ដោយ៖ ស៊ុន ណារិន
VOD
មន្ត្រីគណបក្សសង្គ្រោះជាតិ នៅថ្ងៃពុធនេះ
ឲ្យដឹងថា លោក សម រង្ស៊ី បានពិភាក្សាគ្នាតាមទូរស័ព្ទជាមួយលោកនាយករដ្ឋមន្ត្រី
ហ៊ុន សែន ដោយនិយាយពីប្រធានបទសំខាន់ចំនួន៣។
លោក
អេង ឆៃអ៊ាង មន្ត្រីជាន់ខ្ពស់គណបក្សសង្គ្រោះជាតិ
ដែលបានដឹងពីការសន្ទនានេះ មានប្រសាសន៍ថា
ការពិភាក្សារវាងថ្នាក់ដឹកនាំទាំងពីរតាមរយៈទូរស័ព្ទ មានរយៈពេលប្រហែល៤៥នាទី។
លោកបញ្ជាក់ទៅអ្នកសារព័ត៌មានថា ប្រធានបទនៃការពិភាក្សានោះ រួមមានទី១
ពេលវេលានៃការបោះឆ្នោតឡើងវិញ សម្រាប់ការបោះឆ្នោតជាតិ និងក្រុមប្រឹក្សាឃុំ
សង្កាត់
ទី២ កំណែទម្រង់គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប.
និងការកែទម្រង់ប្រព័ន្ធផ្សព្វផ្សាយ។
លោក
អេង ឆៃអ៊ាង បញ្ជាក់ថា មិនទាន់មានការឯកភាពជាផ្លូវការទេ ហើយលោកសម រង្ស៊ី នឹងពិភាក្សាជាមួយសហការីរបស់ខ្លួនលើបញ្ហាទាំងនេះ៕
No comments:
Post a Comment