ការប្រមូលស្នាមមេដៃពលរដ្ឋរបស់គណបក្សសង្គ្រោះជាតិ (រូបថត តាំង វីដា)
ដោយ៖ អ៊ឹង ប៊ុនថន
VOD
មេដឹកនាំគណបក្សសង្គ្រោះជាតិ
កំពុងធ្វើយុទ្ធនាការទាំងក្នុងនិងក្រៅប្រទេស
នៅដំណាក់កាលចុងក្រោយនេះ
មុននឹងដាក់ញត្តិដែលមានស្នាមមេដៃប្រជាពលរដ្ឋប្រមាណ៣លាននាក់
នៅថ្ងៃទី២៣ខែតុលា
ជាថ្ងៃរំលឹកខួបនៃកិច្ចព្រមព្រៀងទីក្រុងប៉ារីសនោះ
ដើម្បីស្វែងរកយុត្តិធម៌ជូនម្ចាស់ឆ្នោត។
ខ្លឹមសារនៃច្បាប់រដ្ឋធម្មនុញ្ញកម្ពុជា
បានចែងថា កម្ពុជាជាប្រទេសប្រកាន់របបលទ្ធិប្រជាធិបតេយ្យសេរី
ពហុបក្ស។ ច្បាប់កំពូលនេះ
ត្រូវបានអនុម័តឡើងដោយយោងតាមស្មារតីនៃកិច្ចព្រមព្រៀងសន្តិភាព
ទីក្រុងប៉ារីស។
ផ្អែកលើស្មារតីនៃថ្ងៃ២៣តុលាឆ្នាំ
១៩៩១ ប្រធានគណបក្សសង្គ្រោះជាតិ លោក សម រង្ស៊ី
និងមន្ត្រីជាន់ខ្ពស់មួយចំនួនទៀត
កំពុងធ្វើយុទ្ធនាការស្វែងរកការគាំទ្រពីសហគមន៍អន្តរជាតិ
ឲ្យដាក់សម្ពាធលើមេដឹកនាំរាជរដ្ឋាភិបាលកម្ពុជា។
ជារដ្ឋាភិបាលថ្មីមួយដែលគណបក្សសង្គ្រោះជាតិ ហៅថា
បង្កើតឡើងដោយផ្ទុយនឹងរដ្ឋធម្មនុញ្ញកម្ពុជា
និងប្រាស់ចាកពីស្មារតីនៃកិច្ចព្រមព្រៀងសន្តិភាពទីក្រុងប៉ារីស
នោះ។
ចំណែកអនុប្រធានគណបក្សសង្គ្រោះជាតិ លោក
កឹម សុខា និងសមាជិកគណបក្សមួយចំនួនទៀត
កំពុងស្វែងរកការគាំទ្រជាស្នាមមេដៃពីប្រជាពលរដ្ឋខ្មែរឲ្យបាន
យ៉ាងតិច៣លាននាក់ ដាក់ជូនអង្គការសហប្រជាជាតិនៅថ្ងៃទី២៣ខែតុលា។
គោលបំណងគឺជំរុញរាជរដ្ឋាភិបាលកម្ពុជាផ្តល់យុត្តិធម៌ជូនម្ចាស់
ឆ្នោត។
តើយុទ្ធនាការរបស់គណបក្សសង្គ្រោះជាតិដែលមានអ្នកគាំទ្រជិត៣លាននាក់ នឹងមានឥទ្ធិពលកម្រិតណា?
អ្នកវិភាគឯករាជ្យ លោកបណ្ឌិត ឡៅ
ម៉ុងហៃ មានប្រសាសន៍ថា បើការស្វែងរកការគាទ្រ
ពីអន្តរជាតិឲ្យដាក់សម្ពាធលើរដ្ឋាភិបាលកម្ពុជារឿងបោះឆ្នោតមិន
ប្រក្រតីនោះ
ប្រទេសជាហត្ថលេខីនៃកិច្ចព្រមព្រៀងក្រុងប៉ារីសគេនឹងយកចិត្តទុកដាក់ ៖
"ហើយសំខាន់បំផុតនោះ កិច្ចព្រមព្រៀងទីក្រុងប៉ារីស
ដែលគេចងហើយចងទៀត ហើយមកទល់ឥឡូវនេះ
មានអ្នករាយការណ៍ពិសេសរបស់អង្គការសហប្រជាជាតិ
ស្តីពីស្ថានភាពសិទ្ធិមនុស្សនៅប្រទេសកម្ពុជា
ហើយនិងការិយាល័យរបស់ឧត្តមស្នងការសិទ្ធិមនុស្សរបស់អង្គការសហប្រ
ជាជាតិ អាហ្នឹងគឺនៅប្រទេសកម្ពុជា ។អាហ្នឹងវាជាប់ទាក់ទង
មានមូលដ្ឋាននៅក្នុងកិច្ចព្រមព្រៀងទីក្រុងប៉ារីសហ្នឹងម៉ង
ហើយវាសំខាន់ ព្រោះអីនៅក្នុងកិច្ចព្រមព្រៀងទីក្រុងប៉ារីស
គេថាម៉េច
ដោយសារតែប្រវត្តិសាស្ត្ររបស់ខ្មែរហ្នឹងមានការរំលោភសិទ្ធិ
ធ្ងន់ធ្ងរហ្នឹង
គេឲ្យមានវិធានការពិសេសដើម្បីការពារសិទ្ធិមនុស្សនៅប្រទេសកម្ពុជា
ហ្នឹង ព្រោះអាហ្នឹងវាអត់ចប់ទេ យន្តការការពារ
ហើយនិងកាតព្វកិច្ចរបស់ប្រទេសកម្ពុជា
ធានាការពារសិទិ្ធមនុស្សនៅកម្ពុជា
ភាពមិនប្រក្រតីក្នុងការបោះឆ្នោតហ្នឹង
វាប៉ះពាល់ទៅដល់សិទ្ធិរបស់ប្រជាពលរដ្ឋខ្មែរ គិតមើលទៅ
វាខ្ទង់បីលាននាក់ដែរ"។
ប៉ុន្តែលោក ឡៅ ម៉ុងហៃ អះអាងថា
បើពឹងអន្តរជាតិឲ្យដាក់សម្ពាធលើរដ្ឋាភិបាលកម្ពុជា
រឿងបង្កើតសភាដែលគណបក្សសង្គ្រោះជាតិ ហៅថាឯកបក្សនោះ
នឹងមិនមានប្រសិទ្ធិភាពទេ ៖ "អត់មានរឿងឯកបក្ស
រឿងសភាឯកបក្សទេ ប្រព័ន្ធហ្នឹងឥឡូវហ្នឹង
វាមាននៅព្រឹទ្ធសភាមិនពហុបក្ស
ក្រុមប្រឹក្សាឃុំសង្កាត់នេះមិនពហុបក្ស
ការបោះឆ្នោតថ្មីៗនេះមិនពហុបក្ស វាទាស់គ្នាត្រង់តែថា
រឿងភាពមិនប្រក្រតីក្នុងការបោះឆ្នោតតាដែលដោះស្រាយមិនបាន
យល់ថាអាហ្នឹងវាឯកបក្ស ប្រទេសឯកបក្សខុសបាត់"។
សម្រាប់ លោកមេធាវី សុក សំអឿន បកស្រាយខុសពីលោក បណ្ឌិត ឡៅ ម៉ុងហៃបន្តិច ៖
"ព្រោះជួនកាលឧបមាថាឥឡូវមានពីរបីបក្សអញ្ចឹងមែន
ប៉ុន្តែវិធីនៃការបញ្ចេញសំឡេងនៅក្នុងសភា
បើសិនជាយើងទុកថារបៀបរបបដូចបច្ចុប្បន្ន គណបក្សដែលមានសំឡេង
ទៅជាបិទមិនអាចបង្កើតមួយក្រុមបានអញ្ចឹង ហើយគណបក្សទីពីរ
អត់មានសំឡេងសោះ គ្មានការចាប់អារម្មណ៍សោះ
គ្មានការយកចិត្តទុកដាក់ពីមតិភាគច្រើន ហើយម៉្យាងទៅទៀត
យោងទៅតាមរដ្ឋធម្មនុញ្ញ កែទាំងប៉ុន្មានហ្នឹង មើលឃើញទៅ
ក្នុងទម្រង់នៃការដឹកនាំប្រទេសមានសំឡេងតែមួយដដែលហ្នឹង
មានគណបក្សដដែល ដូច្នេះចំណុចទាំងអស់នេះត្រូវគិតគូរដែរ
ពីព្រោះកន្លងមក កាលពីមុនដែលមិនទាន់កែរដ្ឋធម្មនុញ្ញ ទោះបីជាសំឡេង
៥០បូក១ ក៏ប៉ុន្តែវាត្រូវការការប្រជុំមួយភាគបី"។
ការបរាជ័យ
ហើយអូសបន្លាយនៃការចរចារកដំណោះស្រាយរវាងមេដឹកនាំគណបក្សឈ្នះឆ្នោត
ទាំងពីរកន្លង បានធ្វើឲ្យម្ចាស់ឆ្នោតមួយចំនួនខកចិត្ត។
ទោះជាយ៉ាងណា លោក សុក សំអឿន គិតថា
បើគណបក្សសង្គ្រោះជាតិប្រមូលស្នាមមេដៃពីប្រជាពលរដ្ឋបានគ្រប់ចំនួន
នៃការរំពឹងទុកមែន នោះ
ប្រាកដជាមានឥទ្ធិពលលើការសម្រេចចិត្តរបស់រដ្ឋាភិបាល
និងធ្វើឲ្យសហគមន៍អន្តរជាតិចាប់អារម្មណ៍។ លោកបញ្ជាក់ថា
បើទោះជាពួកគេមិនមានដំណោះស្រាយនៅអាណត្តិនេះក៏ដោយតែជាភស្តុតាង
សំខាន់ទៅការបោះឆ្នោតក្រោយៗទៀត ៖
"អ្វីដែលការទាមទាររបស់គណបក្សសង្គ្រោះជាតិ កាលពីលើកមុន
ពីរឿងសុំឲ្យពិនិត្យមើលវិវាទ
ឬក៏ស៊ើបអង្កេតភាពប្រក្រតីនៃការបោះឆ្នោតហ្នឹង
វារឹតជាការពិត ព្រោះហេតុអី ព្រោះបើសិនជាគាត់គាំទ្របាន
ដូចអ្វីដែលគាត់គិតមែន អាហ្នឹងមានន័យថា
វាអាចជាកម្លាំងទម្ងន់ទៅលើអ្វីដែលទាមទារពីមុនមក
ហើយក្នុងករណីបែបហ្នឹងវាអាចប៉ះពាល់ទៅដល់និត្យានុកូលភាពរបស់
រាជរដ្ឋាភិបាល ហេតុដូច្នេះក្នុងករណីបែបនេះ
វាជៀសមិនផុតពីការចរចាដោះស្រាយផ្លូវនយោបាយទេ"។
ប្រទេសជាហត្ថលេខីនៃកិច្ចព្រមព្រៀង
សន្តិភាពក្រុងប៉ារីសដូចជា សហរដ្ឋអាមេរិក និង
ប្រទេសប្រជាធិបតេយ្យគំរូផ្សេងទៀត
នៅមិនទាន់ទទួលស្គាល់ការបង្កើតរាជរដ្ឋាភិបាលកម្ពុជាអាណត្តិទី៥នេះ
ទេ។
ផ្ទុយទៅវិញពួកគេជំរុញគណបក្សទាំងពីបន្តកាចរចាគ្នាដោយសន្តិវិធី
ដើម្បីផ្តល់យុត្តិធម៌ជូនម្ចាស់ឆ្នោត៕
No comments:
Post a Comment