តុលាការចេញដីកា ចាប់ខ្លួនបណ្ឌិត ស៊ន់ ភក្ដី ពីបទក្លែងបន្លំឯកសារ សាធារណៈ [--Arrest warrant issued against Dr. Sun Pheakdey, a former advisor of Chea Xim]

Sun Pheakdey

Monday, 31 October 2011
ដោយ ៖ ស៊ន សុភក្ដ្រ
DAP-news

Synopsis: On 15 September 2011, the Kandal police received an arrest warrant from the Kandal provincial court to arrest Dr. Sun Pheakdey for falsification of public documents. Sun Pheakdey is well known for cheating and the king issued an order to remove his title of advisor to Chea Xim. A few years ago, he was also involved in a cheating case where workers wanting to work in South Korea had to pay several hundreds of dollars of bogus fees. On 15 September 2011, the cops raided the “higher” education center owned by Sun Pheakdey and they arrested a number of employees working there for faking student identifications.

ភ្នំពេញ ៖ កម្លាំងនគរបាល ខេត្ដកណ្ដាល បានទទួលដីកា បញ្ជាពីចៅក្រមស៊ើប អង្កេត សាលាដំបូង ខេត្ដកណ្ដាល ឱ្យតាម ចាប់ខ្លួន បណ្ឌិត ស៊ន់ ភក្ដី ពីបទក្លែងបន្លំឯកសារ សាធារណៈ កាលពីថ្ងៃទី១៥ ខែកញ្ញា ឆ្នាំ ២០១១ ដែល ប្រព្រឹត្ដទៅនៅ ភូមិដើមមៀន សង្កាត់ដើមមៀន ក្រុងតាខ្មៅ ខេត្ដកណ្ដាល ។

សូមបញ្ជាក់ថា បណ្ឌិតស៊ន់ ភក្ដី ដែល ល្បីល្បាញ ក្នុងអំពើឆបោករូបនេះ កាលពី ពេលកន្លងទៅ ត្រូវបានព្រះមហាក្សត្រ ត្រាស់ បង្គាប់ដកតួនាទីជាទីប្រឹក្សាសម្ដេចប្រធាន ព្រឹទ្ធសភាជា ស៊ីម ។

យោងតាមដីកា បង្គាប់ឱ្យចាប់ខ្លួនរបស់ ចៅក្រមស៊ើប សួរសាលាដំបូងខេត្ដកណ្ដាល លោកកេង សុម៉ារិទ្ធ ចុះថ្ងៃទី២៤ ខែតុលា ឆ្នាំ២០១១ ដែលមជ្ឈមណ្ឌលព័ត៌មានដើម អម្ពិលទទួលបាននៅថ្ងៃចន្ទទី៣១ ខែតុលា ឆ្នាំ២០១១ បានបញ្ជាក់ថា ឈ្មោះស៊ន់ ភក្ដី ភេទប្រុស អាយុ៤៨ឆ្នាំ មានទីលនៅបច្ចុប្បន្ន ក្នុងភូមិដើមមៀន សង្កាត់ដើមមៀន ក្រុង តាខ្មៅ ខេត្ដកណ្ដាល ត្រូវចោទប្រកាន់ពី បទក្លែងបន្លំឯកសារសាធារណៈ ប្រព្រឹត្ដ ទៅកាលពីថ្ងៃទី១៥ ខែកញ្ញា ឆ្នាំ២០១១ បទល្មើស ដែលមានចែងឱ្យផ្ដន្ទាទោសតាម បញ្ញត្ដិមាត្រា៩២៩ នៃក្រមព្រហ្មទណ្ឌ ។

យោងតាមដីកាខាងលើ បានបង្គាប់ទៅ ភ្នាក់ងារមានសមត្ថកិច្ចឱ្យចាប់ខ្លួនឈ្មោះស៊ន់ ភក្ដី ដើម្បីចៀសវាងជននេះ បំផ្លាញភស្ដុតាង គៀបសង្កត់សាក្សី ឬកៀបសង្កត់ជនរងគ្រោះ និងដើម្បីបញ្ចប់បទល្មើសកុំឱ្យកើតឡើងជា ថ្មី ។

សូមបញ្ជាក់ថា កាលពីថ្ងៃទី១៥ ខែកញ្ញា ឆ្នាំ២០១១ កម្លាំងនគរបាលខេត្ដកណ្ដាលជា ច្រើននាក់ បានចុះទៅដល់សាលាអប់រំ ជាន់ ខ្ពស់ របស់បណ្ឌិតស៊ន់ ភក្ដី ដោយឃាត់ខ្លួន បុគ្គលិកមួយចំនួនពីបទក្លែងបន្លំធ្វើអត្ដសញ្ញាណដល់កូនសិស្ស ។

បណ្ឌិតស៊ន់ ភក្ដីនេះ ក៏ធ្លាប់មានរឿង អាស្រូវកាលពីប៉ុន្មានឆ្នាំមុនផងដែរ បន្ទាប់ពី ជននេះបានបោកប្រាស់ពលករ យកលុយរាប់ រយដុល្លារជាថ្នូរនឹងការផ្ដល់ឱកាសមួយទៅ ធ្វើការនៅប្រទេសកូរ៉េ ប៉ុន្ដែទីបំផុតសុទ្ធតែ ជាការបោកប្រាស់ ។ អំឡុងការចុះបង្ក្រាប របស់សមត្ថកិច្ចខេត្ដកណ្ដាល នៅសាលាអប់រំ ជាន់ខ្ពស់ ក្នុងសង្កាត់ដើមមៀន ជនសង្ស័យ រូបនេះ មិនបាននៅកន្លែងកើតហេតុនោះទេ គឺរត់គេចខ្លួនបាត់ ហើយបច្ចុប្បន្នមិនដឹងស្ថិត នៅទីណានោះទេ ខណៈកម្លាំងសមត្ថកិច្ច ជំនាញ កំពុងតាមចាប់ខ្លួន ៕