លោក សម រង្ស៊ី ចាត់​ទុក​លោក ហ៊ុន សែន ជា​មនុស្ស​កំសាក

លោក សម រង្ស៊ី ប្រធាន​គណបក្ស​សង្គ្រោះ​ជាតិ កាល​ពី​ថ្ងៃ​ច័ន្ទ បាន​ដាក់​ឈ្មោះ លោក ហ៊ុន សែន ជា​មនុស្ស​កំសាក ដែល​បាន​រារាំង​លោក​មិន​ឲ្យ​ចូល​រួម​ការ​បោះ​ឆ្នោត​សាកល​នៅ​ថ្ងៃ​ទី​២៨ កក្កដា។

2013-03-11

ដោយ យន់ សាមៀន និង តាំង សារ៉ាដា

Radio Free Asia

លោក សម រង្ស៊ី ជា​គូប្រជែង​អំណាច​សំខាន់​ម្នាក់​របស់​លោក ហ៊ុន សែន កំពុង​រស់​នៅ​និរទេស​ខ្លួន​នៅ​ប្រទេស​បារាំង ពី​ការ​តាម​ចាប់​ខ្លួន​របស់​សមត្ថកិច្ច​កម្ពុជា ក្រោយ​ពេល​តុលាការ​បាន​កាត់​ទោស​លោក​ឲ្យ​ជាប់​ពន្ធនាគារ​រយៈពេល​ប្រមាណ ១២​ឆ្នាំ ពី​បទ​ដក​តម្រុយ​បង្គោល​ព្រំដែន និង​បរិហារកេរ្តិ៍។
ទីភ្នាក់ងារ​ព័ត៌មាន អា.អេហ្វ.ប៉េ (AFP) ដក​ស្រង​សំដី​លោក សម រង្ស៊ី កាល​ពី​ថ្ងៃ​ច័ន្ទ ទី​១១ មីនា ថា លោក​ចាត់​ទុក​លោក ហ៊ុន សែន ជា​មនុស្ស​កំសាក ដោយសារ​តែ​ការ​បោះ​ឆ្នោត​មាន​តែ​មនុស្ស​ពីរ​នាក់​គត់​ជា​គូប្រជែង​អំណាច​នឹង ​គ្នា គឺ​លោក​និង​លោក ហ៊ុន សែន។
លោក សម រង្ស៊ី កំពុង​ស្នាក់នៅ​ទីក្រុង​យ៉ាងហ្គូន (Yangon) ទី​ដែល​លោក​បាន​ជួប​ជាមួយ​មេដឹកនាំ​ប្រជាធិបតេយ្យ អ្នកស្រី អ៊ុង សាន ស៊ូជី (Aung San Suu Kyi)។ លោក សម រង្ស៊ី បាន​ប្រៀបធៀប​ប្រជាធិបតេយ្យ​នៅ​ភូមា​ថា កំពុង​បោះ​ជំហាន​លូត​លាស់​ទៅ​មុខ ប៉ុន្តែ​នៅ​កម្ពុជា​វិញ​កំពុង​ដើរ​ថយ​ក្រោយ។
សូម​ស្ដាប់​បទសម្ភាសន៍​របស់​លោក តាំង សារ៉ាដា ជាមួយ​លោក សម រង្ស៊ី ដែល​បាន​ចូលរួម​សមាជ​របស់​គណបក្ស​សម្ព័ន្ធ​ជាតិ​ដើម្បី​ប្រជាធិបតេយ្យ​នៅ​ ប្រទេស​ភូមា ជា​លើក​ដំបូង​ក្នុង​រយៈពេល​ជាង ២០​ឆ្នាំ ដែល​មាន​សេចក្ដី​ដូច​តទៅ៖ Please click here to listen the interview