2014-06-29
RFA
ក្រុមយុវជន និងក្រុមហ្វេសប៊ុក (Face Book) របស់បក្សសង្គ្រោះជាតិ
ព្រមទាំងព្រះសង្ឃមួយចំនួន នៅថ្ងៃទី២៩ មិថុនា
បានចុះទៅពិនិត្យមើលតម្រុយបង្គោលព្រំដែនមួយចំនួន នៅព្រំដែន
កម្ពុជា-វៀតណាម ដែលគេទើបបោះថ្មីៗ ចូលក្នុងទឹកដីខ្មែរ
ស្ថិតនៅក្នុងភូមិធ្នង់ ឃុំថ្នាធ្នង់ ស្រុករំដួល ខេត្តស្វាយរៀង។
ប្រធានប្រតិបត្តិបក្សសង្គ្រោះជាតិខេត្តស្វាយរៀង លោក ម៉ៅ វិបុល
ដែលបានចុះទៅចំណុចព្រំដែននោះ ឲ្យដឹងនៅរសៀលថ្ងៃទី២៩ មិថុនា ថា
តម្រុយបង្គោលព្រំដែនថ្មីប្រហែល៦ កន្លែង
ត្រូវបានគេបោះចូលដីកម្ពុជា ប្រមាណពី ១៥០ម៉ែត្រ ទៅ ២០០ម៉ែត្រ
ពីបង្គោលព្រំដែនចាស់ រំលោភចូលដីស្រែអ្នកស្រុកចំនួន ១២គ្រួសារ
ដែលមានទំហំប្រហែល ៤០ហិកតារ។
លោកបន្តថា អ្នកគាំទ្របក្សប្រជាជន
បានព្យាយាមរារាំងក្រុមយុវជនបក្សសង្គ្រោះជាតិ
ពេលចុះទៅពិនិត្យមើលតម្រុយបង្គោលព្រំដែនថ្មីនោះ
ដោយបិទផ្លូវបិទស្ពានជាដើម
តែទីបំផុតក្រុមយុវជនបក្សសង្គ្រោះជាតិបានជម្នះ
ហើយទៅដល់កន្លែងកើតហេតុនោះ ដូចការគ្រោងទុក។
No comments:
Post a Comment