.jpg){kind=tracking}
ដោយ កញ្ញា បូរមី
Thmey Thmey
ភ្នំពេញ៖ ភ្លាមៗក្រោយ
ការពីការប្រកាសលទ្ធផលបណ្តោះអាសន្ន លោកកឹម សុខា
ប្រធានគណបក្សសិទ្ធិមនុស្សបានអះអាងថា លោកនឹងទូរសព្ទ័ទៅលោកសម
រង្ស៊ីដើម្បីនិយាយឡើងវិញពីសម្ពន្ធ័ភាពពីព្រោះពេលនេះ
គណបក្សសិទ្ធិមនុស្សរបស់លោកបានទទួលសំឡេងគាំទ្រប្រហាក់ប្រហែលគណបក្សសម
រង្ស៊ីដែរ។
នៅក្នុងសន្និសីទកាសែតនៅព្រឹកថ្ងៃចន្ទនេះ លោកកឹម សុខា បានប្រកាសថា
លោកនឹងទូរសព្ទ័ទៅលោកសម
រង្ស៊ីនៅប្រទេសបារាំងដើម្បីនិយាយឡើងវិញអំពីការចងសម្ពន្ធ័ភាព
ជាមួយគ្នា។ ហេតុផលដែលលោកកឹម សុខា លើកឡើងគឺ ពេលនេះ
គណបក្សរបស់លោកបានទទួលសំឡេងគាំទ្រប្រហាក់ប្រហែលគ្នាជាមួយគណបក្សសម
រង្ស៊ីដែរ។ ដូច្នេះ
គណបក្សទាំងពីរអាចនិយាយពីការចងសម្ពន្ធ័ជាមួយគ្នាបាន។ បើយោងតាមលោក
កឹម សុខា កាលពីមុន គណបក្សសម
រង្ស៊ីមើលងាយគណបក្សសិទ្ធិមនុស្សដោយសារតែគណបក្សរបស់លោកមានសំឡេង
តិចជាង តែឥឡូវនេះ គេមិនអាចនិយាយពីបញ្ហានេះទៀតបានទេ។
កាលពីមុនបោះឆ្នោត លោកកឹម សុខាក៏ធ្លាប់បានព្រមានគណបក្សសម
រង្ស៊ីជាស្រេចថា
គណបក្សនេះនឹងវិលមករួមជាមួយគណបក្សសិទ្ធិមនុស្សវិញនៅពេលដែលសំឡេង
របស់ខ្លួនថយចុះ។
លទ្ធផលបោះឆ្នោតពិតជាបង្ហាញដូចការរំពឹងទុករបស់លោកកឹម សុខាមែន។
នេះជាតម្លៃដែលលោកកឹម សុខាត្រូវតថ្លៃជាថ្មីជាមួយលោកសម
រង្ស៊ីក្នុងឋានៈគណបក្សពីរដែលមានមាឌប្រហាក់ប្រហែលគ្នាក្រោយពី
ការបោះឆ្នោតក្រុមប្រឹក្សាឃុំសង្កាត់។
ការបោះឆ្នោតកាលពីថ្ងៃអាទិត្យបង្ហាញថា
គណបក្សសិទ្ធិមនុស្សឈ្នះក្នុងឃុំយ៉ាងហោចណាស់ក៏ចំនួន១៨ដែរខណៈដែល
គណបក្សសម រង្ស៊ីបានថយចុះពី២៨ឃុំកាលពីឆ្នាំ២០០៧
មកនៅត្រឹម២២ឃុំនៅឆ្នាំ២០១២នេះ៕
No comments:
Post a Comment