាប់ បញ្ហា មិនអនុវត្តច្បាប់ក្នុងប្រទេសកម្ពុជា។

«រឿងទាំងនេះហើយដែលពលរដ្ឋមកធ្វើបាតុកម្មនៅថ្ងៃនេះមុខវិមានសភា ដើម្បី និយាយថា គ្រប់គ្រាន់ គ្រប់គ្រាន់ហើយសម្រាប់លោកហ៊ុន សែនត្រូវចេញពី អំណាចហើយ។ ដូច្នេះខ្ញុំមកទីនេះ គឺដើម្បីចូលរួមការគាំទ្ររបស់ខ្ញុំជាមួយអ្នក ទាំងអស់គ្នាដើម្បីការផ្លាស់ប្តូរនៅថ្ងៃអនាគត(ទះដៃនិងហ៊ោ)»។

ប្រតិកម្មតបទៅនឹងការវាយប្រហាររបស់សមាជិកសភាស.រ.អា. លោកជាម យៀប មន្ត្រីជាន់ខ្ពស់គណបក្សប្រជាជនកម្ពុជា បានថ្លែងថា សមាជិកសភាស.រ.អា.មិនគួរជ្រៀតជ្រែកកិច្ចការនយោបាយកម្ពុជាទេ។ ច្បាប់រដ្ឋធម្មនុញ្ញរបស់ស.រ.អា.ផ្សេង ហើយច្បាប់រដ្ឋ ធម្មនុញ្ញរបស់កម្ពុជាផ្សឹង។ លោកជាម យៀបបានបញ្ចេញប្រតិកម្មថា ការនិយាយវាយប្រហារឲ្យលោកលោកនាយករដ្ឋមន្ត្រីហ៊ុន សែនចុះពីតំណែងជារឿងមិនអាចទៅរួចទេ។

«រឿងចុះពីតំណែង ចុះពីតំណែងគឺគ្មានអ្វីសម្រេចបានទេ គឺមានតែសន្លឹកឆ្នោតទេ ដែលសម្រេចបានគឺប្រជាពលរដ្ឋ។ នេះជាច្បាប់របស់កម្ពុជាគឺអញ្ចឹង។ ហើយនៅក្នុងការបោះឆ្នោត ការអនុវត្តលទ្ធិប្រជាធិបតេយ្យ សេរីនិយម ពហុបក្ស ដែល មានចែងនៅក្នុងរដ្ឋធម្មនុញ្ញ យើងមិនអាចធ្វើអីបានទេ។ រឿងនេះគឺថា បើសម្តេច តេជោហ៊ុន សែន លោកជាកាប់ពីតែនក្រុមបាល់ទាត់ បើលោកទាត់បាល់ចាញ់ ឬយ៉ាងណាៗនោះ គ្មានការគាំទ្រនោះទេ។ តែខ្ញុំសូមជម្រាបសួរ ថាតើលោកខុសស្អីខ្លះ? ខុសតែជាមួយពួកប្រឆាំងដែលចង់យកអ្វីដែលក្រៅច្បាប់មកនិយាយ តែប៉ុណ្ណោះទេ»។

លោកជាម យៀបបានអះអាងបន្ថែមថា បញ្ហាផ្តល់ជំនួយគឺជាសិទ្ធិរបស់ម្ចាស់ ប្រទេស។ តែកម្ពុជាមិនមែនធ្វើអ្វីខុសច្បាប់ទេ ហើយលទ្ធផលបោះឆ្នោតក៏បាន ប្រកាសចេញជាផ្លូវការរួចហើយដែរ ដោយមិនអាចប្រែប្រួលបានទេ។

លោកជាម យៀបបានហៅការធ្វើបាតុកម្មរបស់ពលរដ្ឋខ្មែរអាមរិកាំង និងការចូលរួមធ្វើបាតុកម្មពីសមាជិកសភាអាមេរិកាំងមួយចំនួននោះថា ជាសិទ្ធិបុគ្គល ប៉ុណ្ណោះ។

«ហើយអារឿងថា មានសមាជិកសភាពីរបីនាក់ចូលរួមបាតុកម្មជាសិទ្ធិរបស់គេ តែគ្រាន់តែថា បីនាក់ហ្នុងមិនមែនតំណាងសភាអាមេរិកាំងទាំងមូលនោះទេ។ គេគ្រាន់តែប្រើសិទ្ធិបុគ្គលចូលរួមតែប៉ុណ្ណោះទេ។ ខ្ញុំយល់ឃើញអញ្ចឹង។ ហើយ រឿងផ្តល់ជំនួយនោះគឺជាធម្មតាទេថា ចំពោះការយល់ឃើញរបស់ប្រទេសម្ចាស់ ជំនួយ។ តែគ្រាន់តែថា គណបក្សប្រជាជនកម្ពុជាដែលជាគណបក្សទទួលញតិ្តពីគ.ជ.ប. បានផ្សាយជាផ្លូវការហើយ។ នោះគឺជាគណបក្សដែលឈ្នះឆ្នោតនៅក្នុងរដ្ឋសភានៅកម្ពុជា។ រឿងហ្នឹងមិនអាចដើរថយក្រោយវិញបានទេ»។

លោកផៃ ស៊ីផាន អ្នកនាំពាក្យរបស់រដ្ឋាភិបាលមួយរូបមិនបានធ្វើប្រតិកម្មតបទៅ នឹងការចោទប្រកាន់និងការវាយប្រហាររបស់សមាជិកសភាស.រ.អា.ចំៗទេ អំពីការដឹកនាំប្រទេសរបស់លោកនាយករដ្ឋមន្ត្រីហ៊ុន សែន ហើយនឹងការចុះចេញពី មុខតំណែង តែលោកគ្រាន់តែបញ្ជាក់យ៉ាងខ្លីថា៖ «ខ្ញុំថា នេះគ្រាន់តែជាការយល់ដឹង និងឃើញ តាមរយៈអ្នកផ្តល់ព័ត៌មានជូនលោកទេ។ តែជោគវាសនារបស់កម្ពុជាមិនមែនស្ថិតនៅលើស.រ.អា.ទេ គឺស្ថិតនៅលើអ្វីដែលជាឆន្ទៈនិងជម្រើសរបស់កម្ពុជា»។

លោកបានសង្កត់ធ្ងន់ថា កម្ពុជាស្វាគមន៍ចំពោះការយកចិត្តទុកដាក់របស់ស.រ.អា. ហើយកម្ពុជានៅតែស្វាគមន៍ជានិច្ចក្នុងកិច្ចសហប្រតិបត្តិការ ក៏ដូចជាភាពជាដៃគូនៅក្នុងការជួយអភិវឌ្ឍសិទ្ធិមនុស្ស ការអភិវឌ្ឍប្រជាធិបតេយ្យហ្នឹងឯង តែបាន រិះគន់សមាជិកសភាស.រ.អា.ថា ពុំបានយល់ដឹងពីនីតិវិធីច្បាប់ក្នុងប្រទេសកម្ពុជា ហើយនឹងមិនទទួលស្គាល់ការណ៍ពិតនៅកម្ពុជា ដែលកំពុងរីកលូតលាស់ផ្នែកនីតិរដ្ឋ និងការអនុវត្តន៍ច្បាប់។

លោកម៉ៃ ប៊ែនជ៍(Mike Benge)ជាពលរដ្ឋអាមេរិកាំងក្នុងរដ្ឋវីជីនៀដែលបានចូលរួមក្នុង បាតុកម្មនេះដែរ។ លោកធ្លាប់ធ្វើកិច្ចការទាក់ទងនឹងប្រទេសកម្ពុជាជាច្រើនឆ្នាំក្នុង ទស វត្យរ៍១៩៨០ពីអតីតកាល។ លោកបានថ្លែងថា ថ្ងៃនេះមានសមាជិកសភាស.រ.អា.បីនាក់មកចូលរួម តែយើងចង់ឲ្យមានពួកគេជាច្រើនគាំទ្រពលរដ្ឋកម្ពុជាក្នុងការទាមទារ យុត្តិធម៌ សេរីភាពរបស់ពួកគេពីរដ្ឋាភិបាលរបស់លោកនាយករដ្ឋមន្ត្រីហ៊ុន សែន ដែលកាន់អំណាចបីទសវត្យរិ៍មកហើយនេះ។

«លោកហ៊ុន សែនបានកាន់កាប់ប្រទេសកម្ពុជាតាមរយៈគោលលទ្ធិនយោបាយ ម៉ៅនិយម ដែលបានមកពីសង្គ្រាមចុងអាវុធ។ ឥឡូវនេះ លោកហ៊ុន សែន ប្រឈមមុខនឹងអំណាចនយោបាយថ្មីមួយក្នុងប្រទេសកម្ពុជា នោះគឺអំណាច ប្រជាពលរដ្ឋ»។

ក្រុមបាតុករបានច្រៀងចំរៀងស្នេហាជាតិ លើកបដារជាច្រើន និងស្រែកឲ្យមានការ ផ្លាស់ប្តូរ ហើយទាមទារឲ្យស.រ.អា.ជួយកម្ពុជាឲ្យមានប្រជាធិបតេយ្យ ការ គោរពសិទ្ធិមនុស្សនិងសេរីភាពពិតប្រាកដ។

អ្នកស្រីស បុប្ផា អាយុ៤៥ឆ្នាំ រស់នៅរដ្ឋវីជីនៀ បានអះអាងថា អ្នកស្រីមកធ្វើបាតុ កម្មនេះគឺដើម្បីឲ្យស.រ.អា.ជួយកៀបសង្កត់បន្ថែមទៀតដល់រដ្ឋាភិបាល កម្ពុជា ដែលមានបញ្ហាគៃបន្លំការបោះឆ្នោត អំពើពុករលួយនិងមានបញ្ហារំលោភសិទ្ធិ មនុស្ស និងបញ្ហាអំពើឃោរឃៅច្រើនទៀត។

«ស.រ.អា.អាចជួយហ៊ុន សែនឲ្យចុះពីតំណែង។ ហើយទៅអនាគត ស.រ.អា.អាចជួយជំនួយច្រើន បើសិនជាបានលោកឯកឧត្តមសម រង្ស៉ីក្លាយទៅជានាយករដ្ឋមន្ត្រីនៅស្រុកខ្មែរ។ ស្រុកខ្មែរយើងបានជឿនលឿនល្អ គ្មានពុករលួយ គ្មានរបបកុំម្មុយនីស្ត និងតែមានប្រជាធិបតេយ្យពិតៗទៅអនាគត»។

ប្រទេសកម្ពុជាបានធ្វើការបោះឆ្នោតកាលពីថ្ងៃទី២៨ខែកក្កដាឆ្នាំ២០១៣ តែគណ បក្សទាំងពីរដែលបានឈ្នះឆ្នោត បានប្រកាសពីជ័យជម្នះផ្ទុយគ្នារៀងៗខ្លួន។គណបក្សប្រជាជនកម្ពុជា បានអះអាងថា ខ្លួនជាអ្នកទទួលបានជ័យជម្នះ៦៨ អាសនៈដែលមានអាសនៈសរុប១២៣ក្នុងសភា។

គណបក្សសង្គ្រោះជាតិរបស់ លោកសម រង្ស៉ី និងលោកកឹម សុខាវិញ បានអះអាងថា ខ្លួនទេជាអ្នកឈ្នះការ បោះឆ្នោត ដោយបានថ្លែងថា ខ្លួនទទួលបានអាសនៈចំនួន៦៣។

តាមច្បាប់កម្ពុជាគេត្រូវការសំឡេង៥០ភាគរយបូកមួយដើម្បីបង្កើត រដ្ឋាភិបាលថ្មីដែលស្មើនឹងសំឡេង៦៣អាសនៈ។ សហគមន៍អន្តរជាតិ និងប្រទេសមហាអំណាចមួយចំនួនដូចជាស.រ.អា.មិនទាន់ទទួលស្គាល់លទ្ធផល បោះឆ្នោត ដែលលោក ហ៊ុន សែននៃគណបក្សប្រជាជនឈ្នះនោះទេ។ រដ្ឋាភិបាលស.រ.អា. ដូចសមាជិកសភាស.រ.អា.មួយចំនួនដែរ បានអំពាវនាវឲ្យមានការស៊ើបអង្កេតរឿងភាពមិនប្រក្រតីនៅពេលគណបក្ស កាន់អំណាចនៅតែមិនព្រមអនុញ្ញាតឲ្យមានការស៊ើបអង្កេតដោយស្ថានប័ន ឯករាជ្យនោះ៕

គណបក្សប្រឆាំងមានប្រៀបខ្លាំងក្នុងការចរចានយោបាយ

លោក កឹម សុខា (ឆ្វេង)អនុប្រធានគណបក្សសង្គ្រោះជាតិ និងលោក សម រង្ស៊ី (ស្តាំ) ប្រធានគណបក្សសង្គ្រោះជាតិ។

20 កញ្ញា 2013

គង់ សុឋានរិទ្ធ

RFA

ភ្នំពេញ៖ នៅសល់តែបួនថ្ងៃទៀតប៉ុណ្ណោះ គឺនៅថ្ងៃទី២៣ខែកញ្ញានេះព្រះមហាក្សត្រសម្តេចព្រះបរមនាថនរោត្តម សីហមុនី នឹងយាងបើកកិច្ចប្រជុំសភាជាលើកដំបូងក្រោយពីការបោះឆ្នោតកាលពីខែ កក្កដា។

វាគឺជាកិច្ចប្រជុំដ៏មានសារៈសំខាន់បំផុតដើម្បីផ្តល់សុពលភាពដល់ រដ្ឋសភាថ្មីនិងដើម្បីអាចឈានទៅបង្កើតរដ្ឋាភិបាលថ្មី។

ក៏ប៉ុន្តែរហូតមកទល់ថ្ងៃព្រហស្បតិ៍នេះមានតែគណបក្សប្រជាជនកម្ពុជា ទេដែលប្រកាសថាខ្លួននឹងចូលរួមកិច្ចប្រជុំនោះ។ រីឯគណបក្សសង្គ្រោះជាតិនៅតែប្រកាន់ជំហរមិនចូលប្រជុំដោយសារមូល ហេតុថាការដោះស្រាយភាពមិនប្រក្រតីនៃការបោះឆ្នោតនិងយុត្តិធម៌ សម្រាប់ម្ចាស់ឆ្នោតមិនទាន់ត្រូវបានដោះស្រាយ។

បើគេពិនិត្យទៅឃើញថាកត្តាទាំងពីរគឺជាបញ្ហាស្នូលដែលនឹងនាំឲ្យ មានវិបត្តិសម្រាប់កិច្ចប្រជុំសភាដំបូងនិងវិបត្តិបង្កើតឲ្យមាន ភាពជាប់គាំងនយោបាយ។

ផ្ទុយទៅវិញអ្នកវិភាគនយោបាយកម្ពុជានៅតែមានសង្ឃឹមថាគណបក្សទាំង ពីរអាចនឹងឈានដល់ចំណុចត្រូវរ៉ូវគ្នាយ៉ាងសុខដុមនៅមុនពេលកិច្ច ប្រជុំសភាបើកឆាកនេះប្រសិនបើគណបក្សទាំងពីរសុខចិត្តចាញ់រៀង ខ្លួន។ ហើយដំណាលគ្នានោះគណបក្សទាំងពីរសុខចិត្តទទួលយកបរាជ័យនិងក៏ដូច ជាជ័យជំនះ«ជានិមិត្តរូប»។

បើគេក្រឡេកមើលស្ថានភាពនយោបាយសព្វថ្ងៃគឺគណបក្សជំទាស់ជាអ្នកដាក់ សន្លឹកបៀរនៅលើតុសម្រាប់លេង។ពោលគឺគណបក្សនេះដែលទទួលបានការគាំ ទ្រពីកម្លាំងមហាជនដែលគេមិនបានស្មានទុកកាលពីពេលមុន បានអះអាងថាខ្លួននឹងទាមទារយុត្តិធម៌សម្រាប់អ្នកបោះឆ្នោតទាល់តែ បានក្រោយពីបានលើកពីភាពមិនប្រក្រតីនិងការកេងបន្លំសន្លឹកឆ្នោត និងឈ្មោះអ្នកបោះឆ្នោតដែលអាចនាំឲ្យលទ្ធផលបោះឆ្នោតមានការ ប្រួលប្រែ។

បើតាមគណបក្សសង្គ្រោះជាតិយុត្តិធម៌សម្រាប់ប្រជាពលរដ្ឋម្ចាស់ឆ្នោត នោះគឺការរកឃើញការពិតនៃការចោទប្រកាន់ពីភាពមិនប្រក្រតី ការរាប់សន្លឹកឆ្នោតឡើងវិញនិងបោះឆ្នោតឡើងវិញនៅតំបន់មួយចំនួន ហើយដើម្បីរកឃើញការពិតលុះណាតែបង្កើតគណៈកម្មការពិសេសនិងឯករាជ្យ មួយដើម្បីដោះស្រាយបញ្ហានេះ។ ប៉ុន្តែត្រង់ចំណុចនេះគណបក្សប្រជាជនកម្ពុជាបានបង្ហាញជំហររបស់ ខ្លួនយ៉ាងរត់មាត់ថាមិនអាចធ្វើទៅរួចទេ។

ដូច្នេះក្រុមអ្នកវិភាគកម្ពុជាមើលឃើញថាបើសិនជាគណបក្សប្រជាជន ដើរថយក្រោយមួយជំហានក្នុងបៀរមួយវង់នេះដោយយល់ព្រមឲ្យមានការ ស្រាវជ្រាវរកការពិត។ ហើយគណបក្សនេះត្រូវតែហ៊ានទទួលស្គាល់ការពិតដែលបានរកឃើញបែបណា នោះនៃជុំវិញការចោទប្រកាន់នៃភាពមិនប្រក្រតី។

ដំណាលគ្នានេះគណបក្សសង្គ្រោះជាតិនឹងថយក្រោយមួយជំហានដែរគឺប្រសិន បើមានការរកឃើញការពិតយ៉ាងណាគណបក្សនេះនឹងមិនសើរើចំនួនអាសនៈ ដែលប្រកាសជាផ្លូវការរួចទៅហើយគឺគណបក្សប្រជាជនកម្ពុជា៦៨អាសនៈនិង គណបក្សសង្គ្រោះជាតិ៥៥អាសនៈ។

ផ្អែកលើមូលដ្ឋានបែបនេះលោកបណ្ឌិតឡៅ ម៉ុងហៃ អ្នកវិភាគឯករាជ្យជឿថាកិច្ចព្រមព្រាងនយោបាយអាចនឹងធ្វើឡើងនៅ នាទីចុងក្រោយមុននឹងកិច្ចប្រជុំសភាថ្ងៃដំបូងនៅថ្ងៃទី២៣ខែកញ្ញា នោះ។

«យើងមិនបាច់រុះរើក៏បានស៊ីសងនឹងព្រមព្រៀងគ្នាទេ។ប៉ុន្តែត្រូវ តែទទួលស្គាល់ភាពមិនប្រក្រតីហើយពិនិត្យមើលភាពមិនប្រក្រតីក្នុង ចំណោមសកម្មភាពកែទម្រង់គ.ជ.ប។មិនបាច់ស៊ើបអង្កេតមើលលទ្ធផលអ្វី ផ្ទៀងផ្ទាត់អ្វីទេ។ព្រមព្រៀងគ្នាតែប៉ុណ្ណេះទៅហើយចូលក្នុងសភា និងពិនិត្យមើលដូចបានព្រមព្រៀងគ្នាទៅ។រួចគេអាចបំភ្លេចចោលពី រឿងលទ្ធផលហ្នឹងគឺទទួលឬមិនទទួលយកទៅ»។

សម្រាប់លោកឡៅ ម៉ុងហៃ ការទទួលស្គាល់របស់គណបក្សប្រជាជនកម្ពុជាឬការរកឃើញថាមានភាពមិន ប្រក្រតីក្នុងការបោះឆ្នោតនោះគឺជាការរកឃើញការពិតនិងយុត្តិធម៌ជូន ម្ចាស់ឆ្នោតរបស់គណបក្សសង្គ្រោះជាតិរួចជាស្រេចទៅហើយ។

ដោយឡែកសម្រាប់លោកបណ្ឌិតហង្ស ពុទ្ធា នាយកប្រតិបត្តិនៃគណៈកម្មាធិការអព្យាក្រិត្យនិងយុត្តិធម៌ដើម្បីការ បោះឆ្នោតដោយសេរីនិងត្រឹមត្រូវនៅកម្ពុជាហៅកាត់ថានិកហ្វិកការ ធ្វើបែបនេះគឺជាការផ្តល់សម្បទានឲ្យគ្នាទៅវិញទៅមករវាងគណបក្ស ជាប់ឆ្នោតទាំងពីរ។

«បើសិនជាមានការពិតមួយនោះប្រជាពលរដ្ឋនឹងដឹងថាគណបក្សណាបែបណា។ ហើយប្រជាពលរដ្ឋនឹងមានការស្ងប់ចិត្ត»។

បើក្រឡេកមួយភ្លែតយន្តការនេះហាក់ដូចជាសាមញ្ញនិងងាយស្រួលសម្រាប់ គណបក្សសង្គ្រោះជាតិដើម្បីទទួលយកពីព្រោះថាវាហាក់ដូចជាការទាមទារ របស់ខ្លួនបានជោគជ័យគឺប្រៀបដូចជាជោគជ័យជានិមិត្តរូប។ជោគជ័យជា និមិត្តរូបព្រោះថាប្រសិនបើរកឃើញការពិតដូចជាការចោទប្រកាន់មែនហើយ ក៏គណបក្សជំទាស់មិនអាចកែប្រែចំនួនអាសនៈដែលប្រកាសជាផ្លូវការដោយ គណៈកម្មាធិការជាតិរៀបចំការបោះឆ្នោតបានដែរ។ជោគជ័យដោយសារគណបក្ស ប្រជាជនកម្ពុជាទទួលស្គាល់ថាមានបញ្ហាដូចការចោទប្រកាន់មែន។

តែនោះគ្រាន់តែជាជ្រុងម្ខាងតែប៉ុណ្ណោះ។ រីឯជ្រុងម្ខាងទៀតនោះតើគណបក្សប្រជាជនកម្ពុជានឹងសុខចិត្តដកជើង របស់ខ្លួនមួយចំហៀងដាក់មកខាងក្រោយបានដែរឬទេនៅពេលដែលគណបក្ស កាន់អំណាចដ៏រឹងមាំមួយនេះត្រូវបំពេញមុខមាត់ដោយនីតិវិធីរបស់ គណៈកម្មាធិការជាតិរៀបចំការបោះឆ្នោតនិងក្រុមប្រឹក្សាធម្មនុញ្ញតាម រយៈការបញ្ចប់រាល់បណ្តឹងនានានិងប្រកាសលទ្ធផលបោះឆ្នោតជាផ្លូវការ រួចទៅហើយនោះ?

នោះគឺជាការលំបាកមួយសម្រាប់គណបក្សប្រជាជនកម្ពុជា។ដោយសារទីមួយការ ទទួលស្គាល់ការរកឃើញភាពមិនប្រក្រតីនឹងបង្អាប់មុខគណៈកម្មាធិការ ជាតិរៀបចំការបោះឆ្នោតនិងក្រុមប្រឹក្សាធម្មនុញ្ញដែលបានសម្រេចថា ការបោះឆ្នោតជ្រើសតាំងតំណាងរាស្ដ្រកាលពីថ្ងៃទី២៨ខែកក្កដា«ត្រឹម ត្រូវ»និងមិនមានភាពមិនប្រក្រតីដែលធ្វើឲ្យប៉ះពាល់ដល់សំឡេងឆ្នោត។

ទី២ បើគណបក្សប្រជាជនកម្ពុជាទទួលយកការរកឃើញថាមានភាពមិនប្រក្រតីជាយ ថាហេតុបែបណានោះគឺមានន័យថាគណបក្សនេះចុះចាញ់គណបក្សជំទាស់ជា លក្ខណៈនិមិត្តរូប។

បើទោះជាគណបក្សជំទាស់ទុកមុខទុកមាត់ឲ្យដោយមិនសើរើលើចំនួនអាសនៈ ក្រោយពីបានរកឃើញភាពមិនប្រក្រតីក៏ដោយក៏គណបក្សប្រជាជននឹងទទួល រងនូវការរិះគន់ថាជ័យជម្នះពីការបោះឆ្នោតរបស់ខ្លួនបានដោយសារ ការអនុគ្រោះឬសម្បទានរបស់គណបក្សសង្គ្រោះជាតិហើយវាក៏ជាផលវិបាក ផ្នែកកិត្តិយសក្នុងការកាន់កាប់អំណាចរដ្ឋាភិបាលផងដែរពីព្រោះថា ជ័យជម្នះរបស់ខ្លួនប្រៀបដូចជាជ័យជម្នះមិនពេញមុខពេញមាត់កើតចេញ ពីការបោះឆ្នោត។

ថ្វីបើក្រុមអ្នកវិភាគបានទាញការចាប់អារម្មណ៍ដើម្បីទម្លាយវិបត្តិ មុនកិច្ចប្រជុំសភាលើកដំបូងក៏រហូតមកទល់នឹងថ្ងៃព្រហស្បតិ៍នេះ គណបក្សជាប់ឆ្នោតទាំងពីរបានកាត់ផ្តាច់ពីការចរចាគ្នាបន្ទាប់ពី បានចរចាទល់មុខគ្នាដោយមេដឹកនាំកំពូលបានចំនួនពីរថ្ងៃក្នុង សប្តាហ៍នេះហើយបានព្រមព្រាងគ្នាជាគោលការណ៍លើការកែទម្រង់ គណៈកម្មាធិការជាតិរៀបចំការបោះឆ្នោត។កិច្ចព្រមព្រាងនេះចង់ឬមិន ចង់វាមានន័យរួចជាស្រេចថាគណបក្សទាំងពីរយល់ស្របគ្នាថាគ.ជ.ប មានបញ្ហា។

លោកសម រង្ស៊ី ប្រធានគណបក្សសង្គ្រោះជាតិបានសរសេរក្នុងទំព័រហ្វេសប៊ុករបស់ខ្លួន នៅថ្ងៃនេះថា គណបក្សរបស់លោកនឹងមិនចូលរដ្ឋាភិបាលឬរដ្ឋសភាទេដរាបណា«ក្តី សង្ឃឹមរបស់ប្រជាពលរដ្ឋមិនត្រូវបានធានាថាក្លាយជាការពិតនោះទេ»។

លោកឈាង វុន សមាជិកតំណាងរាស្ដ្រជាប់ឆ្នោតរបស់គណបក្សប្រជាជនបញ្ជាក់ជំហរគណបក្ស របស់លោកថានឹងបើកកិច្ចប្រជុំសភាបើទោះជាគណបក្សជំទាស់មិនព្រម ចូលរួមកិច្ចប្រជុំនោះក៏ដោយ។

ឈរលើជំហរផ្ទុយគ្នានេះគេអាចជឿបានថាគណបក្សសង្គ្រោះជាតិនឹងបន្ត លេងសន្លឹកបៀរក្នុងដៃរបស់ខ្លួនតទៅទៀតហើយអាចត្រៀមខ្លួនឱបដៃឈរ មើលគណបក្សប្រជាជនកម្ពុជាដឹកនាំរដ្ឋាភិបាលមួយដែលមិនពេញមុខមាត់ ទាំងផ្ទៃក្នុងទាំងក្នុងក្របខណ្ឌអន្តរជាតិ។ហើយដោយសារសន្លឹកបៀរ នៅក្នុងដៃគណបក្សជំទាស់គេពិបាកនឹងជឿថាគណបក្សនេះសុខចិត្តចូល ប្រជុំសភានៅថ្ងៃទី២៣ខែកញ្ញានេះបើសិនជាមិនមានការត្រូវរ៉ូវ គ្នាណាមួយជាមុននោះទេ។

ជាមួយគ្នានេះគេក៏អាចមើលឃើញជំហរដាច់ខាតរបស់គណបក្សប្រជាជន កម្ពុជាដែរដោយមិនខ្លាចសន្លឹកបៀររបស់គណបក្សជំទាស់នោះទេ។

ប៉ុន្តែអ្វីដែលគេគួរគិតនោះគឺថាគណបក្សប្រជាជនកម្ពុជានិងលោកនាយក រដ្ឋមន្ត្រីហ៊ុន សែន នឹងបង្ហាញជំហរកាន់តែតឹងតែងក្រោយពីកិច្ចប្រជុំលើកដំបូងនៃរដ្ឋ សភាដែលគ្មានវត្តមានតំណាងរាស្ដ្រខាងគណបក្សជំទាស់ទាំង៥៥រូប។ ហើយនោះអាចជាវិធីគាបសង្កត់ផ្នែកនយោបាយ៕

ព្រះសង្ឃជាង១០០អង្គទូលសុំព្រះមហាក្សត្រឲ្យពន្យាពេលការកោះប្រជុំសភាលើកដំបូង

ព្រះ សង្ឃជាង១០០អង្គនៅល្ងាចថ្ងៃព្រហស្បតិ៍ ទី១៩ ខែកញ្ញានេះ បានព្យាយាមយកញ្ញត្តិមួយទៅថ្វាយព្រះមហាក្សត្រព្រះបាទ នរោត្តម សីហមុនី ដើម្បីទូលសុំព្រះអង្គឲ្យពន្យាពេលការបើកប្រជុំសភាដំបូងក្នុង និតិកាលទី៥នេះ តែត្រូវប៉ូលិសប្រដាប់ដោយអាវុធរារាំងមិនឲ្យនិមន្តចូលដល់ព្រះបរម រាជវាំងទេ។

19 កញ្ញា 2013
ឃួន ធារ៉ា
RFA

ភ្នំពេញ៖ ព្រះសង្ឃជាង១០០អង្គនៅល្ងាចថ្ងៃព្រហស្បតិ៍នេះ បានព្យាយាមយកញ្ញត្តិមួយទៅថ្វាយព្រះមហាក្សត្រព្រះបាទនរោត្តម សីហមុនីដើម្បីទូលសុំព្រះអង្គឲ្យពន្យាពេលការបើកប្រជុំសភាដំបូង ក្នុងនិតិកាលទី៥នេះ។

សំណើនេះធ្វើឡើងមួយថ្ងៃប៉ុណ្ណោះក្រោយពីព្រះមហាក្សត្រព្រះបាទ នរោត្តម សីហមុនី ចេញព្រះរាជសារមួយកោះអញ្ជើញសមាជិកសភាទាំង៥៥រូបរបស់គណបក្ស សង្គ្រោះជាតិឲ្យចូលប្រជុំសភាលើកដំបូង។

ប៉ុន្តែក្រុមសមត្ថកិច្ចកងប្រដាប់អាវុធប្រដាប់ដោយខែលនិងដំបងជា ច្រើននាក់បានរារាំងព្រះសង្ឃទាំងនោះមិនឲ្យនិមន្តចូលដល់ព្រះបរម រាជវាំង។

ដោយមិនអាចនិមន្តចូលទៅថ្វាយញ្ញត្តិជូនព្រះមហាក្សត្រព្រះបាទ នរោត្តម សីហមុនីក្នុងព្រះបរមរាជវាំងបាន ព្រះសង្ឃដែលនិមន្តមកពីទីអារ៉ាមនានាក្នុងរាជធានីភ្នំពេញបានគង់ តាំងសមាធិនិងសូត្រធម៌នៅខាងមុខរនាំងនៅជាប់មហោស្រពចតុមុខ ខាងត្បូងឈាងខាងកើតព្រះមរមរាជវាំង។

Cambodia's Hun Sen, Sam Rainsy 'Narrow Differences' in Election Stalemate

Prime Minister Hun Sen (r) and opposition leader Sam Rainsy (l) shake hands after talks at the National Assembly in Phnom Penh, Sept. 17, 2013. AFP
2013-09-17
RFA

Cambodia’s ruling and opposition parties are “narrowing their differences” in talks aimed at ending a standoff over recent elections, officials said Tuesday, as protesters ended three straight days of mass demonstrations against poll results.

Officials gave few details about the three-hour closed-door meeting between Prime Minister Hun Sen’s Cambodian People’s Party (CPP) and opposition leader Sam Rainsy’s Cambodia National Rescue Party (CNRP), saying the talks would resume after each party had more time to discuss issues internally.

Both the leaders led their parties in the discussions, which were the third in four days and were initiated by King Norodom Sihamoni after the CNRP refused to accept official results declaring the CPP victor in the hotly-contested July 28 polls and threatened to boycott parliament.

Sam Rainsy told RFA’s Khmer Service after the talks that his CNRP was seeking a “balance of power” to check any abuses by the CPP and initiate institutional and other reforms in the administration.

He maintained that CNRP has been robbed of victory in the elections, citing fraud and other malpractices which he said should be investigated by an independent investigation committee.

Stances 'getting closer'

CPP spokesman Prak Sakhon told reporters that Hun Sen and Sam Rainsy “have a mutual understanding of each other” although their parties have not yet reached “100 percent agreement” on a deal that would end the stalemate.

“But the parties’ stances are getting closer and we hope to have a solution soon,” he said after the meeting in the National Assembly building in Phnom Penh.

CNRP spokesman Yim Sovann said the meeting had ended after the CPP team balked at CNRP demands, but did not give details of the requests.

“We are working to resolve our differences and the gap is narrowing,” he said.

'Balance of power'

CNRP party leaders said they were seeking ways to share power with the CPP but were not considering forming a coalition government with them.

“We must demand a balance of power,” Sam Rainsy told RFA in an interview Tuesday.

“The CNRP must have a role and the ability to prevent any abuses against the people. We won’t allow the CPP to do anything arbitrarily,” he said.

The two parties reached an agreement on Monday to pursue reforms—including of the National Election Committee (NEC), which manages the country’s polls—and avoid violence.

But they hit a stumbling block on Tuesday in deciding the specific areas where reform should be carried out, Sam Rainsy said.

“We have discussed reforms, but we want to know where we should reform…. This is what we can’t agree upon.”

“The CPP and CNRP have agreed that we must reform to improve our country, and we must reform national institutions and development strategies.”

Voters' will

He said the CNRP, which according to official results garnered 55 seats in parliament compared to the CPP’s 68, should play an important role in charting the country’s course in accordance with voters’ wishes.

Opposition demonstrators rally in Phnom Penh, Sept. 17, 2013. Photo credit: RFA.

“We must respect the voters’ will,” Sam Rainsy said. The CNRP’s performance was the best by the opposition in nearly two decades, denying Hun Sen’s party a two-thirds majority.

“The most important thing is that we are working for our country to have peace, but peace must come with justice,” Sam Rainsy said.

The CNRP, which says it should have won 63 of the country’s 123 parliamentary seats, has led weeks of mass demonstrations to back its calls for an independent probe on “widespread” election irregularities.

No coalition government

CNRP deputy chief Kem Sokha said the time had come for action to check the powers of the CPP, which has led the country for nearly three decades.

“When we have a balance of power, the process will be smooth,” he told RFA.

The CNRP was not considering forming a coalition government with the CPP, as the now-defunct Funcinpec royalist party had following a close election in 1993, he said.

“The CPP has never discussed forming a coalition government with us,” Kem Sokha said. “We have talked only about reform.”

Demonstration

The talks between the two parties came as some 10,000 protesters turned out for a rally in Phnom Penh in the wake of violence that had marred a demonstration over the weekend.

During Tuesday’s protest, a Buddhist monk tried to set himself on fire to protest injustices in the election.

The monk, who said he wanted to die to remind the government of social injustices, was stopped by the surrounding crowd after he had doused himself with gasoline.

Tuesday was the last of three tense days of CNRP-led rallies including one on Sunday that saw one protester shot dead and several wounded in a clash with police near the Kbal Thanal bridge.

In another incident near the Royal Palace on Sunday, police used tear gas and water cannons to disperse protesters who had removed barbed wire barricades.

New York-based Human Rights Watch urged the Cambodian government to promptly launch an “independent and impartial” investigation into the “apparent excessive use of force” by security forces in the violence.

“The Cambodian government sought to limit the opposition demonstration with barricades controlling movement into and out of Phnom Penh,” the group’s Asia director Brad Adams said.

“A peaceful day of protest turned ugly when the Cambodian security forces used excessive force against protesters,” he said.

Reported by Huot Vuthy for RFA’s Khmer Service. Translated by Samean Yun. Written in English by Rachel Vandenbrink.

Authors' Unaccountability

On behalf of Khmer youth, youth of Cambodia, all kinds of ways we have to do something to serve our society by peaceful methods as much as we can. Cambodians are still crying for real democracy--both they need food to eat and they can't live without democracy.

Blogging is a first step and possible way which we can start our purpose from now. Actually, we have developed this blog in order to share any information related to Cambodia is to aim at republishing some articles, pictures, video-clips and other things to the world.

Contrarily, we all are not responsible for the accuracy, compliance, copyright, legality, decency, or any other aspect of the content of any page in this blog. If you have any legal issues please contact appropriate media file owners, hosters or authors because all articles, pictures, video-clips here taken from the various sites on internet, magazine, newspaper, bloggers, website, youtube.com and other media.

We will remove anything "text, pictures, or video-clips" whatever relevant with you immediately, if you don't like your pictures or clips to be online on our blog, please email our team at lgm838@gmail.com.

Pages

Friday, September 27, 2013

Friday, September 20, 2013