ការប៉ះទង្គិចគ្នារវាងប្រជាសហគមន៍ជម្លោះដីធ្លី និងសមត្ថកិច្ច
ប្រជាសហគមន៍
មានជម្លោះដីធ្លីចំនួនបី នៅរាជធានីភ្នំពេញ ចេញមុខតវ៉ា
នៅថ្ងៃចន្ទជាថ្មីម្តងទៀត
ដោយស្នើឲ្យមន្ត្រីអសមត្ថភាពដោះស្រាយបញ្ហាជូនប្រជាពលរដ្ឋ
ចុះចេញពីតំណែង
បន្ទាប់ពីការដាក់ញត្តិទៅស្ថាប័នពាក់ព័ន្ធ
និងគណបក្សប្រជាជនកម្ពុជា មិនមានចំណាត់ការណាមួយ។
សហគមន៍
ទាំងនោះ រួមមានសហគមន៍បឹងកក់ បុរីកីឡា
និងសហគមន៍ថ្មគោល មានគ្នាជិត១០០នាក់ បានព្យាយាមដាក់ញត្តិជូនទៅ
អ្នកតំណាងគណបក្សប្រជាជនកម្ពុជា នៅស្នាក់ការកណ្ដាលគណបក្ស
នៅរាជធានីភ្នំពេញ
ប៉ុន្តែមិនមានអ្នកតំណាងណាម្នាក់ចេញមកទទួលញត្តិឡើយ។
ក្រុមអ្នកតវ៉ា ស្នើឲ្យមន្ត្រីអសមត្ថភាព ចុះចេញពីតំណែង
ខណៈការបោះឆ្នោតថ្នាក់ជាតិខិតជិតមកដល់
និងខណៈជម្លោះដីធ្លីរបស់គេ អូសបន្លាយជាច្រើនឆ្នាំមកហើយ។
តំណាងសហគមន៍
បឹងកក់អ្នកស្រី ទេព វន្នី មានប្រសាសន៍ថា
រាជរដ្ឋាភិបាលក៏ដូចជាអាជ្ញាធរគណបក្សកាន់អំណាច
មិនដោះស្រាយបញ្ហាជូនប្រជាពលរដ្ឋទេ
ថែមទាំងឈ្លានពានយកដីប្រជាពលរដ្ឋជួលឲ្យក្រុមហ៊ុនទៀត។
អ្នកស្រីបន្តថា ដោយសារអសមត្ថភាពដោះស្រាយជូនប្រជាពលរដ្ឋ
មន្ត្រីគណបក្សកាន់អំណាចបានចោទថា
អ្នកមានបញ្ហាដីធ្លីនៅសហគមន៍ទាំងនោះមាននិន្នាការទៅគណបក្ស
ប្រឆាំង ៖ “ពួកខ្ញុំរងគ្រោះប្រហែលជាប្រាំពីរឆ្នាំហើយ
នៅតំបន់បឹងកក់ មិនដែលឃើញគណបក្សប្រជាជន គាត់បំពេញទៅតាមតួនាទី
និងកាព្វកិច្ចរបស់គាត់ ដើម្បីដោះស្រាយជូនប្រជាពលរដ្ឋទាល់តែសោះ
ជាពិសេសទៀត អ្នកដែលធ្វើអោយពួកខ្ញុំរងទុក្ខវេទនា
បណ្តេញពួកខ្ញុំចេញដោយបង្ខំនោះ គឺជាសមាជិកព្រឹទ្ធសភា
របស់គណបក្សប្រជាជនកម្ពុជា ធ្វើអោយពួកខ្ញុំក្លាយជាអ្នកទោស
ជាបន្តបន្ទាប់ ដោយអយុត្តិធម៌ មានការប្រើអំពើហិង្សា រហូតដល់រលូតកូន
រហូតដល់បែកក្បាល ហើយចោទប្រកាន់ទៅជាគណបក្សប្រឆាំង
ទៅជាជ្រុលនិយមអីអញ្ចឹងទៅ សូម្បីតែឯកឧត្តម កែប ជុតិមា
ជាសមាជិកមួយក្នុងគណបក្សប្រជាជនផងដែរ ដែលជាអភិបាលក្រុង
គឺបន្សល់នូវទុក្ខសោកវេទនា ដល់ពួកខ្ញុំច្រើនមែនទែន
ដែលរាប់មិនអស់ទេ”។
តំណាងពលរដ្ឋ
មកពីសហគមន៍បុរីកីឡា អ្នកស្រី ទឹម សាក់មន្នី
បានរិះគន់ទៅមន្ត្រីរាជរដ្ឋាភិបាលមួយចំនួន
ដែលមិនមានសមត្ថភាពដោះស្រាយបញ្ហាជូនពួកគេ
ហើយអ្នកស្រីស្នើឲ្យមន្ត្រីអសមត្ថភាពទាំងនោះ ចុះចេញពីតំណែង ៖ “
ជាមួយក្រុមហ៊ុននោះ យូរឆ្នាំហើយ ជាងដប់ឆ្នាំងហើយ
រហូតដល់ក្រុមហ៊ុនឈូសឆាយកម្ទេចអស់ទៀត អញ្ចឹងសូមឲ្យគណបក្សប្រជាជន
និងសូមឲ្យរាជរដ្ឋាភិបាលជួយឲ្យឆាប់ គឺជួយដាច់ខាត
បើលោកមិនជួយដាច់ខាតទេ ទុកឲ្យគេអ្នកផ្សេងធ្វើទៅ
ព្រោះគេអ្នកផ្សេងមានសមត្ថភាព
សូមអញ្ជើញទុកឲ្យអ្នកផ្សេងធ្វើ”។
ជាមួយគ្នានេះដែរ ពលរដ្ឋតវ៉ាដីធ្លីភាគច្រើនជាស្ត្រី
បានស្លៀកសំពត់ដែលគណបក្សប្រជាជនកម្ពុជាចែកឲ្យដោយស្រែកថា
ពួកគេមិនត្រូវការសំពត់ប៊ីចេងទេ គឺត្រូវការតែដីនិងផ្ទះ។
មន្ត្រី
ស៊ើបអង្កេតជាន់ខ្ពស់អង្គការលីកាដូ លោក អំ សំអាត ដែលបានតាមដានករណីនេះ
មានប្រសាសន៍ថា បញ្ហានេះបានកើតឡើងច្រើនឆ្នាំហើយ
ដោយរាជរដ្ឋាភិបាលមិនព្រមដោះស្រាយឲ្យបានចប់ ហើយការទុកបែបនេះ
នឹងធ្វើឲ្យប៉ះពាល់ដល់មុខមាត់ រាជរដ្ឋាភិបាល ៖ “ខ្ញុំ
គិតថា ដំណោះស្រាយនៃការលាបពណ៌ទៅជាគណបក្សប្រឆាំង
ហើយយើងមិនព្រមដោះស្រាយបញ្ចប់នោះ វាមិនមែនដំណោះស្រាយល្អទេ
ផ្ទុយទៅវិញ អ្វីទាំងអស់នោះគឺត្រូវទទួលបានរិះគន់អំពី មតិជាតិ
និងអន្តរជាតិទៅវិញទេ ”។
បន្ទាប់ពីដាក់
ញត្តិនៅមុខគណបក្សប្រជាជនកម្ពុជា មិនបានទទួលបានលទ្ធផលអ្វី
សហគមន៍ទាំងបីនោះ
បាននាំគ្នាដើរសំដៅទៅកាន់គេហដ្ឋានរបស់លោកនាយករដ្ឋមន្ត្រី
នៅម្ដុំវិមានឯករាជ្យ ប៉ុន្តែត្រូវបានអាជ្ញាធររារាំង។
គោលដៅនៃ
ការដាក់ញ្ញត្តិរបស់សហគមន៍ជម្លោះដីធ្លីទាំងបីនៅព្រឹកនេះ
គឺទាមទារឲ្យមានការទទួលខុសត្រួវករណី ដែលពួកគេរងការបណ្ដេញចេញ
ដោយមានសំណងសមរម្យ និងការដោះលែងសកម្មជនដីធ្លី អ្នកស្រី យ៉ោម
បុប្ផា ដែលកំពុងជាប់ពន្ធនាគារ៕
No comments:
Post a Comment