លោក សម រង្ស៊ី និងលោក កឹម សុខា ធ្វើសន្និសីទបញ្ជាក់ជំហរគណបក្សសង្រ្គោះជាតិនៅព្រឹកនេះ។ រូបថត ហេង ជីវ័ន
ភ្នំពេញប៉ុស្តិ៍
ភ្នំពេញៈ លោក សម រង្ស៊ី ប្រធានគណបក្សសង្គ្រោះជាតិ
បានបញ្ជាក់ជំហរនៅថ្ងៃពុធនេះថា គណបក្សសង្គ្រោះជាតិ
នៅតែមានឆន្ទៈក្នុងការធ្វើការចរចាជាមួយគណបក្សប្រជាជនកម្ពុជា
ប៉ុន្តែគ្រាន់តែធ្វើការផ្អាកសិន មិនមែនមានន័យថា
បញ្ឈប់ការចរចានោះទេ។
មេបក្សប្រឆាំងរូបនេះ បានថ្លែងក្នុងសន្និសីទកាសែតរួមជាមួយលោក
កឹម សុខា អនុប្រធានគណបក្សសង្រ្គោះជាតិ ស្តីពីគោលជំហរ
របស់គណបក្សសង្គ្រោះជាតិ
បន្ទាប់ពីការផ្អាកការប្រជុំរបស់គណៈកម្មការចម្រុះ
រវាងគណបក្សសង្គ្រោះជាតិ និងគណបក្សប្រជាជនកម្ពុជា
ដែលឈានដល់ភាពទល់ច្រកក្នុងប្រធានបទ
កែទម្រង់ស្ថាប័នរៀបចំការបោះឆ្នោត គ.ជ.ប កាលពីថ្ងៃចន្ទទី ២៤
មីនាកន្លងមក ដោយគណបក្សសង្គ្រោះជាតិ
ទាមទារឲ្យស្ថាប័នរៀបចំការបោះឆ្នោតនេះ ទៅជាស្ថាប័នធម្មនុញ្ញ
ហើយត្រូវអនុម័តដោយសំឡេងពីរភាគបី។
លោក សម រង្ស៊ី ថ្លែងថា
លោកនៅតែបន្តការចរចារកដំណោះស្រាយជាមួយគណបក្សប្រជាជនដដែល
មិនមានការផ្លាស់ប្តូរនោះទេ
ប៉ុន្តែសូមផ្អាកការចរចាជាបណ្តោះអាសន្នសិនដើម្បីរង់ចាំចម្លើយពី
ថ្នាក់ដឹកនាំកំពូលបក្សប្រជាជន ការកែទម្រង់ប្រព័ន្ធបោះឆ្នោត។
កាលពីម្សិលមិញ
គណបក្សប្រជាជនបានចេញសេចក្តីថ្លែងការណ៍មួយគូសបញ្ជាក់ថា
ការផ្អាកការចរចា រវាងគណបក្សប្រជាជន
និងគណបក្សសង្គ្រោះជាតិគឺជាទស្សនៈផ្ទាល់ខ្លួនរបស់គណបក្ស
សង្គ្រោះជាតិ ហើយគណបក្សប្រជាជន
គ្មានបំណងផ្អាកកិច្ចពិភាក្សានោះទេ
ហើយនៅតែគោរពតាមកិច្ចព្រមព្រៀងចុះថ្ងៃទី១៤ ខែកុម្ភៈ
ឆ្នាំ២០១៤ ដែលជាក្របខ័ណ្ឌនៃការធ្វើកំណែទម្រង់ការបោះឆ្នោត
ហើយនឹងដាក់ពិភាក្សាក្នុងសិក្ខាសាលាជាតិនាពេលខាងមុខ។
លោក សម រង្ស៊ី បន្តថាគណបក្សសង្គ្រោះជាតិ នឹងធ្វើសមាជមហាជន
ដើម្បីសុំមតិយោបល់ពីប្រជាពលរដ្ឋ ទាក់ទងការចរចាជាមួយគណបក្សប្រជាជន
រឿងកែទម្រង់ស្ថាប័នរៀបចំការបោះឆ្នោត នៅថ្ងៃទី ៣០ មីនានេះ។
សូមរង់ចាំអានព័ត៌មានពិស្តារក្នុងកាសែតភ្នំពេញប៉ុស្តិ៍..
No comments:
Post a Comment