សាលាដំបូងខែត្រស្វាយរៀង មិនទាន់កំណត់ពេលវេលាបើកសវនាការសំណុំរឿងអតីតអភិបាលក្រុងបាវិត លោក ឈូក បណ្ឌិត នៅឡើយទេ បន្ទាប់ពីសាលាឧទ្ធរណ៍បានបញ្ជូនសំណុំរឿងដ៏ចម្រូងចម្រាសនេះឲ្យទៅ សាលាដំបូងខែត្រ បើកសវនាការជំនុំជម្រះនោះ។
2013-03-28
ដោយ ទីន ហ្សាការីយ៉ា
RFA
សំណុំរឿងលោក ឈូក បណ្ឌិត
ជាជនសង្ស័យបានបាញ់រះទៅលើហ្វូងកូដកររបស់កម្មករកាលពីឆ្នាំ២០១២
នោះ បានអូសបន្លាយអស់រយៈពេលជាងមួយឆ្នាំមកហើយ
ហើយក៏ជាសំណុំរឿងដែលគេពិបាកនឹងជឿណាស់ថា
តុលាការនឹងចាត់វិធានការតាមច្បាប់ ដើម្បីផ្ដន្ទាទោសលោក ឈូក បណ្ឌិត
ឲ្យជាប់គុកនោះ។
លោក ទីន ហ្សាការីយ៉ា មានបទវិភាគរឿងនេះ តាមការសាកសួររបស់អ្នកស្រី សុ ជីវី៖
សុ ជីវី៖ តើមូលហេតុអ្វីបានជាលោក ឈូក បណ្ឌិត មិនជាប់គុក?
ទីន ហ្សាការីយ៉ា៖ បាទ! តាមមើលទៅលោក ឈូក បណ្ឌិត តុលាការនឹងមិនផ្ដន្ទាទោសលោកឲ្យជាប់គុកនោះទេ ទោះបីលោក ឈូក បណ្ឌិត ជាជនសង្ស័យតែម្នាក់គត់នៃការបាញ់ប្រហារទៅលើកម្មករក្ដី តែលោកត្រូវបានក្រសួងមហាផ្ទៃ ផ្លាស់ទៅឲ្យមានតួនាទីនៅសាលាខែត្រជំនួសតួនាទីចាស់ជាអភិបាលក្រុង បាវិត។ នេះជាការឆ្លុះបញ្ចាំងថា លោកជាមនុស្សដ៏មានឥទ្ធិពលម្នាក់ ហើយតុលាការទំនងជាមិនអាចបំពេញតួនាទីរបស់ខ្លួនឲ្យបានឯករាជ្យ ក្នុងការកាត់ទោសលោក ឈូក បណ្ឌិត នោះទេ។
ជាងនេះទៅទៀតនោះ ក្រោយពីកម្មការិនីរោងចក្រកៅវ៉េ (Kaoway) ទាំងបីនាក់រងរបួសដោយសារគ្រាប់កាំភ្លើងមានឈ្មោះ កែវ នា អ៊ុន ចិន្តា និង នុត សាខន ក្នុងចំណោមអ្នកទាំង៣ គឺមាន អ្នកយកលុយទៅឲ្យឈ្មោះ អ៊ុន ចិន្ដា នៅមន្ទីរពេទ្យចំនួន ៥០០ដុល្លារ នៅខណៈនាងកំពុងសម្រាកព្យាបាលរបួសនៅមន្ទីរពេទ្យ ហើយគេប្រាប់ថា លុយនេះជាអំណោយរបស់អ្នកស្រីឧបនាយករដ្ឋមន្ត្រី ម៉ែន សំអន និងជាថ្នូរសុំឲ្យ អ៊ុន ចិន្តា កុំប្ដឹងលោក ឈូក បណ្ឌិត ទៅតុលាការ។
តែទោះបីជាយ៉ាងនេះក្ដី កម្មការិនីរងរបួសទាំងបីនាក់ នៅតែដាក់ពាក្យបណ្ដឹងទៅតុលាការ ហើយនៅដំណាក់កាលដំបូងសាលាដំបូងខែត្រស្វាយរៀងហ្នឹង បានធ្វើការស៊ើបអង្កេតករណីលោក ឈូក បណ្ឌិត បាញ់កម្មករដោយចោទប្រកាន់លោក ឈូក បណ្ឌិត ពីបទបង្ករបួសស្នាមដោយអចេតនា។ តែក្រោយមក តុលាការបែរជាទម្លាក់ចោលការចោទប្រកាន់នេះទៅវិញ។
តុលាការបានចោទប្រកាន់មន្ត្រីនគរបាលមួយរូបជំនួសលោក ឈូក បណ្ឌិត ទាក់ទងនឹងករណីបាញ់កម្មករកាលពីថ្ងៃទី២០ ខែកុម្ភៈ ឆ្នាំ២០១២។ ម្យ៉ាងទៀត ប្រសិនបើលោក ឈូក បណ្ឌិត គ្មានទំនាក់ទំនងជិតស្និទ្ធជាមួយមន្រ្តីមានអំណាចធំនៅពីក្រោយខ្នង ទេនោះ រឿងនេះទំនងជាតុលាការចាប់ខ្លួនលោកដាក់ពន្ធនាគារតាំងដើមទីមក ម្ល៉េះ។
សុ ជីវី៖ តើភស្តុតាងអ្វីខ្លះដែលបញ្ជាក់ថា លោក ឈូក បណ្ឌិត ជាជនជាប់ចោទក្នុងករណីបាញ់រះកម្មការិនីនៃរោងចក្រកៅវ៉េ នៅក្រុងបាវិត កាលពីថ្ងៃទី២០ ខែកុម្ភៈ ឆ្នាំ២០១២ នោះ?
ទីន ហ្សាការីយ៉ា៖ បាទ! បន្ទាប់ពីផ្ទុះអាវុធត្រូវកម្មករទាំងបីនាក់ភ្លាមៗ លោកឧបនាយករដ្ឋមន្ត្រី ស ខេង និងជារដ្ឋមន្រ្តីក្រសួងមហាផ្ទៃ បានឲ្យអ្នកសារព័ត៌មានដឹងថា លោក ឈូក បណ្ឌិត ជាជនសង្ស័យតែម្នាក់គត់ក្នុងការបាញ់ប្រហារកម្មករទាំងនោះ។ បញ្ហានេះ ខ្ញុំគិតថា ជារឿងល្អមួយដែលរដ្ឋមន្ត្រីក្រសួងមហាផ្ទៃ បានចង្អុលមុខជនសង្ស័យលើករណីបាញ់ប្រហារនេះ ក៏ប៉ុន្តែបញ្ហាសំខាន់នៅត្រង់ថា រឿងនេះវាហាក់ដូចជាការចង្អុលមុខជនសង្ស័យនេះគ្មានន័យទៅវិញ ពីព្រោះថា ជនសង្ស័យនៅក្រៅសំណាញ់ច្បាប់នៅឡើយអស់រយៈពេលជាង ១ឆ្នាំមកនេះ។
ទោះបីជាលោក ឈូក បណ្ឌិត ខ្លួនឯងធ្លាប់បានឆ្លើយនៅក្នុងដំណាក់កាលសាកសួរនៅខែត្រស្វាយរៀង កាលពីឆ្នាំ២០១២ នោះថា លោកជាអ្នកធ្វើឲ្យផ្ទុះអាវុធត្រូវកម្មករ ហើយនៅក្នុងសភាសាកសួររបស់សាលាឧទ្ធរណ៍កាលពីថ្ងៃទី២៧ និងថ្ងៃទី២៨ កុម្ភៈ នោះ លោក ឈូក បណ្ឌិត បានប្រាប់ទៀតថា អាវុធដែលផ្ទុះត្រូវកម្មករនោះ ជាអាវុធរបស់លោក ថ្វីត្បិតតែលោកដោះសាថា លោកគ្មានចេតនានោះទេ។
លើសពីនេះទៀត ទោះជាលោក ឈូក បណ្ឌិត បានព្យាយាមឆ្លើយថា លោកបានបំផ្ទុះអាវុធគ្មានចេតនាក្ដី តែសាក្សីជាមន្ត្រីនគរបាលពីររូប បានមកឆ្លើយនៅក្នុងសវនាការនៃសាលាឧទ្ធរណ៍ថា លោក ឈូក បណ្ឌិត ជាមនុស្សតែម្នាក់គត់ដែលធ្វើឲ្យផ្ទុះអាវុធត្រូវកម្មករ បន្ទាប់ពីលោកបានចេញពីរថយន្តទំនើបរបស់លោក ហើយបាញ់ប្រហារទៅលើហ្វូងកូដកម្មដោយមិនរើសមុខ។
ការចង្អុលបង្ហាញរបស់សាក្សីអាចនាំឲ្យគេជឿថា សកម្មភាពនោះមានចេតនាដ៏ច្បាស់ក្នុងការធ្វើឲ្យមានកម្មកររបួស បើទោះជាមិនសម្លាប់អ្នកដែលធ្វើការតវ៉ាទាំងនោះក្ដី។ ប្រសិនបើលោក ឈូក បណ្ឌិត មានឥរិយាបថបែបនេះ តុលាការត្រូវតែផ្ដន្ទាទោសឲ្យសមនឹងកំហុសរបស់គាត់ ហើយតាមផ្លូវច្បាប់ សកម្មភាពបែបនេះគេត្រូវតែចោទប្រកាន់ពីបទប៉ុនប៉ងមនុស្សឃាត។
យ៉ាងណាមិញ សភាសាលាឧទ្ធរណ៍បានចោទប្រកាន់លោក ឈូក បណ្ឌិត ឡើងវិញ ពីបទបង្ករបួសស្នាមដោយអចេតនាតាមក្រមព្រហ្មទណ្ឌមាត្រា ២៣៦ ឆ្នាំ២០០៩ គឺជនសង្ស័យ នឹងត្រូវជាប់ទោសពី ៦ ខែទៅ ២ឆ្នាំ និងពិន័យជាប្រាក់ពី ១លានរៀលទៅ ៤លានរៀល។ តែរឿងនេះ ទោះជាយ៉ាងណាក៏ដោយ ខ្ញុំយល់ថា សាលាដំបូងខែត្រស្វាយរៀង ទីមួយ អាចនឹងពន្យារពេលការកាត់ក្តីលោក ឈូក បណ្ឌិត រហូតដល់ក្រោយបោះឆ្នោត ហើយទីពីរ នៅក្នុងសវនាការកាត់ក្ដីនោះ តុលាការក៏ប្រហែលជាពិបាកនឹងវិនិច្ឆ័យរឿងក្ដីរបស់លោក ឈូក បណ្ឌិត អោយជាប់ទោសណាស់។
សុ ជីវី៖ តើហេតុផលអ្វីខ្លះដែលថា សាលាដំបូងខែត្រស្វាយរៀង នឹងកាត់ឲ្យលោក ឈូក បណ្ឌិត មិនជាប់ទោសនោះ?
ទីន ហ្សាការីយ៉ា៖ រឿងនេះទំនងជាសាលាដំបូងខែត្រស្វាយរៀង នឹងបើកសវនាការនៅក្រោយពេលបោះឆ្នោត នៅខែកក្កដា ខាងមុខ។ ការធ្វើដូច្នេះ គឺប្រហែលជាគេជៀសវាងនូវការជះឥទ្ធិពលដល់សន្លឹកឆ្នោតរបស់គណបក្ស គ្រប់គ្រងអំណាចបច្ចុប្បន្ន។ មួយវិញទៀត ការធ្វើដូច្នេះដើម្បីជៀសវាងកុំឲ្យមានក្រុមសហជីពដឹកនាំក្រុម កម្មករធ្វើបាតុកម្ម ដែលធ្វើឲ្យមានភាពល្អក់កករកាន់តែខ្លាំងនៅមុនពេលបោះឆ្នោត។ ក៏ប៉ុន្តែបើសិនជាតុលាការយកសំណុំរឿងដ៏ចម្រូងចម្រាសនេះមកជំនុំ ជម្រះក្ដីនៅមុនពេលបោះឆ្នោត តាមមើលទៅរឿងនេះតុលាការនឹងកាត់ឲ្យលោក ឈូក បណ្ឌិត ជាប់គុក ដើម្បីជាការបំពេញចិត្តដល់កម្មករ និងជាការបង្ហាញថា តុលាការឯករាជ្យ និងផ្ដល់យុត្តិធម៌ជូនជនរងគ្រោះ។
ទោះជាយ៉ាងនេះក្ដី សំណុំរឿងនេះទំនងជាសាលាដំបូងខែត្រស្វាយរៀង នឹងកាត់ទោសឲ្យលោក ឈូក បណ្ឌិត ជាប់ទោស តែចំនួនទោសនោះប្រហែលជាគេនឹងត្រូវព្យួរទោសទាំងអស់ ពោលគឺលោក ឈូក បណ្ឌិត មិនជាប់គុកនោះទេ ដោយហេតុថា ករណីនេះតុលាការបានត្រឹមតែចោទប្រកាន់លោក ឈូក បណ្ឌិត ពីបទមជ្ឈិមស្រាលបំផុត អំពីការបង្ករបួសស្នាមដោយអចេតនានោះ៕
លោក ទីន ហ្សាការីយ៉ា មានបទវិភាគរឿងនេះ តាមការសាកសួររបស់អ្នកស្រី សុ ជីវី៖
សុ ជីវី៖ តើមូលហេតុអ្វីបានជាលោក ឈូក បណ្ឌិត មិនជាប់គុក?
ទីន ហ្សាការីយ៉ា៖ បាទ! តាមមើលទៅលោក ឈូក បណ្ឌិត តុលាការនឹងមិនផ្ដន្ទាទោសលោកឲ្យជាប់គុកនោះទេ ទោះបីលោក ឈូក បណ្ឌិត ជាជនសង្ស័យតែម្នាក់គត់នៃការបាញ់ប្រហារទៅលើកម្មករក្ដី តែលោកត្រូវបានក្រសួងមហាផ្ទៃ ផ្លាស់ទៅឲ្យមានតួនាទីនៅសាលាខែត្រជំនួសតួនាទីចាស់ជាអភិបាលក្រុង បាវិត។ នេះជាការឆ្លុះបញ្ចាំងថា លោកជាមនុស្សដ៏មានឥទ្ធិពលម្នាក់ ហើយតុលាការទំនងជាមិនអាចបំពេញតួនាទីរបស់ខ្លួនឲ្យបានឯករាជ្យ ក្នុងការកាត់ទោសលោក ឈូក បណ្ឌិត នោះទេ។
ជាងនេះទៅទៀតនោះ ក្រោយពីកម្មការិនីរោងចក្រកៅវ៉េ (Kaoway) ទាំងបីនាក់រងរបួសដោយសារគ្រាប់កាំភ្លើងមានឈ្មោះ កែវ នា អ៊ុន ចិន្តា និង នុត សាខន ក្នុងចំណោមអ្នកទាំង៣ គឺមាន អ្នកយកលុយទៅឲ្យឈ្មោះ អ៊ុន ចិន្ដា នៅមន្ទីរពេទ្យចំនួន ៥០០ដុល្លារ នៅខណៈនាងកំពុងសម្រាកព្យាបាលរបួសនៅមន្ទីរពេទ្យ ហើយគេប្រាប់ថា លុយនេះជាអំណោយរបស់អ្នកស្រីឧបនាយករដ្ឋមន្ត្រី ម៉ែន សំអន និងជាថ្នូរសុំឲ្យ អ៊ុន ចិន្តា កុំប្ដឹងលោក ឈូក បណ្ឌិត ទៅតុលាការ។
តែទោះបីជាយ៉ាងនេះក្ដី កម្មការិនីរងរបួសទាំងបីនាក់ នៅតែដាក់ពាក្យបណ្ដឹងទៅតុលាការ ហើយនៅដំណាក់កាលដំបូងសាលាដំបូងខែត្រស្វាយរៀងហ្នឹង បានធ្វើការស៊ើបអង្កេតករណីលោក ឈូក បណ្ឌិត បាញ់កម្មករដោយចោទប្រកាន់លោក ឈូក បណ្ឌិត ពីបទបង្ករបួសស្នាមដោយអចេតនា។ តែក្រោយមក តុលាការបែរជាទម្លាក់ចោលការចោទប្រកាន់នេះទៅវិញ។
តុលាការបានចោទប្រកាន់មន្ត្រីនគរបាលមួយរូបជំនួសលោក ឈូក បណ្ឌិត ទាក់ទងនឹងករណីបាញ់កម្មករកាលពីថ្ងៃទី២០ ខែកុម្ភៈ ឆ្នាំ២០១២។ ម្យ៉ាងទៀត ប្រសិនបើលោក ឈូក បណ្ឌិត គ្មានទំនាក់ទំនងជិតស្និទ្ធជាមួយមន្រ្តីមានអំណាចធំនៅពីក្រោយខ្នង ទេនោះ រឿងនេះទំនងជាតុលាការចាប់ខ្លួនលោកដាក់ពន្ធនាគារតាំងដើមទីមក ម្ល៉េះ។
សុ ជីវី៖ តើភស្តុតាងអ្វីខ្លះដែលបញ្ជាក់ថា លោក ឈូក បណ្ឌិត ជាជនជាប់ចោទក្នុងករណីបាញ់រះកម្មការិនីនៃរោងចក្រកៅវ៉េ នៅក្រុងបាវិត កាលពីថ្ងៃទី២០ ខែកុម្ភៈ ឆ្នាំ២០១២ នោះ?
ទីន ហ្សាការីយ៉ា៖ បាទ! បន្ទាប់ពីផ្ទុះអាវុធត្រូវកម្មករទាំងបីនាក់ភ្លាមៗ លោកឧបនាយករដ្ឋមន្ត្រី ស ខេង និងជារដ្ឋមន្រ្តីក្រសួងមហាផ្ទៃ បានឲ្យអ្នកសារព័ត៌មានដឹងថា លោក ឈូក បណ្ឌិត ជាជនសង្ស័យតែម្នាក់គត់ក្នុងការបាញ់ប្រហារកម្មករទាំងនោះ។ បញ្ហានេះ ខ្ញុំគិតថា ជារឿងល្អមួយដែលរដ្ឋមន្ត្រីក្រសួងមហាផ្ទៃ បានចង្អុលមុខជនសង្ស័យលើករណីបាញ់ប្រហារនេះ ក៏ប៉ុន្តែបញ្ហាសំខាន់នៅត្រង់ថា រឿងនេះវាហាក់ដូចជាការចង្អុលមុខជនសង្ស័យនេះគ្មានន័យទៅវិញ ពីព្រោះថា ជនសង្ស័យនៅក្រៅសំណាញ់ច្បាប់នៅឡើយអស់រយៈពេលជាង ១ឆ្នាំមកនេះ។
ទោះបីជាលោក ឈូក បណ្ឌិត ខ្លួនឯងធ្លាប់បានឆ្លើយនៅក្នុងដំណាក់កាលសាកសួរនៅខែត្រស្វាយរៀង កាលពីឆ្នាំ២០១២ នោះថា លោកជាអ្នកធ្វើឲ្យផ្ទុះអាវុធត្រូវកម្មករ ហើយនៅក្នុងសភាសាកសួររបស់សាលាឧទ្ធរណ៍កាលពីថ្ងៃទី២៧ និងថ្ងៃទី២៨ កុម្ភៈ នោះ លោក ឈូក បណ្ឌិត បានប្រាប់ទៀតថា អាវុធដែលផ្ទុះត្រូវកម្មករនោះ ជាអាវុធរបស់លោក ថ្វីត្បិតតែលោកដោះសាថា លោកគ្មានចេតនានោះទេ។
លើសពីនេះទៀត ទោះជាលោក ឈូក បណ្ឌិត បានព្យាយាមឆ្លើយថា លោកបានបំផ្ទុះអាវុធគ្មានចេតនាក្ដី តែសាក្សីជាមន្ត្រីនគរបាលពីររូប បានមកឆ្លើយនៅក្នុងសវនាការនៃសាលាឧទ្ធរណ៍ថា លោក ឈូក បណ្ឌិត ជាមនុស្សតែម្នាក់គត់ដែលធ្វើឲ្យផ្ទុះអាវុធត្រូវកម្មករ បន្ទាប់ពីលោកបានចេញពីរថយន្តទំនើបរបស់លោក ហើយបាញ់ប្រហារទៅលើហ្វូងកូដកម្មដោយមិនរើសមុខ។
ការចង្អុលបង្ហាញរបស់សាក្សីអាចនាំឲ្យគេជឿថា សកម្មភាពនោះមានចេតនាដ៏ច្បាស់ក្នុងការធ្វើឲ្យមានកម្មកររបួស បើទោះជាមិនសម្លាប់អ្នកដែលធ្វើការតវ៉ាទាំងនោះក្ដី។ ប្រសិនបើលោក ឈូក បណ្ឌិត មានឥរិយាបថបែបនេះ តុលាការត្រូវតែផ្ដន្ទាទោសឲ្យសមនឹងកំហុសរបស់គាត់ ហើយតាមផ្លូវច្បាប់ សកម្មភាពបែបនេះគេត្រូវតែចោទប្រកាន់ពីបទប៉ុនប៉ងមនុស្សឃាត។
យ៉ាងណាមិញ សភាសាលាឧទ្ធរណ៍បានចោទប្រកាន់លោក ឈូក បណ្ឌិត ឡើងវិញ ពីបទបង្ករបួសស្នាមដោយអចេតនាតាមក្រមព្រហ្មទណ្ឌមាត្រា ២៣៦ ឆ្នាំ២០០៩ គឺជនសង្ស័យ នឹងត្រូវជាប់ទោសពី ៦ ខែទៅ ២ឆ្នាំ និងពិន័យជាប្រាក់ពី ១លានរៀលទៅ ៤លានរៀល។ តែរឿងនេះ ទោះជាយ៉ាងណាក៏ដោយ ខ្ញុំយល់ថា សាលាដំបូងខែត្រស្វាយរៀង ទីមួយ អាចនឹងពន្យារពេលការកាត់ក្តីលោក ឈូក បណ្ឌិត រហូតដល់ក្រោយបោះឆ្នោត ហើយទីពីរ នៅក្នុងសវនាការកាត់ក្ដីនោះ តុលាការក៏ប្រហែលជាពិបាកនឹងវិនិច្ឆ័យរឿងក្ដីរបស់លោក ឈូក បណ្ឌិត អោយជាប់ទោសណាស់។
សុ ជីវី៖ តើហេតុផលអ្វីខ្លះដែលថា សាលាដំបូងខែត្រស្វាយរៀង នឹងកាត់ឲ្យលោក ឈូក បណ្ឌិត មិនជាប់ទោសនោះ?
ទីន ហ្សាការីយ៉ា៖ រឿងនេះទំនងជាសាលាដំបូងខែត្រស្វាយរៀង នឹងបើកសវនាការនៅក្រោយពេលបោះឆ្នោត នៅខែកក្កដា ខាងមុខ។ ការធ្វើដូច្នេះ គឺប្រហែលជាគេជៀសវាងនូវការជះឥទ្ធិពលដល់សន្លឹកឆ្នោតរបស់គណបក្ស គ្រប់គ្រងអំណាចបច្ចុប្បន្ន។ មួយវិញទៀត ការធ្វើដូច្នេះដើម្បីជៀសវាងកុំឲ្យមានក្រុមសហជីពដឹកនាំក្រុម កម្មករធ្វើបាតុកម្ម ដែលធ្វើឲ្យមានភាពល្អក់កករកាន់តែខ្លាំងនៅមុនពេលបោះឆ្នោត។ ក៏ប៉ុន្តែបើសិនជាតុលាការយកសំណុំរឿងដ៏ចម្រូងចម្រាសនេះមកជំនុំ ជម្រះក្ដីនៅមុនពេលបោះឆ្នោត តាមមើលទៅរឿងនេះតុលាការនឹងកាត់ឲ្យលោក ឈូក បណ្ឌិត ជាប់គុក ដើម្បីជាការបំពេញចិត្តដល់កម្មករ និងជាការបង្ហាញថា តុលាការឯករាជ្យ និងផ្ដល់យុត្តិធម៌ជូនជនរងគ្រោះ។
ទោះជាយ៉ាងនេះក្ដី សំណុំរឿងនេះទំនងជាសាលាដំបូងខែត្រស្វាយរៀង នឹងកាត់ទោសឲ្យលោក ឈូក បណ្ឌិត ជាប់ទោស តែចំនួនទោសនោះប្រហែលជាគេនឹងត្រូវព្យួរទោសទាំងអស់ ពោលគឺលោក ឈូក បណ្ឌិត មិនជាប់គុកនោះទេ ដោយហេតុថា ករណីនេះតុលាការបានត្រឹមតែចោទប្រកាន់លោក ឈូក បណ្ឌិត ពីបទមជ្ឈិមស្រាលបំផុត អំពីការបង្ករបួសស្នាមដោយអចេតនានោះ៕
No comments:
Post a Comment