 |
| ក្រុមប៉ូលិសដែលដាក់ពង្រាយនៅក្រុងបាវិត ខេត្តស្វាយរៀង (រូប៖កោះសន្តិភាព) |
 |
| កម្លាំងប៉ូលិសបញ្ជូនទៅទប់ស្កាត់ការធ្វើកូដកម្មរបស់ក្រុមកម្មករ (រូប៖កោះសន្តិភាព) |
អង្គារ 21 កុម្ភៈ 2012
មាស មុន្នី| សារពត៍មានសេរី
Report from Bavet city in Svay Rieng province indicated that, currently, major roads in the city are surrounded by cops who are preventing angry workers from entering the factory zone after a threat about a large demonstration was issued. Cops were brought in by the truck loads and the city is turned into a frontline between barehanded workers and cops who are armed with guns and electric baton.
តាមសេចក្ដីរាយការណ៏ពីទីក្រុងបាវិត ខេត្តស្វាយរៀងឲ្យដឹងថា ពេល នេះផ្លូវសំខាន់ៗមួយចំនួន ត្រូវបានឡោមព័ទ្ធដោយប៉ូលិស រារាំងមិនឲ្យក្រុមកម្មករដែលមានកំហឹង ចូលទៅកាន់តំបន់រោងចក្របន្ទាប់ពីមានការគម្រាមថា នឹងមានបាតុកម្មធំផ្ទុះនៅថ្ងៃនេះ ។ ប៉ូលិសត្រូវបានគេដឹកតាមឡានធំៗដែលហាក់បាន ប្រែក្លាយតំបន់នេះ ឲ្យទៅជាសមរភូមិជួរមុខមួយរវាងកម្មករខ្មែរដែលមានតែដៃទទេ និងប៉ូលិសជាឈាមដូចគ្នា ដែលប្រដាប់ដោយកាំភ្លើងនិងដំបង ។
កាលពីព្រឹកមិញរដ្ឋមន្ត្រីក្រសួងការងារលោក វង សូត្រ បានជួបប្រជុំជាមួយ ចៅហ្វាយខេត្តស្វាយរៀងលោក ជៀង អំ និង ស្នងការខេត្ត ដើម្បីស្វែងរកវិធីដោះស្រាយ បន្ទាប់ពីមានការបាញ់ស្រោចទៅលើកម្មករកាលពីម្សិលមិញ ដែលបើតាមសេចក្ដីរាយការណ៏របស់សហជីពថា បានធ្វើឲ្យកម្មការរិនីយ៉ាងហោចណាស់៣នាក់ស្លាប់ និង១២នាក់ទៀតរងរបួសធ្ងន់ ប៉ុន្តែយោងតាមសេចក្ដីរាយណ៏របស់ប៉ូលិសថា មានកម្មការរិនីតែ៣នាក់ប៉ុណ្ណោះរងរបួសធ្ងន់។ នាព្រឹកថ្ងៃទី២១កុម្ភះនេះ រដ្ឋមន្ត្រីក្រសួងមហាផ្ទៃលោក ស ខេង បានបញ្ជាដោយផ្ទាល់ ឲ្យមានការចាប់ខ្លួនជនដៃដល់ យកមកផ្ដន្ទាទោស ។
យ៉ាងណាក៏ដោយ បើទោះបីជាមានកម្លាំងប៉ូលីសត្រូវបានគេដាក់ពង្រាយ ប៉ុន្តែ រថយន្តរបស់ក្រុម កម្មករ បានបើកក្រវ៉ែល និងរកទីណាត់ជួប ដើម្បីអនុវត្តន៏ផែនការរបស់ពួកគេ ។ ដែលគេជឿថា បើមានការប៉ះទង្គិចគ្នាកើតឡើង អាចមានទំហំ ធំជាងកាលពីម្សិលមិញ ៕
No comments:
Post a Comment