25-09-2014
ដោយ លាង ដឺលុច
http://thmeythmey.com
លោក ហ៊ីង
សុខសាន្ត ដែលជាមនុស្សស្និទ្ធនឹងលោក កឹម សុខា
ត្រូវបានតែងតាំងជាអគ្គលេខាធិការរងនៃរដ្ឋសភាក្នុងក្របខណ្ឌនៃគណបក្ស
សង្គ្រោះជាតិ។ ប្រធានចលនាយុវជនរបស់គណបក្សសង្គ្រោះជាតិ បានប្រកាសថា
លោកនឹងផ្តល់ប្រាក់បៀវត្សរ៍ក្នុងរដ្ឋសភារបស់លោក ទៅសកម្មភាពមនុស្សធម៌
និងផ្តល់ទៅឲ្យក្រុមយុវជនដែលធ្វើការងារដើម្បីអភិវឌ្ឍន៍វិស័យ
អប់រំ។
អគ្គលេខាធិការរង
វ័យក្មេងនៃរដ្ឋសភា លោក ហ៊ីង សុខសាន្ត
នឹងមិនយកប្រាក់បៀវត្សរ៍ក្នុងតំណែងនយោបាយ
ទៅផ្ទះឡើយក្នុងនីតិកាលទី៥នេះ។ យុវជនគណបក្សសង្គ្រោះជាតិ អាយុ៣៣ឆ្នាំ
ដែលស្ថិតក្នុងចំណោមអគ្គលេខាធិការរងទាំង៦នាក់របស់រដ្ឋសភា
បានថ្លែងប្រាប់សារព័ត៌មានអេឡិចត្រូនិកថ្មីៗថា
ចាប់ពីខែកញ្ញាដែលលោកត្រូវទទួលបានប្រាក់ បៀវត្សរ៍ដំបូងនេះទៅ
លោកនឹងចាប់ផ្តើមបរិច្ចាគប្រាក់បៀវត្សរ៍ទៅក្នុងសកម្មភាពមនុស្សធម៌។
នៅពេលដែលលោកអគ្គលេខាធិការរងរូបនេះសុខចិត្តបរិច្ចាគប្រាក់បៀវត្សរ៍
រដ្ឋសភារបស់ខ្លួននោះ
នោះគឺដោយសារតែលោកអាចទទួលបានប្រាក់កម្រៃពីការងារបង្រៀនផ្សេងៗ
ដើម្បីចិញ្ចឹមក្រពះរបស់លោកបាន។
«តាមខ្ញុំដឹង ប្រាក់ខែសុទ្ធរបស់ខ្ញុំ គឺប្រហែល ៣លានរៀល (៧៥០ដុល្លារ) ។ ប្រាក់បៀវត្សរ៍ខែទី១នេះ ខ្ញុំនឹងដក៥០ភាគរយជូនទៅមន្ទីរពេទ្យគន្ធបុប្ជា ២៥ភាគរយឲ្យទៅមជ្ឈមណ្ឌលកុមារកំព្រាមួយក្នុងខេត្តកំពង់ស្ពឺ និង២៥ភាគរយទៀត ជូនទៅក្រុមយុវជនស្ម័គ្រចិត្តដែលធ្វើការងារនៅអារ៉ែង»។ លោក ហ៊ីង សុខសាន្តបានបន្តថា៖«ចាប់ពីប្រាក់បៀវត្សរ៍ខែទី២ទៅ ប្រាក់បៀវត្សរ៍របស់ខ្ញុំនឹងត្រូវទុកសម្រាប់ជួយក្រុមយុវជនណាដែលមាន គម្រោងស្រាវជ្រាវ ការផលិតឯកសារ ឬការបកប្រែសៀវភៅជាដើម។ ខ្ញុំមិនមែនជាអ្នកមានទ្រព្យសម្បត្តិទេ ប៉ុន្តែខ្ញុំចង់ចូលរួមចំណែកលើកស្ទួយវិស័យអប់រំ។ ក្រុមយុវជនណាដែលមានត្រូវការថវិកានេះ អាចផ្ញើគម្រោងឲ្យខ្ញុំពិនិត្យជាមុន»។
ទោះយ៉ាងណាក៏ដោយ បើតាមការបញ្ជាក់របស់លោក ហ៊ីង សុខសាន្ត តម្លៃគម្រោងទាំងនោះក៏មិនត្រូវលើសពីលទ្ធភាពដែលលោកអាចផ្តល់ជូនដែរ ពោលគឺមិនត្រូវលើសពីទំហំប្រាក់បៀវត្សរ៍របស់លោក។
លោក ហ៊ីង សុខសាន្ត បានចូលរួមសកម្មភាពនយោបាយក្នុងគណបក្សសិទ្ធិមនុស្សរបស់លោក កឹមសុខា ក្នុងឆ្នាំ២០០៧ បន្ទាប់ពីលោកបញ្ចប់ការសិក្សានៅសហរដ្ឋអាមេរិក។ នៅក្នុងគណបក្សសិទ្ធិមនុស្ស លោក ហ៊ីង សុខសាន្ត ធ្លាប់ជាប្រធានចលនាយុវជន នាយរងខុទ្ទកាល័យរបស់លោក កឹម សុខា និងជាអគ្គលេខាធិការគណបក្សសិទ្ធិមនុស្សផង៕
«តាមខ្ញុំដឹង ប្រាក់ខែសុទ្ធរបស់ខ្ញុំ គឺប្រហែល ៣លានរៀល (៧៥០ដុល្លារ) ។ ប្រាក់បៀវត្សរ៍ខែទី១នេះ ខ្ញុំនឹងដក៥០ភាគរយជូនទៅមន្ទីរពេទ្យគន្ធបុប្ជា ២៥ភាគរយឲ្យទៅមជ្ឈមណ្ឌលកុមារកំព្រាមួយក្នុងខេត្តកំពង់ស្ពឺ និង២៥ភាគរយទៀត ជូនទៅក្រុមយុវជនស្ម័គ្រចិត្តដែលធ្វើការងារនៅអារ៉ែង»។ លោក ហ៊ីង សុខសាន្តបានបន្តថា៖«ចាប់ពីប្រាក់បៀវត្សរ៍ខែទី២ទៅ ប្រាក់បៀវត្សរ៍របស់ខ្ញុំនឹងត្រូវទុកសម្រាប់ជួយក្រុមយុវជនណាដែលមាន គម្រោងស្រាវជ្រាវ ការផលិតឯកសារ ឬការបកប្រែសៀវភៅជាដើម។ ខ្ញុំមិនមែនជាអ្នកមានទ្រព្យសម្បត្តិទេ ប៉ុន្តែខ្ញុំចង់ចូលរួមចំណែកលើកស្ទួយវិស័យអប់រំ។ ក្រុមយុវជនណាដែលមានត្រូវការថវិកានេះ អាចផ្ញើគម្រោងឲ្យខ្ញុំពិនិត្យជាមុន»។
ទោះយ៉ាងណាក៏ដោយ បើតាមការបញ្ជាក់របស់លោក ហ៊ីង សុខសាន្ត តម្លៃគម្រោងទាំងនោះក៏មិនត្រូវលើសពីលទ្ធភាពដែលលោកអាចផ្តល់ជូនដែរ ពោលគឺមិនត្រូវលើសពីទំហំប្រាក់បៀវត្សរ៍របស់លោក។
លោក ហ៊ីង សុខសាន្ត បានចូលរួមសកម្មភាពនយោបាយក្នុងគណបក្សសិទ្ធិមនុស្សរបស់លោក កឹមសុខា ក្នុងឆ្នាំ២០០៧ បន្ទាប់ពីលោកបញ្ចប់ការសិក្សានៅសហរដ្ឋអាមេរិក។ នៅក្នុងគណបក្សសិទ្ធិមនុស្ស លោក ហ៊ីង សុខសាន្ត ធ្លាប់ជាប្រធានចលនាយុវជន នាយរងខុទ្ទកាល័យរបស់លោក កឹម សុខា និងជាអគ្គលេខាធិការគណបក្សសិទ្ធិមនុស្សផង៕
No comments:
Post a Comment