 |
| អ្នកភូមិប្រមា ឃុំកំពង់ដំរី ស្រុកឆ្លូង នាំគ្នាជម្លៀសចេញ ពីការបង្ក្រាបរបស់អាជ្ញាធរកាលពីថ្ងៃ ១៦ ឧសភា។ រូបថត ហេង ជីវ័ន |
ម៉ៃ ទិត្យថារ៉ា និង David Boyle
The Phnom Penh Post
ក្រចេះ – ប្រជាជននៅភូមិប្រមា
បាននាំគ្នារត់គេចយកតែប្រាសអាយុកាលពី៣សប្តាហ៍កន្លងទៅពេលកង
កម្លាំងអាជ្ញាធរបើកការបាញ់ប្រហារទៅលើកាលពីខែមុនរហូតបណ្តាលឲ្យ
ស្លាប់ក្មេងស្រីអាយុ១៤ឆ្នាំម្នាក់មានការសោកស្តាយដែលពួកគាត់
មិនបានបោះឆ្នោតឃុំនឹងគេ និងអំពាវនាវសុំសិទ្ធិបោះឆ្នោត
ដើម្បីបានការទទួលស្គាល់ជាប្រជាពលរដ្ឋផ្លូវការនៅក្នុងតំបន់នេះ។
កម្លាំងនគរបាល រាជអាវុធហត្ថ
និងទាហានប្រមាណ១ពាន់នាក់ដែលបានចូលទៅភូមិនោះកាលពីថ្ងៃទី១៦
ឧសភា
ហើយបានប្រើកាំភ្លើងយន្តបាញ់ទៅលើប្រជាពលរដ្ឋនិងបណ្តេញពួកគាត់
រាប់រយគ្រួសារ
និងបន្តរក្សាកម្លាំងទុកប្រចាំការក្នុងភូមិប្រមានេះតាំងពីពេល
នោះមក។
ប្រជាជន
ដែលរងគ្រោះចុងក្រោយពីការបង្រ្កាបដោយហិង្សាជាបន្តបន្ទាប់ទៅលើ
សហគមន៍ដែលតវ៉ាអំពីការរំលោភយកដីធ្លីក្នុងខេត្តក្រចេះឆ្នាំនេះ
ពលរដ្ឋចំនួន១៨០ គ្រួសារ រស់នៅក្នុងភូមិប្រមា ក្នុងឃុំកំពង់ដំរី
ស្រុកឆ្លូង មិនត្រូវបានចាត់ទុកថា ជាប្រជាពលរដ្ឋពេញសិទ្ធិទេ
មូលហេតុនេះ ដែលពួកគេពុំមានសិទិ្ធបោះឆ្នោត។
លោក ឌុច គន្ធា អាយុ៦០ឆ្នាំដែលធ្វើចំណាកស្រុកពីខេត្តតាកែវ
មករស់នៅក្នុងភូមិប្រមានេះតាំងពីឆ្នាំ២០០៦ បានថ្លែងប្រាប់ថា
លោកកំពុងទន្ទឹងរង់ចាំការទទួលស្គាល់គ្រួសារលោកជាប្រជាពលរដ្ឋនៅ
ទីនេះជាផ្លូវការពីមេភូមិ។ លោកបន្តថា៖«ខ្ញុំមិនចង់ឲ្យ
គេមើលងាយយើងទៀតទេ ព្រោះយើងរស់នៅទីនេះជាយូរមកហើយ។
អាជ្ញាធរគេគួរតែអនុញ្ញាតឲ្យយើងបានបោះឆ្នោត»។
ជនចំណាកស្រុកដែលទៅរស់នៅភូមិប្រមា
បានបង្កើតភូមិរណបតូចៗដូចជា ភូមិចំណុចច្រកដំបង អណ្តូងជ្រៅ
និងភូមិ ស្រែជិនផឹងជាដើម។
គ្មានប្រជាជនណានៅក្នុងភូមិរណបតូចៗទាំងនេះ
មានការទទួលស្គាល់ជាផ្លូវការទេ
ដែលជាការបង្កើតឲ្យមានការបារម្ភថា
ពួកគេនឹងត្រូវបណ្តេញចេញយ៉ាងព្រៃផ្សៃនាពេលខាងមុខ
ខណៈមានប្រជាពលរដ្ឋប្រហែល២០០គ្រួសារទៀត ត្រូវចាត់ទុកថា
ជា«អ្នកចំណូលថ្មី» កាលពីថ្ងៃទី ១៦ ខែឧសភា កន្លងទៅ។
ប្រតិបត្តិការមួយធ្វើឡើងដោយក្រុមប្រដាប់អាវុធ
ដែលអ្នកភូមិនិងក្រុមសិទ្ធិមនុស្ស
ហៅថា«ជាការបណ្តេញចេញទាំងបង្ខំ»ក្រោមបញ្ជាពីរដ្ឋាភិបាល
ជំនួសឲ្យក្រុមហ៊ុនកាប់ឈើ កាសូទីម។
កងរាជអាវុធហត្ថនៅតែរក្សាវត្តមានរឹងមាំនៅតំបន់នោះ
ហើយប្រជាជនជាច្រើន រួមទាំង មឿន រិន អាយុ១៩ឆ្នាំ
កំពុងភ័យខ្លាចថាប្រសិនបើពួកគេនៅតែគ្មានការទទួលស្គាល់់ជា
ផ្លូវការនោះនឹងគ្មានសិទ្ធិបោះឆ្នោតទេ។ គាត់បាន និយាយថា ៖
«ខ្ញុំបានមករស់នៅទីនេះតាំងពីខ្ញុំអាយុ១២ឆ្នាំ
ប៉ុន្តែមេឃុំមិនទទួលស្គាល់ខ្ញុំទេ ហើយហេតុដែលខ្ញុំចង់បោះឆ្នោត
គឺខ្ញុំចង់បង្ហាញថា ខ្ញុំមានសុវត្ថិភាព
ខ្ញុំនឹងមិនត្រូវបណ្តេញចេញទាំងបង្ខំពីភូមិ ដូចពេលមុនឡើយ»។
លោក ឆេង ឆាត ជំទប់ឃុំកំពង់ដំរី បានប្រាប់ថា មានគ្រួសារ២៦៤
គ្រួសារបានចុះបញ្ជីនៅភូមិប្រមា
ហើយ១៨០គ្រួសារមិនទាន់បានចុះឈ្មោះនៅឡើយ។
លោកបន្តថា៖«ខ្ញុំបានស្នើសុំឲ្យគ្រួសារទាំងនោះទៅអភិបាល
ខេត្តរួចហើយ ហើយខ្ញុំសង្ឃឹមថា
នៅលើកក្រោយពួកគេនឹងអាចបោះឆ្នោតបាន»។
លោក អ៊ីម ម៉ានី
អ្នកសង្កេតការណ៍របស់អង្គការឃ្លាំមើលការបោះឆ្នោតហៅ ខុម ហ្វ្រែល
បានថ្លែងថា៖ «បើអ្នកភូមិប្រមាដើមកំណើតដំបូង ដែលគេហៅថា
ភូមិប្រមាចាស់ ត្រូវបានអនុញ្ញាតឲ្យបោះឆ្នោត
អ្នកទាំងនេះក៏មិនរងការបង្ក្រាបពីថ្ងៃទី១៦ ឧសភាដែរ»។ លោកថា
អ្នកចំណូលថ្មីគ្មានអត្តសញ្ញាណប័ណ្ណ និងមិនបានចុះឈ្មោះបោះឆ្នោត
មិនបានបោះឆ្នោតលើកនេះទេ៕
No comments:
Post a Comment