 |
| ប្រជាជននៅបុរីកីឡាត្រូវទាហានអាវុធហត្ថវាយបណ្តេញចេញពីផ្ទះសម្បែង (RFI/ ស៊ីវ ចាន់ណា) Borei Keila residents were beaten and chased out of their houses |
ថ្ងៃ អង្គារ 03 មករា 2012
ដោយ លី ម៉េងហួរ
Radio France Internationale
Synopsis: On 03 January 2012, at least 10 people were arrested, including 3 of Hun Xen’s bodyguards, during a clash with the cops in a land dispute case in Borei Keila. The residents and the 3 bodyguards of Hun Xen were protecting their homes as the cops were trying to demolish them. The confrontation started since Monday and it lingers on until today. The cops conducted this raid in order to confiscate the resident’s land to giver to the Phanimex company for development. Phanimex is owned by Suy Sopheap, one of Hun Xen’s cronies.
យ៉ាងហោចណាស់មានប្រជាពលរដ្ឋ ១០ នាក់ ត្រូវបានចាប់ខ្លួនជាមួយនឹងអង្គរក្សលោកនាយករដ្ឋមន្ត្រី ៣ នាក់ ក្នុងពេលប៉ះទង្គិចជាមួយកម្លាំងសមត្ថកិច្ចចម្រុះក្រុងភ្នំពេញ នៅក្នុងជម្លោះដីធ្លី នៅបុរីកីឡា នាព្រឹកថ្ងៃអង្គារ ទី៣មករានេះ។
ប្រជាពលរដ្ឋ និងអង្គរក្សនាយករដ្ឋមន្ត្រី ៣នាក់នោះ បានព្យាយាមការពារផ្ទះរបស់ខ្លួន ដែលកម្លាំងសមត្ថកិច្ចចម្រុះបានព្យាយាមចុះរុះរើ ចាប់តាំងពីព្រឹកថ្ងៃចន្ទម្សិលមិញ និងបន្តដល់ព្រឹកនេះទៀត។
នៅក្នុងព្រឹត្តិការណ៍នៅបុរីកីឡាព្រឹកមិញ គឺប្រជាពលរដ្ឋព្យាយាមរារាំងអាជ្ញាធរមានសមត្ថកិច្ចនគរបាល និងកងរាជអាវុធហត្ថរាប់សិបនាក់ ដោយគប់ដុំថ្មទៅវិញទៅមក។ ភាគីទាំងពីររបួស បែកក្បាលដូចគ្នា។
ទីបំផុតទៅ បន្ទាប់ពីប៉ះទង្គិចគ្នាដោយហិង្សាសមត្ថកិច្ចចម្រុះបានប្រើឡានទឹក និងគ្រាប់បែកផ្សែង ព្រមទាំងអេស្កាវ៉ាទ័រ ចូលវាយបំបែកក្រុមប្រជាពលរដ្ឋ និងវាយកម្ទេចផ្ទះខ្ទមរបស់ប្រជាពលរដ្ឋជាច្រើនខ្នង។
សូមរម្លឹកថា សមត្ថកិច្ចចម្រុះបានចុះទៅរុះរើផ្ទះខ្ទមរបស់ប្រជាពលរដ្ឋ នៅបុរីកីឡា ដើម្បីយកដីអោយក្រុមហ៊ុន ផានអ៊ីម៉ិច ធ្វើការអភិវឌ្ឍន៍ ដោយអះអាងថា ប្រជាពលរដ្ឋ ម្ចាស់ផ្ទះទាំងនោះ ទទួលបានសំណងជាផ្ទះល្វែង នៅអគាររួម ដែលទើបសង់ថ្មីនៅជិតនោះរួចហើយ។ ក៏ប៉ុន្តែក្រុមអ្នកតវ៉ាបានបដិសេធ និងអះអាងថា មិនទាន់ទទួលបានសំណងនោះឡើយ។
ក្រុមហ៊ុនផានអ៊ីម៉ិច របស់អ្នកស្រី ស៊ុយ សុផាន ទទួលបានដីតំបន់បុរីកីឡា ស្ថិតនៅខាងជើងស្តាតអូឡាំពិក ដើម្បីអភិវឌ្ឍជាអគារផ្ទះល្វែង។ ប៉ុន្តែក្រុមហ៊ុន ត្រូវផ្តល់សំណងដល់ប្រជាពលរដ្ឋរស់នៅអគារចាស់ និងផ្ទះក្នុងតំបន់បុរីកីឡា តាមរយៈការអភិវឌ្ឍន៍នៅនឹងកន្លែង៕
No comments:
Post a Comment