មេធាវីតំណាងឲ្យជនរងគ្រោះ និងអង្គការសង្គមស៊ីវិល លោក មូរតុន ក្លា (Morton Sklar)។ RFA
2014-03-25 ដោយ យន់ សាមៀន
RFA
តុលាការព្រហ្មទណ្ឌអន្តរជាតិ ដែលមានមូលដ្ឋាននៅប្រទេសហុល្លង់
(Netherlands) កាលពីថ្ងៃច័ន្ទ ទី២៤ មីនា
បានទទួលយកបណ្ដឹងចោទប្រកាន់លោកនាយករដ្ឋមន្ត្រី ហ៊ុន សែន
ពីបទឧក្រិដ្ឋកម្មប្រឆាំងនឹងមនុស្សជាតិ
ដែលត្រូវបានក្រុមជនរងគ្រោះ និងអង្គការសង្គមស៊ីវិល
ប្ដឹងកាលពីសប្ដាហ៍មុនហើយ។ តុលាការនឹងពិចារណា
ថាតើបណ្ដឹងនេះឋិតនៅក្នុងលក្ខន្តិកៈទីក្រុងរ៉ូម (Rome) ឬទេ
មុននឹងចាត់វិធានការបន្ត។
មេធាវីតំណាងឲ្យជនរងគ្រោះ និងអង្គការសង្គមស៊ីវិល លោក មូរតុន ក្លា
(Morton Sklar) មានប្រសាសន៍ថា
នេះជាជំហានជោគជ័យលើកដំបូងរបស់ក្រុមជនរងគ្រោះ
និងអង្គការការពារសិទ្ធិមនុស្ស ក្រោយពេលតុលាការព្រហ្មទណ្ឌអន្តរជាតិ
ទទួលយកពាក្យបណ្ដឹង។ លោកបន្តថា
តុលាការនឹងចាប់ផ្ដើមស៊ើបអង្កេតជាបឋមចំពោះបណ្ដឹងប្រឆាំងលោក ហ៊ុន
សែន ពីបទឧក្រិដ្ឋកម្មប្រឆាំងនឹងមនុស្សជាតិ
និងបទបង្កឧបសគ្គដល់ដំណើរការកាត់ទោសអតីតមេដឹកនាំខ្មែរក្រហម
ថាតើបទចោទទាំងនោះ ឋិតក្រោមយុត្តាធិការតុលាការ
ហើយអាចយកករណីនេះមកជំនុំជម្រះបានដែរឬទេ?
លោកមានជំនឿថា តុលាការនឹងយកពាក្យបណ្ដឹងនេះមកធ្វើការជំនុំជម្រះនៅពេលខាងមុខ៖ «បណ្ដឹង
នេះពិតជាឋិតនៅក្រោមយុត្តាធិការរបស់តុលាការព្រហ្មទណ្ឌអន្តរជាតិ។
អ្វីដែលសំខាន់សម្រាប់ពាក្យបណ្ដឹងរបស់យើងនោះ
គឺយើងគ្រាន់តែត្រូវការបង្ហាញពីករណីសមហេតុសមផលមួយចំនួនថា
បទល្មើសទាំងឡាយនោះ ពិតបានកើតឡើងមែន។
យើងបានបង្ហាញហេតុផលទាំងនោះក្នុងពាក្យបណ្ដឹងចំនួន
៣០ទំព័ររបស់យើង។ ខ្ញុំពិតជាមានជំនឿថា
តុលាការនឹងចាប់ផ្ដើមស៊ើបអង្កេតជាបឋមទៅលើបណ្ដឹងនេះ
ហើយតុលាការនឹងសម្រេចថា តុលាការពិតជាមានយុត្តាធិការលើបណ្ដឹងនេះ»។
កាលពីថ្ងៃពុធ ទី២០ មីនា លោក មូរតុន ក្លា
ដែលជាតំណាងឲ្យក្រុមអង្គការសិទ្ធិមនុស្សជាតិនិងអន្តរជាតិ ចំនួន ៦
និងជនរងគ្រោះ ២១នាក់ បានចោទប្រកាន់លោក ហ៊ុន សែន ពីរចំណុចផ្សេងគ្នា។
ទី១ គឺព្យាយាមផ្អាកដំណើរការសាលាក្ដីខ្មែរក្រហម ចំណែកចំណុចទី២
នៃបណ្ដឹងនេះ
ផ្ដោតលើការរំលោភសិទ្ធិមនុស្សមានលក្ខណៈជាប្រព័ន្ធទូលំទូលាយ
ការសម្លាប់មនុស្ស ការបង្ខំបណ្ដេញពលរដ្ឋចេញពីផ្ទះសម្បែង
និងការរំលោភបំពានផ្លូវភេទលើអ្នកទោសស្ត្រី។
លោក មូរតុន ក្លា បន្តថា
ការទទួលយកពាក្យបណ្ដឹងរបស់តុលាការព្រហ្មទណ្ឌអន្តរជាតិ
អាចបញ្ឈប់លោក ហ៊ុន សែន
មិនឲ្យបន្តរារាំងការស្វែងរកយុត្តិធម៌នៅកម្ពុជា ពីព្រោះលោក ហ៊ុន
សែន គ្មានអំណាចលើតុលាការព្រហ្មទណ្ឌអន្តរជាតិ។
ចំណុចសំខាន់មួយផ្នែកទៀត
គឺសហគមន៍អន្តរជាតិកំពុងផ្ដោតការយកចិត្តទុកដាក់ទៅលើបទ
ឧក្រិដ្ឋកម្មមួយចំនួន ដែលកំពុងកើតឡើងនៅកម្ពុជា
ហើយអាចនឹងចាត់វិធានការប្រឆាំងនឹងបទឧក្រិដ្ឋកម្មទាំងនោះ។
លោកបន្តថា ទោះបីជាលោក ហ៊ុន សែន
បច្ចុប្បន្នជានាយករដ្ឋមន្ត្រីនៃប្រទេសកម្ពុជា ក៏ដោយ
ក៏អភ័យឯកសិទ្ធិរបស់លោកមិនអាចរារាំងលោកមិនឲ្យតុលាការអន្តរជាតិ
កាត់ទោសបានឡើយ។
លោក មូរតុន ក្លា៖ «លោក ហ៊ុន សែន
គួរតែយកចិត្តទុកដាក់លើបណ្ដឹងនេះ លោកគួរតែស្វែងរកមេធាវីម្នាក់
ដើម្បីការពារខ្លួនរបស់លោកនៅតុលាការព្រហ្មទណ្ឌអន្តរជាតិ។
តុលាការកំពុងតែជាប់រវល់នឹងករណីជាច្រើន
តុលាការអាចមិនទាន់ធ្វើការចោទប្រកាន់ប្រឆាំងនឹងលោក ហ៊ុន សែន
នៅឡើយ ប៉ុន្តែបើសិនតុលាការបានដាក់ពាក្យបណ្ដឹងនេះនៅក្នុងបញ្ជី
ដោយចាត់ទុកថា ឋិតក្នុងយុត្តាធិការតុលាការនោះ
គឺយើងបានសម្រេចបំណងនេះហើយ»។
មន្ត្រីអង្គការសង្គមស៊ីវិលធ្លាប់អះអាងថា
តុលាការព្រហ្មទណ្ឌអន្តរជាតិ
នឹងមានយុត្តាធិការពិនិត្យលើបណ្ដឹងឧក្រិដ្ឋប្រឆាំងនឹងកងកម្លាំង
ប្រដាប់អាវុធរដ្ឋាភិបាលកម្ពុជា
ក្រោយពីមានព្រឹត្តិការណ៍បង្ក្រាបដោយហិង្សា
ដែលមានលក្ខណៈជាប្រព័ន្ធកាលពីចុងឆ្នាំ២០១៣ និងដើមឆ្នាំ២០១៤ នេះ។
មន្ត្រីសិទ្ធមនុស្សចាត់ទុកថា
ការបង្ក្រាបដោយប្រើគ្រាប់កាំភ្លើងពិតបាញ់សម្លាប់មនុស្សចំនួន
៧នាក់ និងបណ្ដាលឲ្យរងរបួសមួយចំនួនទៀត
ជាបទល្មើសឧក្រិដ្ឋកម្មប្រឆាំងនឹងមនុស្សជាតិ។
មន្ត្រីនាំពាក្យ រដ្ឋសភា លោក ឈាង វុន កាលពីសប្ដាហ៍មុនអះអាងថា រដ្ឋាភិបាលមិនចាប់អារម្មណ៍ទៅនឹងបណ្ដឹងប្រឆាំងនឹងលោក ហ៊ុន សែន ឡើយ។ លោកចាត់ទុកបណ្ដឹងនោះថា ជាបណ្ដឹងដើម្បីឲ្យសារព័ត៌មានផ្ដោតការយកចិត្តទុកដាក់ទៅលើគណបក្ស ប្រឆាំងតែប៉ុណ្ណោះ។
មន្ត្រីនាំពាក្យ រដ្ឋសភា លោក ឈាង វុន កាលពីសប្ដាហ៍មុនអះអាងថា រដ្ឋាភិបាលមិនចាប់អារម្មណ៍ទៅនឹងបណ្ដឹងប្រឆាំងនឹងលោក ហ៊ុន សែន ឡើយ។ លោកចាត់ទុកបណ្ដឹងនោះថា ជាបណ្ដឹងដើម្បីឲ្យសារព័ត៌មានផ្ដោតការយកចិត្តទុកដាក់ទៅលើគណបក្ស ប្រឆាំងតែប៉ុណ្ណោះ។
តុលាការឧក្រិដ្ឋកម្មអន្តរជាតិ
ជាតុលាការអចិន្ត្រៃយ៍មួយដែលត្រូវបានបង្កើតឡើងពីលក្ខន្តិកៈ
ទីក្រុងរ៉ូម
ដើម្បីផ្ដន្ទាទោសបុគ្គលទាំងឡាយណាដែលទទួលខុសត្រូវចំពោះបទប្រល័យ
ពូជសាសន៍ ឧក្រិដ្ឋកម្មសង្គ្រាម និងមនុស្សជាតិ
និងឧក្រិដ្ឋកម្មនៃការឈ្លានពាន។
តុលាការនេះមិនអាចជំនួសតុលាការនៃប្រទេសជាសមាជិកទេ
ប៉ុន្តែអាចស៊ើបអង្កេត
និងផ្ដន្ទាទោសបុគ្គលណាដែលសង្ស័យពីបទឧក្រិដ្ឋកម្ម
ប្រសិនបើតុលាការនៅប្រទេសសាមីនោះមិនអាចធ្វើបាន
ឬគ្មានឆន្ទៈក្នុងការស៊ើបអង្កេត៕
No comments:
Post a Comment